Жол ережесін сақтайық тәрбие сағаты

Жол ережесін сақтайық!

Мақсаты: Оқушыларды жолда жүру ережесімен таныстыру. Жол қауіпсіздігін есте сақтауға,білуге жол ережесінің белгілерімен жүре білуге үйрету. Оқушыларды көшеден дұрыс жүріп, жол ережесін сақтауға тәрбиелеу. Оқушыларды сақтыққа тәрбиелеу. Өз бетімен жұмыс жасай білуге дағдыландыру. Сөздік қорларын байыту.

Көрнекілігі: бағдаршам, көшеде жүру ережесіне байланысты баспадан шыққан кестелер, жол белгілер.

1 Ұйымдастыру кезеңі:

Оқушылардың назарын жаңа сабаққа аудару.

2 Негізгі кезең.

-Сәлеметсіздерме балалар бүгін сендерге «Жолда жүру тәртібі» туралы айтып өтеміз.Бағдаршам өмірімізді жазымнан сақтандыратын көмекшіміз.Оның сырын біліп, тілін алу баршамызға керек.

-Балалар, сендер көшеде жүру ережесін білесідерме екен, көрейік. Мынадай сұрақтарға жауып беріңдер:

1. Көшеде жүру ережесін білу бізге не үшін керек?

Әр оқушы көшеде жүру тәртібін өте жақсы білуі керек. Көшеде жүру білу машина астына түсуден, апаттан сақтайды.

2. Жиекжол дегеніміз не?

Адамдар жаяу жүретін көше жиегіндегі тар жол.

3.Жаяу адамға қай жермен жүруге рұқсат етілмейді?

Көлік жүретін көшенің ортасымен жүруге рұқсат етілмейді.

4.Көшеде жүру тәртібін кім басқарады?

Көшеде жүру тәртібін бағдаршам басқарады.

Оқушылар сендер жолда жүру ережелерін түсіндіңдерме?

Жол тәртібін сақтап, өз өмірлеріңізге қамқор болатындарыңызға сенімдімін.

Ән: «Көліктер»

Балалар келесі кезекті жұмбақ шешуге берелік.

1.Ала таяқ ұстаған,

Жол тәртібін нұсқаған

Өміріңді күзеткен

Ысқырықпен түзеткен. (Милиционер)

2.Көше бойлап аяңдайды,

Адам тасып аялайды. (автобус)

3.Жоқ өзінде баста,аузыда,құлақта,

Бақырайған үш көзі бар бірақта. (Бағдаршам)

4. Бір тұлпар су ішпейді, жем жемейді,

Есіркеп ешбір адам жемдемейді.

Жүк емес жануарға жүз адамда,

Доғасын сымына сүйреп, жол жөндейді.(трамвай)

5.Арқаным тым ұзын,

Ала алмайсың бір үзім.(Жол)

6. Қозғалмасаң құлайды,

Сүйемесең сұлайды.

Құйымшақты ері бар,

Бұл не деген жануар? (Велосипед)

Ән: «Бағдаршам»

Қорытындылау:

Өмірдің өзі бағдаршамға ұқсайды екен-ау! Бағдаршамның «жүр!» деп жасыл түсі жанғандай, «өмірге кел!» деген бұйрықпен жарық дүние есігін ашамыз.

Бағдаршамның сары түсі «дайындал» дегенді білдіретіндігіндей, өмірге келген адам өлімге қарай қадам басып, жалғаннан мәңгілікке кетуге дайындалады.