Жолдыбай жолы – ұрпаққа өнеге тәрбие сағаты

Тақырыбы: «Жолдыбай жолы- ұрпаққа өнеге»

Мақсаты: Ұлы Отан соғысы, оның зардаптары, Ұлы Жеңіс туралы мағлұмат беру. Отан үшін жан қиған Жолдыбай Нұрлыбаев және аталар мен апалардың, соғыстан оралған, қазіргі кезде арамызда жүрген ардагерлеріміздің ерлігін үлгі ете отырып, оларды құрметтеуге. Оқушыларды адамгершілікке, Отанын сүюге, оны қорғауға баулу. Отанға деген сүйіспеншілігін арттыру оларға патриоттық тәрбие беру.

Көрнекілігі: Плакат, нақыл сөздер. Ел үмітін ер ақтар, Ер атағын ел сақтар. Отан үшін отқа түскін-күймейсің, Ұлы Жеңіске мың тағзым! 9 мамыр – Жеңіс күні түрлі – түсті шарлар, гүл шоқтары.

1.Кіріспе 2. «Жолдыбай жолы –ұрпаққа өнкеге » Баяндама 3. Ұлы Жеңіске мың тағзым! (жеңіс туралы әндер, өлеңдер оқу) 4. «Тарихта Жолдыбай қалдырған із»! (көрініс) 5.Отан үшін от кешкендер туралы мәлімет (Жолдыбай Нұрлыбаевты танушы мен сұхбат)

2. Мұғалімнің кіріспе әңгімесі. Мұғалім: Армысыздар, құрметті қонақтар, мұғалімдер! Әрқайсымыз үшін жақын әрі қымбат мереке Жеңіс күні де келіп жетті. Жеңіске жету жолында Қазақстандықтардың асқан ерлігі мен әскери жанқиярлығы Отан соғысы тарихындағы жарқын беттерге айналды. Сондықтан бұл күннің маңызы өте жоғары. Ұлы Жеңіс мерекесі кезекті көктемнің шуақты күнімен келіп отыр. Иә, осынау ұлан-ғайыр даламыз нені бастан кешірмеді дейсіз? Небір төңкеріс, небір көтеріліс, небір жеңіс пен жеңілісті, қызық пен қиындықты өткерді емес пе? Ата – бабаларымыздың осындай ерлігінің бірі – Ұлы Отан соғысындағы жеңісі. Сонау 1941 жылы бейбіт жатқан елге Германия фашизмдері ашқан соғыс қазақ ұлдарын да жалмап, ананы баласыз, баланы әкесіз, әйелді жесір қалдырғаны әрбір адамның жүрегінде. Жеңіс үшін шыбын жандарын құрбан еткен бірнеше

миллиондаған адамдардың есімдерін есте сақтап, 1418 азапты күн мен түнді болашақ үшін ерен еңбекпен, қайсар ерлікпен өткізгендерін ұмытуға болмайды. Ендеше, бүгінгі «Жолдыбай жолы - ұрпаққа өнеге » аталатын ашық тәрбие сағатымыз Жеңіске, Жеңіс себепкерлеріне Жолдыбай атамызға арналады.

1-Жүргізуші: 1941 жылы 22 маусым күні таң шапағы жаңа ғана арайланып келе жатқан кезде елімізге қауіп төнді. Халқымыз адам айтқысыз қиын – қыстау кезеңге душар болды. Фашистік Германия елімізге опасыздықпен басып кірді.

2-Жүргізуші: Ұлы Отан соғысы басталды. Отанымыздың басына ауыр күндер туды.

1-Жүргізуші: Қазақстанда соғыстың алдында 6, 2 миллион халық тұратын еді. Осы жылдары республикамыздан 1 млн. 196 мың 164 адам қару асынып, майданға аттанды. Республикадан еңбек армиясына 700 мың адам жіберілді. Сонда Қазақстаннан соғыс жылдары әскери комиссариаттары арқылы 1 млн. 900 мыңдай адам сапқа тұрды. Міне енді, ортамыздағы өшпес мәңгілік отқа қарап, осы сұраныс соғыста ерлік көрсетіп, қаза тапқан батыр аталарымыз бен аналарымызды еске алу үшін құрметпен 1 минут үнсіздік жариялайық. Қара бұлтқа оранбасын күн көкте Барлық халық бейбіт өмір сүрмекте Отанымыздың бақыты үшін мерт болған Батырларды еске ұста, құрметте.

2-Жүргізуші: Иә, кім де болса өз Отанын қорғауға қашанда дайын. Ұлы Отан соғысында ерлік көрсеткент Жолдыбай Нұрлыбаев туралы толығырақ мәлімет алу үшін баяндамашыға сөз берейік.

Жандос «Жолдыбай жолы –ұрпаққа өнкеге » баяндама

1-Жүргізуші: Бұл жылдары жүрегі Отаным деп соққан әр азамат барынша күресе білді. Әрбір азамат өз Отанына деген антын орындап шықты. Олай болса сұрапыл соғыс және елін,

жерін қорғаған майдангерлер туралы өлең жолдарын тыңдау үшін оқушыларға сөз берейік!

Айжарқын : Төрт жыл бойғы қанды қырғыннан кейін, қырық бестің көктемінде дүние жүзі халқы бостандық алды. Халық Отан ұғымын терең сезіне түсті. Ерлік пен еңбек жеңіп шықты. «Ешкім де ұмытылмайды, ештеңе де ұмыт қалған жоқ». Осынау сөздер Жеңіс күнін мерекелеу кезінде жиі айтылады. Осынау сөздер соғыстан қаза тапқандар ескерткішіне де қашалып жазылған.

Айдынбек Сымбат : Ойлап - ойлап тұрдым көп Сауал бердім білгім кеп; - Қуанышты мереке Жеңіс күні қай күн деп Атамнан да сұрадым, Әкемнен де сұрадым Ағамнан да сұрадым Апамнан да сұрадым Тосты бәрі құлағын, Дұрыс, десті - сұрағын Бейбіт күнін бәрі де Жеңіс күні шырағың.

Диана : Олар Отанымыздың байтақ жерін қорғады, Ақ сүт берген анасын қорғады, Самал ескен даласын қорғады. Пәк жүзді арай баласын қорғады. Отан үшін жан қиып Даңқы әлемге таралған Басынды иіп батырға Гүл шоғын қой ей адам . Ардагерлер ақ шашты аталарың Әр қашан қабыл болсын баталарың Тыныштық өмір бойы тілейтінің Түзетіп ұрпағының қатарларын.

Алтыбай Айда : Отанға аян Нұрлы мектебі ! Жауынгердей нағыз алғы шептегі Ол бір мектеп шәкірттердің самғауы Ата – ананың арманының көктеуі.

Ұстаздардың жүрегінің отынан, Жалын алып көкейіне тоқыған Деген сөздер әр шәкіртке маңдаттай Нұрлыбаев мектебінде оқыған .

Бағдаулет: Батыр деген зор атақ , Майдангер ата алыпсың Қуанудан сені атап Халқың неге жалықсын . Құштар ек сүйер ек, Қазір бірақ алыссың Тым болмаса бұл жүрек Хатыңыздан танылсын . Алтын жұлдыз кеудеңде Алға дәйім шақырсын Алыстағы елге де Жарқын нұры шашылсың Даламыздың даңқысың Ер жүрек батырсың Жанын қиып халқы үшін Лаулап жанған батырссың Мәңгі жасап жерде енді Биік бол деп таулардан Сенің балғын бейнеңді Жасап қойдық мәрмардан

Тәттібай Сымбат :

Ерлік пен Жеңіс Ерлік пен Жеңіс, Майдангерлер еңбегі. Елі үшін, жері үшін, Шайқасты олар, терледі. Жеңіс не үшін қымбат? Қиындықпен келгені. Бейбітшілік сыйлап бізге, Майданда жауды жеңгені... Әлия, Мәншүк - қос жұлдыз, Соғысқа олар аттанған. Көп ерлердің ішінде, Нағыз батыр атанған. «Жеңіс үшін – жан пида» Деді батыр ағалар. «Ер есімі – ел есінде»