Жер ана тынысы туралы экологиялық мақала 10 сынып

#173mectep

#bilim_kzo

#Ekologialyq_bılım_beru_aptalyğy

1-11 сынып оқушылары қамтылған « Біз болашаққа жауаптымыз» тақырыбындағы экологиялық білім беру апталығы өтуде.

Экологиялық білім беру апталығының мақсаты:

Адамның табиғатпен байланысы туралы негізгі түсінікті қалыптастыру;

Экологиялық мәдениетті, салауатты өмір салтын қалыптастыру;

Өмірдің мәні мен экологиялық проблемаларды түсіну негізінде жеке қасиеттер ретінде экологиялық жауапкершілікті қалыптастыру.

Апталық аясындағы 10 «А» сынып оқушысы Бахыт Ақеркенің «Жер ана тынысы.» тақырыбындағы мақаласын ұсынамыз.

Жер ана – ол бүкіл адамзат баласының анасы. Қасиетке толы сыр сандық. Біздің кішкентай кезімізден-ақ құлағымыздан кіріп, санамызға судай сіңген ұғым – Жер ана, Табиғат ана біздің қасиетті анамыз.

Бұл көркем дүниенің ғажабы соншалық, елжіреп, мұқият көз тастасаң, одан сұлу, одан асқан әдемілік жоқ екенін көресің. Осындай сұлулықтан Құдіреті шексіз Алла Тағаланың әсемдікті жақсы көретінін білуге болады. Жаратушымыз осы ғаламды жаратқанда, алдымен темір қазықты жаратып, артынан аспан әлемі мен жер әлемін жаратқан. Аспанды жеті қабаттан жаратып, көздің жауын алар жұлдыздармен әсемдесе, жерді – аспанмен таласқан таулармен, сылдырап аққан мөлдір сулармен, жер бетіне кілем болып жайылған жасыл желекпен және жайқалған, хош иісті гүлдермен сәндеген. Недеген құдірет десеңші. Жаннаттың төрі дермісің!

Біз осы кереметтей суреттелген ғажап мекенде тіршілік етуші жандармыз. «Жер – ырыстың кіндігі» дегендей, қасиетті мекенде өмір сүрудеміз. Табиғат ананы қастерлеу адамзаттың борышы. Қоршаған ортаны таза ұстау, тал егу, жерді қопсыту - бұлар біздің міндетеміз. Себебі Жер ана бізге өзінің өнімімен бөлісіп, бір сөзбен айтқанда бізді керек-жарақтарымызбен қамтамасыз етіп отыр десек те артық болмас. Тіпті Жер ананың қара топырағы да қасиетті. Яғни дертіңе шипа берер асыл зат. Жер - бізге нәр беретін анамыз.

Қазіргі күнгі маңызды мәселенің бірі – Жер ананы қорғау. Бұл біздің әлем үшін өзекті мәселе. Қазіргі таңда теңізіміз тартылып, орманымыз кесіліп, құнарлы жерлеріміз сортаңданып қалды. Осының бәріне кім кінәлі ? Әрине, адамдар. Бәрі адамдардың рақымсыз істерінен, кешегі табиғаттың көз тартар тамаша кездерінде өмір сүрген ата-бабаларымыздың ескертпелерін орындамағанның кесірінен деуге болады.