Жігіт сұлтаны сайысына арналған материал мектепалды топ

«Балғын сұлтан».

Мақсаты: Тәрбиеленушілерді отан сүйгіштікке, батырлық пен батылдыққа баулу мақсатында ұл балалар арасында «Балғын сұлтаны» сайысын ұйымдастыру. Бойындағы өнерлерін көрсетіп жеңіске жетуге талпыну. Мәдениеттілік пен әдептілікті бойларына сіңіріп, шығармашылықтарын одан әрі дамыта түсу.

Барысы: Қайырлы күн құрметті ата-аналар, қонақтар! Сіздердің алдарыңызда кішкентай өнерпаз ұлдарымыз «Балғын сұлтан» деп аталатын байқауға қатысып өз өнерлерін көрсетпек.

Уа халайық, халайық,

Мұнда назар салайық.

Ата жолын жалғамақ,

Ел дәстүрін қолдамақ.

Ел намысын қорғамақ.

Ұлдар шықсын ортаға-деп «Балғын сұлтанының қатысушылары мен таныс болайық.

Бүгінгі сайысымызға төрелік ететін әділқазылар алқасын таныстырып өтейік.

Қазылар алқасын таныстыру.

Қайысы әнші, кім биші.

Талабына қарайық

Кімдер зерек, кім жылдам

Таланттарын табайық!- деп бүгінгі сайыстың кезеңдері мен таныс болайық.

«Таныстыру».

«Өнер алды қызыл тіл» ( мақал-мәтелдер).

«Ақылына күші сай» (ұлттық ойындар).

«Өз өнерін көрсету» (ән немесе би).

«Суретті сөйлете білейік» (суретке қарап әңгімелеу).

Ақыл көркі бойларына жетеді,

Әлі талай сынақтардан өтеді.

Мына отырған баршаңызды өзімен,

Тез арада таныстырып өтеді.-деп өзін-өзі таныстыру кезеңінен бастайық.

Өзін-өзі таныстыру кезеңі бойынша сайыскерлеріміздің бағасын сұраймыз.

Бағалау.

Ана тілім бойымда,

Ағып тұрған бұлағым.

Ана тілім- ойымда,

Жанып тұрған шырағым.-деп өнер алды қызыл тіл кезеңіне кезек береміз.

Өнер алды қызыл тіл кезеңінің бағасын берсеңіздер.

3. Ей, ер жігіт, ер жігіт.

Ей, өр жігіт, өр жігіт

Атыңа ерік бер жігіт.

Күшіңді көрсет ер жігіт! –деп ақылына күші сай жігіттерімізді қол күресіне шақырамыз.

Жігіттеріміздің күш сынасу кезеңіне баға берейік.

Бағалау.

4. Асқақтаған ән дайын,

Күмбірлеген күй дайын.

Ал қанекей қырындар!

Босқа қарап тұрмаңдар,

Бастап жігіт өнерін,

Алыстарға самғаңдар!-деп жігіттеріміздің өнерін тамашалайық.

Жігіттеріміздің өнеріне баға беріп өтейік.

Бағалау.

5. Бәйгеге түсіп жарыспай,

Жүйріктің бағы жанар ма?

Біліммен өнер жарысы,

Тәрбие тәләм талаппен! Бұл кезеңіміз суретті сөйлете білейік деп аталады.

Балаларымыз суретті қаншалықты сөйлете білді.

Бағалап бағасын берейік.

Бағалау.

Ал енді , «Балғын сұлтаны» сайысының қорытындысын шығырып, жеңімпазды анықтап беру үшін әділ қазыларға сөз береміз.

Марапаттау.

Қорытындылау: