Жігіт сұлтаны байқауына арналған тәрбие материалы

Шолақсай орта мектебі

Жігіт сұлтаны

2017 – 2018 оқу жылы

Жігіт сұлтаны «Жігітке жеті өнер де аз»

Атадан ұл туса игі,

Ата жолын қуса игі

жүргізуші:

Армысыздар құрметті қонақтар, ұстаздар, мектеп оқушылары, сайыскер жігіттеріміз!

«Атадан ұл туса игі, ата жолын қуса игі» дегендей, жігіттерімізге сәт-сапар тілей отырып,«Жігітке жеті өнер де аз» атты жігіт сұлтаны сайысын ашық деп жариялауға рұқсат етіңіздер!

жүргізуші:

Бұл сайыста жігіттеріміз өз өнерлерін ғана көрсетіп қана қоймай, біздің салт-дәстүрімізді, шеберліктерін, онымен қоса білімділіктерін, көрсетеді.

жүргізуші:

Бәйгеге түсіп жарыспай,

Жүйріктің бағы жанарма.

Білім мен өнер жарысып,

«Жігіт сұлтан»боларма

жүргізуші:

Құрметті көрермен қауым! Сегіз қырлы, бір сырлы сайыскер жігіттерімізді құрметтеп, қошеметтеп ортаға шақырайық

жүргізуші:

Бүгінгі байқауға қазылық ететін әділ-қазылар алқасымен таныстырып өтейік:

- Тарландарымыз келесі сайысқа түсуге дайындала берсін, құрметтеп шығарып салайық.

« » әнін қабыл алыңыздар

жүргізуші:

Жігіттер, бар өнерін салары анық,

Өнегелі, тәлімді алған қанып.

Ал ендеше таныстырып өтейін мен

Бөлімдерін сайыстың бөліп-жарып

1. «Алаштың ер ұланы» өзін жан –жақты таныстыру және өз өнерін көрсету;

2. «Құралайды көзге атқан» (нысана көздеу);

3.«Актерлік шеберлік» (Яғни әншілерге, әр саладағы актерларға пародия салу);

4. «Ескірмейтін есті сөз» танымдық сұрақтар;

5. Қыз аруға сөз салу (көрініс немесе муз. номер)

Әрбір сайыстың кезеңдерінде ұпай сандары қойылып отырады. Ең жоғарғы ұпай саны 10

Ей, тәкәппар дүние,

Маған да бір қарашы

Танимысың сен мені

Мен қазақтың баласы- деп ақын ағаларымыз жырлағандай сайысымыздың І-ші кезеңі «Алаштың ер ұланы»-деп аталады. Бұл кезеңде сайысқа қатысушы сері жігіттеріміз өздерін таныстырады және өз өнерлерін көрсетеді.

жүргізуші:

Би болатын Жігіттің,

Төбеде болар жұмысы.

Мерген болар Жігіттің,

Мергендік болар жұмысы – дегендей ендігі кезекті Жігіттеріміздің мергендігін сынау мақсатында «Құралайды көзге атқан» нысана көздеу шартына береміз.

жүргізуші:

Қартта болып жан жүрегі қаусырған

Ренжіп қалып бала болып бұртыйған

Кереғар жас келіншектің рөліне

Әртіс жаны еніп кетті әп сәтте –дей отыра келесі сайысымыздың III -ші кезеңі «Актерлік шеберлік»-деп аталады. Бұл кезеңде сайысқа қатысушы сері жігіттеріміз әншілерге және әр сала актерларына пародия салады.

жүргізуші:

Ей, жігіттер!

Сендерге биік ата-салтын құрметтеп,

Ақтай білсең ата-баба үмітін,

Әрбір сөзі – тәлімі мол бір мектеп.