Жол тәртібін бұзбайық тәрбие сағаты 1 сынып

Жол тәртібін бұзбайық

Мақсаты: оқушыларды жолда жүру ережесімен және бағдаршамның қызметімен таныстыру .Ұқыптылыққа,әдептілікке тәрбиелеу,жол қауіпсіздігін есте сақтауға,көшеде дұрыс жүріп жол ережесін сақтауға тәрбиелеу.

Көрнекіліктер: бағдаршам суреттері,жол белгілері,көліктер

Мұғалім:Бағдаршам бізге дұрыс жол бағыттайды.Ол өмірімізді жазымнан сақтандыратын көмекшіміз,оның сырын біліп тілін алуымыз керек. Бағдаршам -көше тәртібін сақтайтын құрал.

Жанболат: Жол заңы дұрыс жүріп абай болуды талап етеді.Жол тәртібін бұзбау керек,ол қатер тудырады.Жол тәртібін бұзғандықтан кейбіреулер машина дөңгелегіне ілініп қаза тауып,кейбіреулер жарақат алады.Ал кейбіреулер өмірлік мүгедек болып қалады.Сондықтан үлгілі тәртіпті бала жолда жүру ережесін бұзбайды.

Бағдаршам: Аңсаған

Күндіз түні жанамын

Дабыл беріп бәріне

Үш түрлі түсім бар,

Белгілі жас пен кәріге

Мен бағдаршам боламын

Сәлем,балалар!Мені барлық елдің балалары жақсы біледі.Бүгін сендерге арнайы білімдеріңді тексеру үшін тапсырма ала келдім.

Мұғалім:Қош келдің бағдаршам!Бүгінгі айтар әңгімеміздің бәрі саған қатысты болмақ,сондықтан да бізбен бірге бол.

Ал балалар ,бағдаршам бізге қандай тапсырма алып келді,ендеше соны көрейік.

Жол ережелері,бағдаршам туралы тақпақтар

Аңсаған: Қызыл жарық жанғанда

Қалт тоқтай қал табанда

Дәрия: Сары шамы жағылса

Сақ, абай бол барынша

Рамина: Жасыл жарық , жол ашық,

Зымырай бер бел асып.

Аңсаған: Жол жүрудің тәртібін,ережесін білеміз,

Сақтағанда қатерден сау саламат жүреміз.

Жанболат:Көшеде бағдаршам болмаса,

Кісі жоқ өзіңе жөн сілтер

Кідірме абыржып онда аса,

Сенгейсің өзіңе ,көзіңе.

Рамина: Ашса кезек үш көзін

Айтты деп ұқ үш сөзін.

Тоқта,сақтан,жол ашық!

Жүрме жолға таласып.

Жанерке: Мен көшеден өтерде

Бағдаршамға қараймын

Қоймаған соң бекерге,

Жәрдемшісі ол талайдың

Сергіту сәті:

Оңға,оңға түзу тұр,

Солға,солға түзу тұр.

Артқа қарай бір адым

Алға қарай бір адым.

Жоғары -төмен қарайық,

Орнымызды табайық.

Жол ережесін құрастыру(«Бағдаршам,полиция қызметкері», «Жаяу жүргінші өтпесі», «Жаяу жүргіншіге тыйым салынады», «Балалар белгілері»)

Жол полициясы:Жанболат

Дәрия:Бұзылды жол тәртібі,

Алдымен оңға,

Сонан соң солға,

Қараңдар жолға,

Жоқ болса көлік

Өтіңдер, сонда!

Аңсаған: Әрқашанда абай бол

Рамина: Көлік өтетін көше бөлігіне ойнама

Жанерке: Жолдан тек жаяу адамдарға арналған «Ақ жол»арқылы өт

Дәрия:Өзің танымайтын , білмейтін адамдардың көлігіне мінбе