Жолың болсын балдырған тәрбие сағаты балабақшаға

Сабақтың тақырыбы : «Жолың болсын, Балдырған !»

Мақсаты : Балалардың жыл бойы алған білімдерін тиянақтау, берілген тапсырмаларды дұрыс орындауға үйрету, ойын арқылы ойлау қабілеттерін бойларындағы өнерлерін және білімқұмарлыққа тәрбиелеу.

Барысы

Тәрбиеші : Құрметті ата-аналар, ұстаздар және балалар! Бүгін көз алдымызда тәп-тәтті, сүйкімді қылықтарымен сүйсіндірген балаларыңыз тоғыз ай бойы үйренген білімдерін, әндерін , билерін, тақпақтарын әрі қарай шыңдай түсіп «Жолың болсын, Балдырған !» атты ертеңгілігімізді өткізгелі отырмыз, ертеңгілікті ашуға рұқсат етіңіздер!

Қош келіпсіз құрметті ата-аналар!

Жүздеріңнен мейіріммен нұр тамар,

Алдарыңда жауқазындай құлпырған

Балақайлар балғын шақты балалар.

Балалардың білімдері құтты болсын!

Денсаулығы ауырмайтын мықты болсын!

Білімдерін одан әрі жалғайтұғын

Ерінбейтін, еңбекқор күшті болсын!

Өкінбеймін әжім түссе жүзіме

Көзілдірік қонса дағы көзіме

Өкінбеймін бос өтпеді өмірім

Білім берген шәкірттерім ізімде.

Шәкірттерді балғын баққа баладым

Өздеріне үміт артып қарадым

Ғалым болып шығуларын әйгілі

Биік шыңнан көрінуін қаладым.

Сол бағымның татып жүрмін жемісін

Осы екен жеткен ұлы жеңісім

Өкінбеймін бос өтпеді өмірім

Тәлім берген шәкірттерім ізімде.

Жақсы білім көрімдік

Болсын бізге, халайық

Не үйреніп, не білдік,

Қане, ортаға салайық.

Таныстыру

Еш жерінде міні жоқ

Ақылдықта теңі жоқ

Көз тимесін ешқашан

Сабақта ешбір теңі жоқ

Танысыңдар халайық

Ақерке және Нұрлыбекпен

Қанзия және Нұрасылмен

Сағыныш және Ақботамен

Мадина және Нұраймен.

Күлімдеген көздері

Күндей ыстық жүздері

Басқалармен бір санар

Әрқашанда өздерін

Танысыңдар қонақтар

Бұл мінездің иелері

Еркебұлан және Гауһармен

Жанерке және Бисұлтанмен

Жансерік және Нұртаспен

Жеткербай және Айданамен.

Кішкене ғана бойлары

Жақсы оқу ойлары

Қатарынан алда болу

Олардың басты ұраны

Танысыңдар халайық

Жансая және Айгеріммен және Рамазанмен

Би : «Шашу»

Қанзия : Балалық істі кешірген

Апайымыз Орынгул

Тәрбиелік сөзіңізді

Ұмытпаймыз өзіңізді.

Ақерке : Келгенде алғаш мектепке

Білмеуші едік оң солды

Қазір біз оқып , жаза білеміз

Әріпке қосып әріпті.

Айгерім : Қызық - қызық ертегілер

Біздерге айтып береді

Жылауық та, тентек те,

Осы апайға көнеді. Сағыныш : Даярлыққа келгенде

Ақ пейілмен қарсы алған

Би билетіп, ән салған

Сурет салып үйреткен

Риза «ата», «әже» де

Риза «әке», «ана» да,

Рақмет деп айтамыз

Тәрбиеші апайға.

Би : «Қара жорға»

Нұртас : Тәрбие берген ұямыз

Әдепті бала боламыз

Даярлықпен қоштасып

Біріншіге барамыз.

Айдана : Оқимыз, білім аламыз

Болашақ жолын саламыз

Қоштасып даярлық сыныппен

Біріншіге барамыз. Нұрлыбек : Біз жазамыз «Ана» деп

Біз жазамыз «Әке» деп

Біз жазамыз «Бала» деп

Біз жазамыз «Отан» деп.

Ән : «Анаға сәлем»

Рамазан : Анамыздың тілегі

Біз деп соғар жүрегі

« Балам» аман болсын деп

Баласы үшін өмір сүреді.

Бисұлтан : Бала, бала, бала деп

Түнде шошып оянған

Түн ұйқысын төрт бөліп

Аялы қолда талпынтқан.