Жолда жүру ережесін сақтаймыз сабақ жоспары балаларға

Жолда жүру ережесін сақтаймыз!

Білім саласы: Әлеуметтік ортаТақырыбы: «Жолда жүру ережесін сақтаймыз!»

Мақсаты:

Білімділік: Көшедегі қауіпсіздік ережелері туралы алған білімдерін пысықтау, балаларды өмірлік қауіпсіздік ережелеріне үйретуді жалғастыру.

Дамытушылық: Танымдық белсенділігін, жол белгілерін білу мен олардың атқаратын қызметін, қоғамдық және көліктердегі тәртіп сақтау заңдылықтары туралы түсініктерін, ойын арқылы ойлау қабілетін, ән, тақпақ арқылы тіл байлықтарын дамыту. Шығармашылық қабілеттерін арттыру.

Тәрбиелік: Жолда жүру ережелерін орындауға, дамытушы ойындар арқылы ұйымшылдыққа тәрбиелеу.Көрнекілігі: Бағдаршам, жол белгілері салынған суреттер, жолақ сызықты жол, буклет.

Билингвальды компонент: қауіпсіздік - безопасность, бағдаршам - светофор, жаяу жүргіншілер өтпесі – пешеходный переход

Инклюзивтік әлеумет: Тілді жетік түсінбейтін бала аңғарымдылығын арттыру.Ұйымдастырушы - қозғаушы қызмет:

Шаттық шеңбері: (балалар бірге айтады)

Алтын сәуле арайлы.

Бақшамызға тарайды.

Қуанышпен шат күліп,

Қарсы алайық арайды.

Қайырлы таң қонақтар!

-Сәлеметсіздерме?!

Тәрбиеші: Біздің тобымыз: - «Қарлығаш»

Ұранымыз:

-Ережені білеміз,

Көшеде еркін жүреміз.

Біздің ұран осындай,

Сіздерге айтып береміз.

Біз бақшаға барамыз.

Оқу білім аламыз.

Тәрбиешінің айтқанын,

Есте сақтап аламыз

Тәрбиеші:

Көшеге шыққаннан кейін, айналамызға абайлап, қарап жүрмесек болмайды. Себебі бағдаршамға бағынып жүру тәртібін қатаң сақтаған адам өз өмірінің қауіпсіздігін де қамтамасыз ете алады. Жол жүру ережесін білу әр бір адамға керек. Біз бүгін сендермен жолда жүру ережесінің ең маңызды ережелерімен танысатын боламыз есте сақтап алыңдар.Біз ауылда тұрамыз, бізде бағдаршам барма? Жоқ. Бірақ жол ережелерін білдіріп тұратын белгілер бар. Сол белгілер арқылы біз тәртіп бұзбай жолдардан өте аламыз.Кәне мына белгілерге қаңдаршы бұл «жаяу жүргіншілер өтпесі» белгісі, болмаса зебра депте атайды. Жиек жолдар жаяу жүргіншілерге арналған қауіпсіз жол болып табылады. Сонымен қатар тыйым салынған беогілерде бар олар әр дайым қызыл қоршаумен қоршалып тұрады. (көрнекі суреттерді көрсету)Есте сақтаңдар.

Сұрақ-жауап:

-Көліктер қайда жүреді? - Жолда.

-Көшедегі жолдар қандай болады екен? -Ұзын, қысқа, тар-кең

-Көшеде келе жатқан адамдарды кімдер дейді? -Жаяу жүргіншілер.

-Көліктер мен жаяу жүргіншілердің жүріс-тұрысын реттеуші ол..? - Бағдаршам

Қазір қай мезгіл? -Күз мезгілі.

Тәрбиеші:

Дұрыс айтасыңдар балалар. Айтыңдаршы, балалар!

Жол қозғалыс ережелерінің мақсаты не?