Жол ережесін сақтайық мектепке дейінгі тәрбие сағаты

Тақырыбы: «Жол ережесін сақтайық»

Мақсаты: балалардың жолда жүру ережелерін меңгеру дағдысын қалыптастыру, және іс жүзінде жол ережесін сақтауға үйрету, жол белгілерімен таныстыру, бағдаршам туралы түсінік беру. Көшеде жүру ережесін білдіру арқылы жолда жүру мәдениетін үйретіп, балаларды сақтыққа тәрбиелеу.

Тәрбиеші: Қайырлы күн балалар, тәрбиеші апайлар, «Жолда жүру ережесін сақтаймыз!» атты ертеңгілігімізді бастағалы отырмыз. Жол заңы дұрыс жүріп, абай болуды талап етеді. Көшеде біз сақ болайық, Қаймықпасын ата - ана, Жолда сақ бол лайық, жақсы бала атына.

Үлгілі, тәртіпті бала көшеде, жолда жүру ережесін, заңын бұзбайды. Сонымен қандай бала жол ережесін бұзбайды? Балалар: Үлгілі, тәртіпті бала. Тәрбиеші: Ал ендеше балалар сіздерде жол ережесін бұзбай үлгілі, тәртіпті балаболыңдар.

Балалар мен сіздерге жұмбақ жасырайын тауып көріңдер

1. Көліктің қаншасын үстінен өткізген, Іргеден басталып, алысқа жеткізген. (Жол)

2. Жоқ өзінде бас та, ауызда да, құлақ та, Бақырайған үш көзі бар бірақ та. (Бағдаршам)

3. Өзі сөйлей білмейді, Бірақ «Тоқта, жүр!» дейді. (Бағдаршам)

Осы кезде Дымбілмес жолдан кесіп өтіп бара жатып машинаға соғылады.

Дымбілмес: Ой, ой белім-ай, аяғым-ай.

Жол сақшысы: Ысқырып тоқтатады да, Дымбілмеске жол ережесін түсіндіреді. Сәлеметсіз бе. Сіз мына жолдағы жүргінші жолдан неге өтпедіңіз, жолдың кез келген жерінен өтуге болмайды. Және жолдың қиылысында бағдаршам тұр, соған қарап жолдан өту керек еді. Сіз олай жасаған жоқсыз. Жол жүру ережесін сақтамаған үшін осындай жағдайға тап болдыңыз.