Жігіт сұлтаны бастауыш сыныпқа арналған материал

Тақырыбы: Жігіт сұлтаны» сайысы

Мақсаты: Жігіттердің бойындағы мықтылықты, ептілікті анықтау, білімділігін сынға алу, адамгершілік қасиеттерінің жоғары болуына тәрбиелеу, бір-бірімен достық, шынайы қарым қатынастарын дамыту.

Көрнекілігі: Слайд, нақыл сөздер жазылған плакаттар, т.б

Сайыстың барысы:

1 - жүргізуші : Қайырлы күн, құрметті ұстаздар, ата - аналар, оқушылар! Асыл тастан, өнер жастан шығады деп дарынды, Халық айтса, халық сөзі, əрқашанда нанымды. Сол өнердің жолын қуған «Жігіт сұлтаны» сайысына қатысатын жігіттердің жолы ақ болсын, жүлделі орынға ие болсын деп сайысымызды ашық деп жариялаймыз.

Бүгінгі сайысымызда жігіттер өз өнерлерін көрсетіп қана қоймай, салт - дəстүрімізді, онымен бірге өз білімдерін, шеберліктерін көрсетеді.

Ата жолын жалғамақ,

Ел дəстүрін қолдамақ

Ел намысын қорғамақ.

Жігіттер шықсын ортаға,

Бүгін сұлтан атанбақ.

Құрметті көрермен қауым қол соғып, қошеметтеп жігіттерді ортаға шақырайық.

2 - жүргізуші Байқауымызды бастамас бұрын əділқазылар алқасын сайлап алайық.

1 - жүргізуші: Жігіттер келіп жетті танысуға,

Бойындағы бар дарынды дамытуға

Қорықпастан сахнаға келіп жетті

Əдеппен сіздерменен танысуға

Жігіттеріміз өздерін таныстырып өтсін. Ал əділқазылар алқасы берген бағаларын айтып өтсін.

2 - жүргізуші Ат өнері білінбес,

Бəйгеге түсіп жарыспай

Ер өнері білінбес,

Қоян - қолтық алыспай.

Сайысымыздың келесі түрі «Қол өнері» жігіттеріміз өздерінің қолдан жасаған бұйымдарын əділқазыларға əкеліп тапсырсын. Əділқазылар алқасы өз бағаларын айтады.

1 - жүргізуші «Талапты ерге нұр жауар» Ол үшін сөзді тыңдай біліп, сөздерді ойға тоқу керек. Сайысымыздың келесі түрі «Салт - дəстүр» бойынша сұрақтарға жауап беру

Салт - дəстүр бойынша сұрақтар:

1. Жеті атаңызды атаңыз

2. Жеті қазынаға нелер жатады?

3. Үш ұғымына байланысты

Үш жүз, үш арсыз, үш дауасызды атап беріңіз

4. Бес асыл істі атаңыз, бес дұшпанға не жатады?

5. Қазақтың қандай ұлттық ойындарын білесіз?

6. Ер қаруы бес қаруды атаңыз?

Сайысымыздың келесі түрі «Мақал – мəтелдің жалғасын тап»

Қазақ шешен халық. Халықтың шешендік дəстүрін жалғастыру əрбір перзенттің міндеті.

1. Ағайын алтау, ана......(біреу)

2. Ағайынның алтын сарайынан...........(анаңның жыртық лашығы артық)

3. Ана сүтін ақтамағанды...........(ешкім жақтамайды)