Жетістік формуласы тәрбие сағаты

«Жаңғызтөбе орта мектеп-балабақша кешені»КММ

Тренинг тақырыбы: «Жетістік формуласы»

Педагог-

психолог М.Т.Мухаметка

лиева

2018-2019ж

Тақырыбы: «Жетістік формуласы» Мақсаты: ҰБТ-ге психологиялық қолдау, оқушы, мұғалім арасындағы қарым-қатынасты нығайту, оқушылардың өзіне деген сенімділігін арттыру. Қатысушылар: 11-класс оқушылары. Көрнекілігі: А4, жұлдыздар мен жүректер, фломастер, нақыл сөздер. Психолог: «Бір күнгі танысыңа, қырық күн сәлем» дегендей амандасып алайық. Сәлеметсіздер ме құрметті оқушылар!

Амандасу. «Бумбу-юмба тайпасы» жаттығуы арқылы

Біз сіздермен Бумба-юмба тайпасына қоршауға түсіп қалдық. Ол тайпаның дәстүрі, салты бойынша былай амандасуымыз керек. Алақанымызды 1 рет соққанда сіздер қасыңызда тұрған адаммен бір - біріңіздің шынтақтарыңызды түйістіресіздер. Белгі беріліп, алақандарыңызды 2 рет соққанда бір - біріңе арқаларыңды түйістіресіздер. Белгі беріліп, алақандарыңызды 3 рет соққанда бір – біріңізбен қол алысасыздар. Рефлексссия: Сіздер қандай сезімдесіздер? Қандай әсер алдыңыздар? Бүгінгі тренингте сіздерді көргеніме қуаныштымын!

Жетістік дегеніміз – рухани әрі дене қуатының бір мақсатқа бағыттау және сол мақсатқа жету. Қандай да бір істі тындырымды әрі тыңғылықты істеу де – жетістік. Ойдағыдай істелген іс, жоспарланғандай атқарылған жұмыс, мұрат етілгендей орындалған арман – жетістіктің нақ өзі. Сондықтан жетістік – адам бақытының қайнар көзі. Жетістікке жетудің екі жолы бар: өз ақылыңды пайдалану және басқалардың ақылынан пайдалану. Ендеше сіздерге сәттілік тілей отырып, тренингімізді бастаймыз. ЖЕТІСТІККЕ ЖЕТУ ЖОЛЫНДАҒЫ ҰСТАНЫМДАР – Алдыңа мақсат қою – Сені жетістік күтіп тұрғанына үміттену – Әр іске дайын болу – Адымыңды анық басу – Алға ұмтылу – Қорықпау, күмәнданбау – Жаңашыл болу – Басқалармен кеңесу – Жетістіктеріңнің қайдан келуін ұмытпау Адам баласы өмірінде түрлі сипаттағы талай сынақ тапсырады. Әр жас кезеңнің, әр даму шақтың өзіне тән ауыртпалығы болатын тіршіліктегі сынақтан ешкім құтыла алмайды. Топтың алдына шығып, сәби шақта алғаш рет тақпақ айту да – сынақ. Үйге келген қонақты күтіп, разы етіп шығарып салу да – сынақ.

Ал енді қазір біздің республикадағы мектеп бітірушілердің ҰБТ тапсыруына қоғамда тіпті аса маңыз беріледі. Ұлттық бірыңғай тестілеуге оқушылардың психологиялық дайындығы өзекті мәселенің бірі. Емтихан болсын, сынақ болсын, тест болсын бұл – оқушылар, ұстаздар және ата-аналар үшін стресс болып келеді. «Ерік-жігері күшті адам – нағыз мықты адам». «Армансыз адам қанатсыз құспен тең». «Адам баласының құндылығы – оның білімінде һәм ойлана білуінде» (Жүсіп Баласағұни). Осы нақыл сөздер бойынша әр топ бүгінгі тақырыбымызға қатысты өз пікірлерін айтады.

«Бес саусақ» жаттығуы Мақсаты: жетістікке байланысты құндылықтарды тұлға бойына қалыптастыру.