Жол таңбаларын түсіруге қажетті жабдықтар мен материалдар

ТАЛҒАТ НҰРХАН ЗАХИДІЛЛАҰЛЫ

Түркістан индустриалды – педагогикалық колледжі

Арнайы пән оқытушысы

Жол таңбаларын түсіруге арналған жабдықтар мен материалдар

Қолданылатын материалдар.Қазіргі уақытта таңба салуға бояулар, термопластиктер, жартылай фабрикат таспалар (лента), түрлі-түсті асфальтты және цементобетонды, түймелерді (кнопка), керамикалық және металл тақтайларды (плита) және т.б. қолданады.Ең көп қолданылатыны таңбалау процесінің механизациялануына негізделген бояулар мен термопластиктер.Жолды таңбалау материалдарына оның қолдану жағдайына байланысты бірқатар талаптар қойылады.Материалды таңдаудың анықталу факторына мыналар жатады: бағасы, беріктілік және адгезиялық сипаттары, кедір-бұдыр, тұрақтылық, түс тұрақтылық және жақсы шағылу мүмкіндігі, таңбаны салғаннан жолда қозғалысты бергенге дейінгі уақыт, таңбалайтын бетті дайындау уақыты.

Таңба түсіруге арналған бояулар кез келген боягыш материал секілді негізгі құрамы толтырғыш «наполнитель», байланыстырушы зат «связующее вещество» және еріткіш «растворитель».Толтырғыш қажетті бұршақтылықты «шероховатость» тудырады, беріктілік және адгезиялық қасиетін жақсартады.Пигментті бояудың құрамына қажетті түсті алу үшін қосады.Байланыстырушы зат пигмент пен еріткішті қосып, кепкеннен кейін пленка түзеді.Еріткіш бояуға жол бетіне жағылатындай тұтқырлықпен «вязкость» қамтамасыз етеді.Қазіргі уақытта жолға таңба түсіруге ЭП 5155 ақ нитроэпоксидті эмальды қолданады.Оның басқа бояуларға қарағанда үлкен тозуға төзімділік қасиеті бар.18-22 С қоршаған ауаның температурасында оның кебу уақыты 0,5 сағатпен шектеледі.Таңба сызығын салғанда орташа шығын-0,4кг/м.

Таңба салуға ақ нитроэмалін қолдануға болады.Жол таңбасын салуға қолданылып жатқан бояулар салыстырмалы түрде арзан материал болып келеді және қажетті еңбек өнімділігін қамтамасыз етуге мүмкіндік береді.Бірақ та олармен таңба түсіру қозғалыс қарқындылығына байланысты 2-4 ай қолданыстан кейін жаңартуды қажет етеді.Ұзақ мерзімді бояуларды іздеу жұмысы жарамдылық мерзімі берілген жағдайларда 2-3 жылда қолданыста болатын термопластиктердің кең қолдануына алып келеді.

Бояулар секілді термопластиктер де бірнеше құрама бөліктерден тұрады: синтетикалық немесе табиғи шайырға негізделген термопластикалык байланыстырушы, пигменттер және толтырғыштар.

Термопластикалық массаны жол қабатына 160-170С температурада ыстық күйінде салады.

Суыту нәтижесінде олар қатып қалады.Таңбаның көрінуін жақсарту үшін түнгі уақыттарда жасанды жарықтандыру құралдары жоқ жол бөліктерінде, жарық қайтарғыш материал ретінде керамикалық ұнтақтар, майдаланған әйнек немесе диаметрі 0,5мм дейінгі әйнек микрошариктерді қолдану ең көп қолданыс тапты және таңбаның жарық әсерін 4,5-11 есе ұлғайтады.