Жігіттер сұлтаны тақырыбындағы ашық сабақ балабақшаға

Сарсенбаева Лаура Омархановна

Түркістан облысы, Шымкент қаласы, №43 «Алмаз» бөбекжай-бақшасының

тәрбиешісі

Тақырыбы: «Жігіт сұлтаны»

Мақсаты:Ата салтын насихаттай отырып, нағыз қазақ жігітінің бойындағы қасиеттерімен таныстыру.Әр баланың бойындағы қабілеттерін : ойлау, әр түрлі жағдайлардан шыға білу, өнерін көрсету, тапқырлық, сахна мәдениетін қалыптастыру, дамыту.Ата салтын ардақтайтын, өз елін сүйер нағыз қазақ жігітінің қасиеттерін бойына сіңіре білер ұрпақты тәрбиелеу.

Көрнекіліктер: Слайдтар, шарлар.

Байқауға қатысатындар: ересек, естияр, мектепалды даярлық топ

Байқаудың қонақтары: ата-аналар, балалар, балабақша әкімшілігі,

Байқау барысы.

1. Ұйымдастыру кезеңі.

Ұлттық музыка әуені ойналып тұрады, қонақтарды орналастыру.

1 – жүргізуші:

Ұлдар ер жетіп, қыздар бой жетіп.

Әл-ақ уақыт зыр етер.

Өнегелі өссе өссе бұлар

Елімізді гүлдетер.

Жігіт сұлтан сайысы

Көпке үлгі болады.

Қазағымның салт-дәстүрі

Көкірегіне қонады.

Мына өскен бүлдіршіндер

Ата-салтын үйренсін

Өрге жүзсін өнерлеріБұлар елдің болашағы.

Құрметті ата-аналар, ұстаздар, бүлдіршіндер! Қадірлі қонақтар! Сіздердің алдарыңызда кішкентай өнерпаз ұлдарымыз «Жігіт сұлтаны» деп аталатын байқауға қатысып, өз өнерлерін көрсетпек. Бүгінгі мерелік кешімізді ашу үшін «Балдәурен» мектепке дейінгі дамыту және тәрбиелеу орталығы»КМҚК меңгерушісі М.Боздақоваға сөз беріледі.

2 – жүргізуші:

Уа, халайық, халайық,

Мұнда назар салайық!

Ата жолын жалғамақ

Ел дәстүрін қолдамақ

Ел намысын қорғамақ.

Ұлдар шықсын ортаға,

Бүгін сұлтан атанбақ! – дей отырып, ортаға «Жігіт сұлтаны» байқауына қатысушы сайыпқырандарымызды шақырайық! Қарсы алыңыздар! (Байқауға қатысушылар кезекпен ортаға шығады)

2 – жүргізуші:

«Жігіт сұлтаны» байқауына қатысушы сайыпқырандардың ақыл-парасаты мен өнеріне, қайраты мен күшіне баға беруші қазылар алқасымен таныс болыңыздар!

1. Балабақша меңгерушісі:

2. Балабақша кәсіподақ төрайымы:

3. Балабақша тігіншісі:

1 – жүргізуші:

Қайсысы әнші, кім биші,

Талабына қарайық.

Кімдер зерек, кім жылдам,

Таланттарын табайық! – деп, өнер сүйер қауым бүгінгі сайыстың барысымен таныстырып өтейін.

І бөлім «Тегімді менің сұрасаң...» өзін таныстыру.

ІІ «Өнерліге өріс кең» қол өнер

ІІІ бөлім «Көркіне ақылы сай» сұрақ – жауап сайысы.

ІҮ бөлім «Жігітке жеті өнер аз, жетпіс өнер көп емес» өнер сайысы.

V бөлім «Ақылына күші сай» сайыскерлердің гир көтеру күштілігі.