Жігіт сұлтаны байқауына арналған сценарий 2025 жыл

«№45 бейімделген орта мектебі» КММ

Жігіт сұлтаны-

Орындаған: педагог-ұйымдастырушы

Унасов С.А.

Өскемен, 2019 ж «Жігіт сұлтаны-2019» байқауы 1-жүргізуші: Армысыздар ағайын, құрбы-құрдас! Бармысыздар, жан күйер әз-қауымдас! Бүгінгі кеш сайысты біз бастайық Сайыста көңілменен қол соғалық.

2-жүргізуші: Біздерде ойын-сауық басталады, Тамаша күй тартылып ән салады. Қошеметтеп қол соғып отыралық, Ұмытарсыз күні бойғы шаршағанды.

1-жүргізуші: Мектебімізде «Жігіт сұлтаны» байқауы әр оқу жылында дәстүрлі түрде 5-7 сыныптар арасында өткізіліп тұрады. Десекте биылғы сайысқа аздаған өзгеріс енгенін айта кетсек. Биылғы оқу жылында мектебіміздегі «Жас Ұлан» ұйымының сұрауымен сайыс 8-10 сыныптар арасында өткізіледі. Жыл сайын қатысушылар саны артып, небір таланттар өз өнерлерімен талайды таңдай қақтыратын «Жігіт сұлтаны - 2019» байқауына қош келдіңіздер!!!

2-жүргізуші: Сайыс десе таза біздің арымыз, Жалындайды сайысқанда жанымыз. Сайысатын жігіттерді бүгінгі, Қарсы алайық қошеметпен бәріміз.

1-жүргізуші: 8 «А» - Шыңғысхан Шыңғыс 8 «Б» - Оралқанов Әділет 8 «В» - Сафарбай Диас 9 «А» - Рахимов Асанали 9 «Б» - Бейбітұлы Эльдос 9 «В» - Шагыманов Ерасыл

10 «А» - Андаусызов Бек 10 «Б» - Қожахмет Абзал

2-жүргізуші: Сайысымызды бастамас бұрын, бүгінгі сайысымызды саралап, таразылап жігіттерімізге әділ бағасын беретін алтыннан ардақты, күмістен салмақты әділқазылар алқасымен таныс болайық. 1. Тәрбие ісінің меңгерушісі – Кабдуалиева Айнагуль Кәкімқызы

1-жүргізуші:

2. «Бәйтерек» әкелер кеңесі төрағасының орынбасары – Нурмуханбетов Қуаныш Кайролдинович

2-жүргізуші: 3. 2013-2014 оқу жылының түлегі – Мамырбеков Ернар Ерболатұлы

1-жүргізуші: 4. Қалалық әкелер кеңесінің төрағасы, әкелер мектебінің директоры – Садуақасов Ертісбек Қайырбайұлы

2-жүргізуші: Кімдер жүйрік, өнерпаз білейікші, Сұлтаны деп мектептің жүрейікші. Қазыларға тек қана әділдікті, Ал жігіттерге сәттілік тілейікші.

1-жүргізуші: Олай болса қошеметтеп жігіттерімізді сахна сыртына шығарып салайық.

2-жүргізуші: Жігіттер, бар өнерін салары анық, Өнегелі, тәлімді алған қанып. Ал ендеше таныстырып өтейін мен, Бөлімдерін сайыстың бөліп-жарып.

1-кезең - Тегімді менің сұрасаң... (өзін-өзі таныстыру ) 3- мин 2-кезең - «Жігітке жеті өнер аз, жетпіс өнер көп емес» өнер сайысы (жеке немесе сыныппен бірлескен түрде болады) 5-мин 3-кезең - Қамшы өру (6 таспалы қамшы) 3-мин 4-кезең - «Сәнін берсін Сәкеннің» (қазақтың ұлттық сән үлгісі) 3- мин. 5-кезең – «Ескірмейтін есті сөз» (сұрақ-жауап, білімдері сыналады)

1-жүргізуші: Ескерту: 1. Сахна мәдениеті, киім үлгісі, жатқа айтуы, мәнері бағаланады. (Слайд арқылы таныстыру қажет емес және ғаламтордан алынған бірдей мәтін қабылданбайды) 2. Өнерге ән айтса жанды дауыста айту, жазып әкелінген ән қабылданбайды. 3. Қамшыны 3 минут ішінде барлық талапқа сай, босатпай тартып өру. 4. Қазақы нақышта ер баланың ұлттық киімін насихаттау.

2-жүргізуші: Белгіленген уақыттан асып кеткен жағдайда, қанша минут асады сонша балл алынып тасталынады.

1-жүргізуші: Өнер қуып жігіттер өтер деймін, Бір басына өнері жетер деймін. Бәсекеге түскен сегіз жігіт кезектесіп, Таныстырып өздерін өтер деймін. «Тегімді менің сұрасаң...» ТАНЫСТЫРУ кезеңі 8 «А» - Шыңғысхан Шыңғыс 8 «Б» - Оралқанов Әділет 8 «В» - Сафарбай Диас 9 «А» - Рахимов Асанали 9 «Б» - Бейбітұлы Эльдос 9 «В» - Шагыманов Ерасыл