Жеңіспен келген көктем тәрбие сағаты, 8-сынып

Қызылорда облысы

Қармақшы аудандық оқушылар үйі

«Фитодизайн» үйірмесінің жетекшісі

Зұлпыхарова Майра Нұралханқызы

«Жеңіспен келген көктем!» тақырыбындағы кездесу кешінің

Жоспары:

Мақсаты: Ұлы Отан соғысындағы қазақстандықтардың Отан үшін от кешкен қаҺарман аталар мен апалардың батырлығы , ерен ерліктері туралы мәлімет бере отырып , болашақ ұрпақты ұлттық мәдениетіміздің нәрімен сусындатып, адамгершілікке , еңбек сүйгіштікке , батылдыққа, отансүйгіштікке тәрбиелеу.

Шараның жүру барысы:

І.Кіріспе бөлім

1.Ұйымдастыру кезеңі

2.Қонақтармен таныстыру

ІІ.Негізгі бөлім

1. Кіріспе сөз

2. «Қазақстандықтар Ұлы Отан соғысында!» тақырыбында бейнебаян көрсету

3. «Катюша» әні. Орындайтын: Мұхаметқалиқызы Раида

4. «Бауыржан Момышұлының ұрпаққа үндеуі» өз даусымен жазылған бейнебаян көрсету

5. «Жеңіспен келген көктем!» оқушылардың әдеби монтажы

6. «Әлия мен Мәншүктің соғысқа аттануы» сахналық көрініс

7. «Қазақтың батыр қыздары» атты бейнебаянын көрсету

8. « Мен Мәншүкпін» монологы

«Рахымжан Қошқарбаев ерлігі» бейнебаян

9 Ауған соғысы ардагерлерімен сыр – сұқбат

10. «Ах , эти тучи голубые» әні.Орындайтын : Камуннаева Фариза

11. «Ұлы Отан» әні. Хор.

ІІІ. Қорытынды

Қорытынды сөз

«Жеңіспен келген көктем!» тақырыбындағы кездесу кешінің

сценарийі:

Армысыздар қадірлі қонақтар , ұстаздар, оқушылар!

Бүгінгі өткелі отырған «Жеңіспен келген көктем!» тақырыбындағы кездесу кешіміз Отан соғысындағы қазақстандықтардың Отан үшін от кешкен қаҺарман аталар мен апалардың батырлығы , ерен ерліктері мен тылдағы қажырлы еңбектерімен жеңісті шыңдағандарға, қан майданда әкелері мен ұлдарынан, бауырларынан айырылған әрбір жанұяға, қайтып оралмаған қаһармандарды еске алуға, Жеңістің 72 жылдық тойына арналады.

Бүгінгі кештің қадірменді қонақтарымен таныс болыңыздар:

Ауған соғысының ардагері Исаханов Бахтияр

Ауған соғысының ардагері Ерманов Асқар

«Қазақстандықтар Ұлы Отан соғысында !» тақырыбында бейнебаянды тамашалаңыздар.

1941-1945 жылдары ерлікпен қаза тапқан жауынгерлер рухына тағзым етіп, 1 минут үнсіздікпен еске алсақ!

Өмірде тарих кезеңі үнемі жаңаланып отырады. Десе де, ұмытылмайтын, ескірмейтін тарихи оқиғалар бар. Біз үшін Ұлы Отан соғысы да мәңгілік тарих. Ол біздің әкеміз бен аталарымыздың қанымен жазылған естеліктер. Өйткені олар адам айтса сенгісіз күндерді басынан өткерді. Аш та, жалаңаш та жүріп, қан майдандағы небір сұрапыл оқиғалардың басы-қасында болды. Бүгінде қатарлары сиреп қалған ардагер аталарымыз басынан өткен сонау бір дүрмекті кезеңнің дүбірі келмеске кеткенмен, зары өшкен емес, зардабы өшпек емес. Ол жылдардың жүрекке түскен жарасы, көңілде қалған наласы қаншама! Биыл сол ұлы мереке, ұлық той 72-ші рет атап өтілмек. Елдік мұрат пен ерлік шежіресіне адалдық танытып, осы жолда өмір сапарларын ерте аяқтаған ардақты азаматтарымыз бен аяулы апаларымызға қандай құрмет көрсетсек те лайықты.

Ән «Катюша» орындайтын Мұхамбетқалиқызы Раида

Отан соғысының алғашқы күндерінен бастап-ақ қатарында мыңдаған Қазақстандықтар шайқасқан кеңес жауынгерлері , барлық майданда фашистік басқыншыларға қарсы кескілескен ұрыс жүргізді. Кеңес қарулы күштері орасан зор қиыншылықты жеңе отырып төтеп берді. Өзіміздің Шығыс Қазақстан облысында 316-нші атқыштар дивизиясы құрылып, ерен ерліктің үлгісін көрсетті. Москва үшін шайқаста генерал-майор Панфилов қолбасшылық еткен атқыштар полкын аға лейтенан Бауыржан Момышұлы басқарды.

«Бауыржан Момышұлының ұрпаққа үндеуі» өз даусымен жазылған бейнебаянды тамашаланыздар «Жеңіспен келген көктем!» тақырыбында әдеби монтажын тамашаланыздар

Мәскеу қаласына шабуыл жасаумен бірге фашистер Ленинградты да басып алуға ұмтылды. Ленинградты қорғаушылар он алты ай аштық пен азапқа шыдап қаланы жау езгісінен сақтап қалды. Жыр алыбы Жамбылдың «Ленинградтық өрендерім» өлеңі қорғаушыларға…