Жоғары оқу орнындағы басқару психологиясы практикасы

Басқару психологиясы принциптерін жоғарғы оқу орнындағы педагогикалық практикада қолдану

Басқару психологиясы – бұл адамдар арасындағы қарым-қатынас, көшбасшылық және ұйымдастырушылық дағдыларды зерттейтін пән. Бұл ғылым білім беру саласында да маңызды рөл атқарады, өйткені мұғалімдер өз қызметінде тек оқыту әдістерін ғана емес, сонымен қатар оқушылармен және әріптестерімен тиімді байланыс орнатуы керек.

Химия мамандығының 4 курс студенттерімен педагогикалық іс-тәжірибені өткізу барысында менде басқару психологиясының принциптерінің тәжірибеде қалай жұмыс істейтінін жақсырақ түсінуге мүмкіндік беретін бірқатар басқарушылық және психологиялық міндеттер тұрды. Сондықтан да басқару психологиясы пәнін педагогикалық тәжірибеде қолдану оқу процесін тиімді ұйымдастыруға ғана емес, сонымен қатар студенттермен өнімді қарым-қатынас орнатуға көмектеседі.

Педагогикалық практиканың мақсаты мен міндеттері

Тәжірибенің негізгі мақсаты химия пәні бойынша студенттерді теориялық білімге сүйене отырып оқыту және олардың кәсіби дамуына ықпал ететін интерактивті әдістерді қолдану болды. Бұл тапсырманы орындау үшін маған студенттермен сенімді қарым-қатынас орнату; пәнді оқуға мотивациясын дамыту; топтағы ұжымдық әрекетті ұйымдастыру; конфликтті жағдайларды және студенттердің дайындықтарының әртүрлі деңгейлерін басшылыққа алу қажет болды.

Қолданылатын тәсілдер мен әдістер

Байланыс орнату және мотивация

Практиканың алғашқы күндерінде студенттермен, олардың қызығушылықтарымен және кәсіби жоспарларымен танысуға мән бердім. Ол үшін мен бейресми сауалнама жүргіздім, онда студенттер курстан күтетін нәрселері және химиядағы сүйікті тақырыптары туралы айта алады. Одан бөлек, «Нанохимия және нанотоксикология» пәнін жүргізетін болғандықтан, студенттерге жаңа ұғымдарды жеңіл түрде түсіндіруге және пәнге қызығушылықтарын арттыру үшін тақырыптарды өмірмен және болашақ перспективалармен байланыстырдым. Бұл студенттерді сабаққа белсенді қатысу үшін ынталандырды және ақпараттылығын арттыруға көмектесті.

Оқытудың интерактивті әдістерін қолдану

Сабақтар тек теориялық лекцияларға ғана емес, сонымен қатар практикалық тапсырмаларға мән берілді. Студенттер топта наноматериалдарды қолданудың көптеген салаларын талқылады және оң әсерлері мен теріс әсерлерін қарастырды. Бұл олардың сыни ойлау қабілеттерін дамытып, білімдерін шыңдап қана қоймай, топпен жұмыс істеу дағдыларын жетілдіру мақсатында жасалады.

Әр сабақтың соңында студенттердің өз әсерлерін және ұсыныстарын айтуы үшін уақыт бердім. Бұл менің әдістерімді жетілдіруге және студенттердің қажеттіліктерін тереңірек түсінуге көмектесті.

Қиындықтар мен оларды жеңу жолдары