Жеңіс туы желбірейді тәрбие сағаты

«9 мамыр – Желбірейді Жеңіс туы !»

Ұлы Жеңіс күніне арналған ертеңгілік

Мақсаты: Білімділік: Балаларға Ұлы Отан соғысы, жеңіс, ерлік, батырлық туралы түсінік, ұғым беру, білімдерін жетілдіру.

Тәрбиелілік: Отанды қорғауға, сүйіспеншілікпен қарауға, сүюге, үлкенді құрметтеуге, отан үшін шайқасқа түскен аға-

апаларымыздың рухына бас июге, үлкенге – ізет, кішіге-

қызмет етуге, адамгершілікке тәрбиелеу. Дамытушылық: Балалардың ақыл-ойын, қиялын,тілін, сөз

байлығын, ән айту қабілетін дамыту.

Жүргізуші : Қамықпаған қиындықтың үрейінен, Өздеріңе сыйлап қырдың гүлінен Бүгінгі ұрпақ – бақытты ұрпақ атанып Құттықтаймыз Ұлы Жеңіс күнімен! Жеңіс деген жақсылықтың сыңары Жігерменен құштарлықтың құралы Күрескердің арманы мен ұраны Қуаныш пен мерекенің бұлағы. Құрметті қонақтар мен балалар! Баршамызға белгілі 9 мамыр 5 жылға созылған Ұлы Отан соғысында неміс басқыншыларын өз ордасында күйрете талқандап, әділетті елімізге жеңіс әкелген күн. Жеңіс оңайлықпен келген жоқ. Қанша бала жетім қалды, қанша ана жесір қалды, қаншама қыршын боздақтарымыз Отан үшін өмірін қиды. Соғыс зардабы қаншама жүректерге жазылмас жара салды. Биыл міне, сол жеңіске де 70 жыл толыпты. Бірақ, бізге – тыныш жылдар, бақытты өмір сыйлаған ата-бабаларымыздың ерлігін ұмыттырмақ емес! Ерлер есімі – ел есінде мәңгілік сақталады. Қазір біздің балаларымыздың Жеңіс күніне арнап дайындаған ертеңгілігін тамашалаңыздар. Төле: Бұлт түнеріп аспаннан Талай көзден жас тамды Тұтқиылдан жау тиіп Қырғын соғыс басталды. Нұрбек: Жеңіс келді елімізге Жеңіс келді ән болып Жеңіс келді қалама Келді ауылға сән көрік Имран: Ұмытпа сен елімізге Бақыт тегін келмегенін Ұмытпа сен елімізге Жеңіс тегін келмегенін Жүргізуші: Бұл күндерді

Бегельдинов, Василий Клочков т.б. Ер адамдармен қатар қыздар да ерен ерлік көрсетті. Олардың қатарында мергендігімен танылған Әлия Молдағұлова, пулеметші қыз Мәншүк Мәметова сынды қазақ қыздарын айтуға болады.

Ерхан: Қосамыз біз өлеңге Әсемай: Әлияны бұл күнде Айтамыз біз ән қылып Барлық бала біледі Мәншүк апа ерлігі Әлия аты көңілде Ұмытылмас мәңгілік Әпкеміз деп жүреді. Нұрислам: Жаралғандай жалынан Жайсаң батыр- Бауыржан Естігенде есімін Жау есінен жаңылған

Жүргізуші: Егер де құрбан болған адамға бір сәт үнсіздік арнасақ, адамзат баласы 30 жыл үнсіз болар еді.Сол соғыста құрбан болғандарды еске алып, бір минут үнсіз тағзым жасайық.Отан үшін оққа ұшқандарға мәңгі өшпес даңқ! Ал, арамызда жүрген соғыс ардагерлеріне сансыз алғыс! )Бәрі орындарынан тұрып, бастарын иеді). Балалар гүл шоқтарын мәңгілік алау алдына қояды.

Жүргізуіші: 70 жыл бейбіт көктем таң атқалы, 70 жыл шуақты күн таратты әнін. Елімде сонан бері 70 рет Ашылды Жеңіс күннің парақтары. Ән: «Отан»

Жүргізуші: Кестелі ақ жібек орамал Алыстан жолдаған сүйген жар "Жауынгер жарым сен, есіңе ал" Деп жазған оюлап хаты бар,-демекші қыздарамыздың биін тамашалайық. Би: «Синий платочек»

Жүргізуші: Жігіттердің қолдарында ер жүрек Алаулады Жеңіс туы желбіреп. Бала біткен шапқылап жүр, мәз мейрам, «Көптен күткен ең ұлы күн келді» деп Соғыс жылдары майдан даласында жауынгерлердің рухын көтеріп біздің жерлесіміз Роза Бағланова апамызда ән шырқады. Оның «Ах ,Самара городок» сынды әні бүкіл елге танымал. Бүгінде балаларымыз біздерге арнап «Катюша» әнін тарту етпекші. Ән: «Катюша» Жүргізуші: Ағалар саптан шықпасын Аналар қабақ шытпасын, Бақытқа жетіп бар адам, Сәбилер тыныш ұйықтасын,-дей келе ер балалар теңізшілер биін тарту етпекші Би: «Теңізшілер» Жүргізуіші: Иә, бүгінде айтулы мереке! Тыл даласында, майдан шебінде шайқасқан 28-Панфиловтар туралы сөз етпеу мүмкін емес.