Жол ережесін білу – бәріне міндет! Мектепалды топқа

Кішкенекөл №2 ішінара интернатты орта мектебі

Тәрбие сағаты

«Жол ережесін білу – бәріне міндет!»

Мұғалімі: Дузелбекова Сания Ерадиловна

Кішкенекөл 2020 ж

Тақырыбы: «Жол ережесін білу – бәріне міндет!»

Мақсаты: 1) оқушыларға көше қатынасы ережелерін меңгерту;

жолда жүру ережесін есте сақтау арқылы білгендерін пайдалана білуді тұрақты дағдыға айналдыру;

оқушыларды жол ережелерін бұлжытпай орындауға, сақтыққа тәрбиелеу.

Көрнекілігі: бағдаршам, жол белгілері, плакатқа жазылған ескерту сөздер, макеттер, оқушылардың салған суреттері

Сабақ барысы:І. Ұйымдастыру кезеңі. Балалар жолда жүру ережелері туралы тақпақтарын жаттайды.

Жалғайтын достастырып бар елменен,

Жолдардан тұрады гой әлем деген.

Бүгінгі бізге келген қонақтарға

Жиынымыз басталсын сәлемменен.

Оқушылар амандасады 3 тілде.

Мұғалім:- Құрметті оқушылар, бүгінгі тәрбие сағатымыздың тақырыбы қандай деп ойлайсыздар?

- Дұрыс айтасыздар, жолда жүру ережесі, бағдаршамның адам өміріндегі маңызы туралы болмақ. Сабағымыздың басты мақсаты егемендігі мен елдігі орнаған осындай Қазақстан атты бейбіт өлкемізде сәбилердің қуанышты күлкісі мен аналарымыздың әсем жүзі бақытқа толы болса дейміз, ол үшін әр азамат өмір қауіпсіздігін сақтап, жол тәртібін білу керек.

Мұғалім: Құрметті оқушылар! Бүгінгі "Жол ережежесін білу - бәріне міндет" атты жиынымызды бастауға рұқсат етіңіздер!

Оқушы: Шуақты өміріміз күндей күліп,

Жүректе бүршік атып гүлдейді үміт.

Арманға сапар тарту мүмкін емес

Жол журу ережесін білмей тұрып.

Оқушы: Қай көше, қай қалаға барсаңыз да,

Қай ақыл өлшеміне салсаңыз да.

Жол жүру ережесі заңды тәртіп - Ол ортақ

Үлкен кіші баршамызға!

Оқушы: Үйрен таппай тыным бір.

Белгілердің тілін біл.

Егер оны білмесең.

Тартар жолың бұлыңғыр.

Оқушы:

Қызыл көзін ашқанда,

Сынық сүйем баспа алға.

Сары көзін ашқанда,

Қарап қалма аспанға

Жасыл көзін ашқанда,

Өте бергін, жасқанба!

Балалар, Дияр не туралы тақпақ айтты ?

Дұрыс айтасындар, бағдаршам туралы.

Онда кішкене бағдаршамның шығу тарихы туралы айтып кетейік.

(Бағдаршамның шығу тарихы жәйлы баяндайды.)

Балалар, бағдаршамды қайдан шыққан, кім ойлап тапканын деген ой келе ме сендерге?

Бағдаршам ірі қалаларда, машина көп жолдарда орнатылған, ол туралы өткен сабақта өткенбіз, иә.

Ал ендеше тыңдап көрелік. Алғашқы бағдаршам теміржол бойында пайда болды.

Тарихқа көз жүгіртетін болсақ, жүріп - тұруды реттеу қажеттілігі машинаның аз кезінде - ақ туған көрінеді. Алғаш рет 1868 жылы, 152 ж бұрын, Лондон қаласында темір жол бағдаршамы орнатылды. Ол қолмен ауыстырылатын және алмастыру үшін арнайы адам тұратын еді және ол көп…