Жетекшінің ұйымдастыру және қарым-қатынас қабілеті

Жетекшінің ұйымдастыру және коммуникативтілік қабілетінің маңызы

Қазіргі заманның өзгермелі және бәсекеге қабілетті әлемінде жетекшінің кәсіби дағдылары мен жеке қасиеттері кез келген ұйымның табысты қызметінің негізі болып табылады. Жетекшінің ұйымдастыру және коммуникативтілік қабілеті оның қызметкерлермен жұмыс істеу тәсіліне, ұжымдағы атмосфераға және ұйымның жалпы нәтижелілігіне тікелей әсер етеді.

Педагогикалық практика – болашақ мұғалімнің кәсіби қалыптасуындағы маңызды кезең. Бұл тәжірибе барысында студент педагог ретінде теориялық білімін іс жүзінде қолдануды үйренеді. Педагогикалық қызметтің тиімділігі мұғалімнің ұйымдастырушылық және коммуникативтілік қабілеттеріне тікелей байланысты, себебі бұл екі қабілет оқыту мен тәрбие жұмыстарының сапасын арттырудың негізін құрайды.

Ұйымдастырушылық қабілет – мұғалімнің оқу-тәрбие процесін жоспарлап, оны тиімді жүзеге асыру қабілеті. Бұл қасиет педагогтың уақытты, ресурстарды және оқушылардың әлеуетін дұрыс бағыттауына көмектеседі. Ұйымдастырушылық қабілеттің педагогикалық практикадағы рөлі:

1.Сабақты жоспарлау (сабақтың мақсаты, құрылымы, әдіс-тәсілдері);

2.Сыныпты басқару;

3.Оқу материалдарын жүйелеу;

4.Оқушылардың белсенділігін арттыру.

Коммуникативтілік қабілет – мұғалімнің оқушылармен, әріптестермен және ата-аналармен тиімді қарым-қатынас орната білу қабілеті. Мұғалімнің тіл табысу шеберлігі білім беру сапасына тікелей әсер етеді. Коммуникативтілік қабілеттің педагогикалық практикадағы рөлі:

1.Оқушылармен сенімді қарым-қатынас орнату;

2.Ақпаратты түсінікті етіп, қарапайым жеткізу;

3.Кері байланыс беру;

4.Қақтығыстарды шешу.

Ұйымдастырушылық пен коммуникативтілік қабілеттері педагогикалық практикада бірін-бірі толықтырып, мұғалімнің кәсіби қызметін жоғары деңгейде жүзеге асыруына мүмкіндік береді.

Менің ойымша, педагогикалық практика барысында ұйымдастырушылық пен коммуникативтілік қабілеттер білім берушінің кәсіби жетістігіне негіз болады. Бұл қасиеттер сабақтарды жүйелі түрде өткізуге, білім алушылармен сенімді қарым-қатынас орнатуға және оқыту процесін тиімді ұйымдастыруға ықпал етеді. Сондықтан педагогикалық мамандықты таңдаған әрбір студент осы қабілеттерін дамытуға ерекше көңіл бөлуі тиіс.

Қорытындылай келе, жетекшінің ұйымдастыру және коммуникативтілік қабілеті – бұл табысты басшы болудың негізі. Ұйымдастыру қабілеті арқылы ол тәртіп пен жүйелілікті қамтамасыз етсе, коммуникативтілік қабілеті ұжымда бірлік пен ынтымақты қалыптастырады. Сондықтан заманауи жетекшілер осы екі қабілетті үнемі дамытып, кәсіби деңгейін жоғарылатуы тиіс.

Жомарт Мәдина Жомартқызы

магистрант

Болтаева Алия Масакбаевна

психология ғылымдарының кандидаты

әл-Фараби атындағы ҚазҰУ