Желбірлейді жеңіс туы тәрбие сағаты

Тақырыбы: « Желбірлейді Жеңіс туы ! »

Мақсаты: Балаларға батырлық,ерлік туралы түсінік беру,балаларды адамгершілікке ,Отанын сүюге, оны қорғауға баулу.Отанға деген сүйіспеншілігін арттыру.Оларға патриоттық тәрбие беру.Балаларды Ұлы Отан соғысымен , Қазақстандықтардың ерлік істерімен,таныстырып ,ой өрісін дамыту. Балаларды үлкен адамдарды сыйлай білуге,оларды қадірлеуге тәрбиелеу.

Көрнекілігі: Батырлардың суреттері , шар , гүлдер .

Өткізілетін орын: Топта.

Өтілу барысы: Сұрақ – жауап , түсіндіру , ойын , тақпақ айту , топ ішін безендіру, музыка ойнап тұрады.

Тәрбиеші: Құрметті ата-аналар ,тәрбиешілер,балалар !Отанды қорғау Жеңіс күніне арналған « Желбірейді Жеңіс туы ! » атты тәрбиелік шарамызды бастауға рұқсат етіңіздер !

Ән ұран орындалады.

Дәл осынау жадыраңқы жай күні,

Болсадағы қай ғасырды, қай күні.

Ұлы Отаным басын иіп бір минут ,

Есіне алмақ сол бір апат қайғаны.

Ұлы Отан соғысында еліміздің тәуелсіздігі мен халқымыздың бақыты үшін ерлікпен қаза тапқан жауынгерлер рухына тағзым етіп , 1- минут үнсіз тұрып есімізге алайық.

Бір минут үнсіздік.

1941 жылы 22-маусымда фашистік Германия елімізге басып келді. Сол кездегі Кеңістік елдің бірлігі мен достығының арасыннда 1945 жылы 9 – мамырда сұрапыл соғыс Ұлы Жеңіспен аяқталды .

Балалар , сұрапыл соғыста көптеген жауынгерлеріміз жан қиярлық ерлік көрсетті. Солардың ішінде Қасым Қайсенов , Талғат Бигелдинов , Әлия Молдағұлова ,Мәншүк Мәметова , Бауыржан Момышұлы, Ражымжан Қошқарбаев сияқты аты аңызға айналған аталарымыз бен апаларымыздың жасаған ерліктеріне құрметпен бас иеміз .

Сұрақ-жауап:

Тәрбиеші: Балалар, 9-мамыр қандай мейрам ?

Балалар: Ұлы Жеңіс күні.

Тәрбиеші: Батыр ағаларымыз бен апаларымыздың есімдерін білеміз бе ?

Балалар: Қасым Қайсенов , Талғат Бигелдинов , Әлия Молдағұлова ,Мәншүк Мәметова , Бауыржан Момышұлы ,Ражымжан Қошқарбаев .

Тәрбиеші: Тілегіміз бейбіт күн,

Ашық болсын кең аспан!

Ұлы Жеңісімізге – 73 жыл толды.

Тәрбиеші: Балаларымыздың тақпақтарына кезек берейік .

Тақпақтар: Біз еліктеп өсетін,

Батырларым десе кім.

Әлия,Мәншүк апамыз,

Бауыржан біздің атамыз. ( Айсұлтан )

Айтамыз біз өлең ғып,

Айтамыз біз жыр етіп.

Әлия апай ерлігі

Ұмтылмас мәңгілік. (Інжу)