Жігіт сұлтаны сайысының сыныптан тыс жұмыс жоспары

«Жігіт сұлтаны» сайысы

Мақсаты: Болашаққа сеніммен қадам басқан халқымыздың салт - дәстүрі, әдет - ғұрпы, жөн - жоралғыларын оқушылардың бойына сіңіру, батыл, намысты ұлдарды тәрбиелеу.Мұғалім: Қайырлы күн, құрметті оқушылар, ұстаздар, қонақтар! Сіздер бүгін жігітке жеті өнер де аз дегендей 4-сынып оқушыларының «Жігіт сұлтаны» сайысына қош келіпсіздер.Жүргізуші:Уа, халайық, халайық,Мұнда назар салайық.Ата жолын жалғамақ,Ел дәстүрін қорғамақ.Жігіттер шықсын ортаға,Бүгін сұлтан атанбақ.

Жүргізуші: Дария ой, даналардан бата алғандар,

Айнымас алмас қылыш атанғандар.

Қазақтың қасиетті жігіттері,

Халқына қамқор болған қаһармандар-деп, «Мұхмұтбай Әміреұлы ағамыз айтқандай халқымыздың әдет-ғұрпында ұл баланы «Ұл туғанға күн туған» -деп ерекше оны бақыт санаған. Оның себебі: қазақта отбасының жалғасы, шаңырақтың иесі ұл бала болып есептелген. Халқымыз ұл бала тәрбиесіне ерекше көңіл бөлген. Ер баланы адамгершілікке, батылдыққа, ептілікке, имандылыққа баулыған.

Жүргізуші.«Ұлға отыз үйден тыйым, он сан үйден сын» - демекші ер жігітке айтылар сын көп, қойылар талап та жоғары болған.

Жүргізуші. Бүгінгі ХХІ ғасыр білім мен ғылым дамыған заманда жігіттеріміздің үлкен белес асулардан көрінуі елге әкелген бақытпен тең.

Жүргізуші. Олай болса жігіттеріміздің батырлығын, ептілігін, білімдерін, ақылдылығын тамашалайық. Мұғалім. . Бүгін, міне біздің сыныптағы жігіттеріміз өз өнерлерін көрсетпек. Сайысымызды бастамас бұрын, бүгінгі сайысымызды саралап, таразылап жігіттеріміздің өнерін тамашалап, әділ бағасын беретін әділқазылар алқасын сайлайық. Жүргізуші. Құрметті ұстаздар, оқушылар! Бүгін, біз тәуелсіздік күніне арналған мектепішілік «Жігіт сұлтаны» байқауына жиналып отырмыз. Байқауымызды ашық деп жариялап, жігіттерімізді ортаға шақырайық.

Жүргізуші.

Сөз тауып нұр қылатын көңіл күйді,

Мектепте өнерімен болған сыйлы.

Сыныптың ер жігіті, ақынжанды,

Шақырайық ортамызға Ернар ұлды.

Жүргізуі.

Спортпенен білім жағын бір қосқан.

Кем қалмаған талантпенен табысқан.

Қараңыздар Досболымыз ортада

Тауды бұзар шын кіріссе намыстан.

Жүргізуші.

Еңбексүйгіш, таудай талап бойында,

Барлық істі тындыру бар бойында.

Айбынды Асылбектей жігітті.

Шақыралық қошеметпен ортаға.

Жүргізуші.

Жақсы адам кімге болса болар пана

Мол оның тал бойында ақыл сана

Көркіне ақылы сай келетін

Шақырайық Санжарханды енді ортаға.

Жүргізуші.

Қуантады білімімен Дамиріміз

Қол соғып қарсы алайық оны біз

Білімің серік болсын талабыңа

Бүгінгі қабыл болып тілегіміз.

Жүргізуші.

Өнерге жастайынан жақын туған

Қазақтың дарынының жолын қуған.

Өз өнерін көрсетер Мирас жігіт

Өзгеге ісі өнеге, үлгі болған.

Жүргізуші.

Арман бар биік шыңға шықсам дегенҚыран боп көк әлемге ұшсам дегенҮміт бар Қуанышты қуантатын

Бүгінгі сайыста жеңіп шықсам деген.

Сайыс кезеңдері төмендегідей.

«Тегімді менің сұрасаң» таныстыру.

«Білімдіден ақыл шығар» білім сайысы

«Сегіз қырлы бір сырлы» өз өнерін көрсету

«Ескірмейтін -есті сөз» мақал-мәтел сайысы

«Біліміне күші сай» кір тасын көтеру.

Жігіттерге сәттілік тілейміз.

Ей, тәкәппар дүние,

Маған да бір қарашы.

Танимысың сен мені

Мен қазақтың баласы-деп ақын Қасым Аманжолов ағамыз жырлағандай сайысымыздың

І кезеңі «Тегімді менің сұрасаң» деп аталады.

Таныстыру.

ІІ «Білімдіден ақыл шығар» білім сайысы

Мықты болсаң сұрақтарға жауап бер,

Келді кезек тапқырлықты танытар.

Бұл сыннан да өтсен егер сүрінбей,

Жүлде сенде, қуана бер, күлімде –деп пәндер бойынша сұрақтар беріледі.

ІІІ. «Жігітке жеті өнер де аз» (өз өнерін көрсету )Кедеймін деп қысылма,

Өнерің болса қолыңда.

Өнерлінің ырысы

Жарқырап жатыр жолында – кезекті өнер сайысына берейік.

Ән: Армансыз күнім болмайды Мейірім

Аққу биі : Ақсұлу

IV. «Ескірмейтін есті сөз» - мақал-мәтел сайысы

Аталар сөзімен өсіп – өнген

Бабалар бұлағынан нәр алған,

Даналар өсиетінен тәрбие алған,

Ұлылар тәрбиесіне тағзым еткен,

Ұрпағымыз халықтың ғибрат еткен, дегендей сайысымыздың келесі бөлімін бастаймыз.

V. «Біліміне күші сай» - гантель көтеру

Ер өнері бөлінбес,

Қоян қолтық алыспай

Күш өнері білінбес,

Бәйгеге түсіп жарыспай –дегендей сайысымыздың келесі бөлімі «Біліміне күші сай» деп аталады. Бұл кезеңде жігіттеріміз гантель көтереді.