Жомарт екен алтын күз тәрбие сағаты

«Н.Төреқұлов атындағы №13 жалпы орта мектебі»

коммуналдық мемлекеттік мекемесі

«Жомарт екен алтын күз»

2018 – 2019 оқу жылы

Тақырыбы: «Жомарт екен алтын күз»

Мақсаты: Алтын күз мерекесін өткізу. Күз туралы түсініктерін кеңейту. Балаларға мерекелік көңіл-күй сыйлау.

Көрнекіліктер: Залдың іші күз мерекесіне сай безендірілген. Жапырақтардың суреттері, күз жармеңкесі, яғни жемістер мен көкөністер салынған себеттер.

Келді міне алтын күз, Сары шашты жарқын жүз. Мол өнімді ісімен Таңдандырып халқын күз.

Сәлеметсіздер ме құрметті қонақтар және балалар! Ел байлығын арттырған берекелі де, мерекелі, күз мерекесі құтты болсын! Мектепалды даярлық «А» тобының дайындаған «Жомарт екен алтын күз» атты мерекелік ертеңгілігімізді бастауға рұқсат етіңіздер.

Олай болса, бүлдіршіндерімізді қарсы алыңыздар! (Балалар «Листопад» биіне билеп залға кіреді, қолдарында жапырақтар) Бүлдіршіндеріміз күз мезгілінің ерекшеліктері туралы не айтар екен:

Әсия: Берекесін сыйлауға

Өлкемізге күз келді

Жемістерін жинауға

Шақырады біздерді

Әділет: Алтын, сары, қызыл, көк

Алуан-алуан жапырақ

Күзгі бақтар күлімдеп

Көз тартады жалтырап

Б.Іңкәр: Еңбек қызып қырларда

Бидай толды қырманға

Алтын таулар секілді

Сап-сары боп тұрғанда

К.Іңкәр: Біреу астық түсіріп

Біреу бидай ұшырып

Жатқан мезгіл күз екен

Алдым соны түсініп

Даниал: Қыстың жақын қалғанын

Жапырақтар білгендей

Желмен ұшып барады

Жерге қонып үлгермей

Сымбат: Жапырақтар жамырап

Сайға барып бекінді

Анасынан ажырап

Қалған бала секілді

Аида: Қуандырып біздерді,

Мерекелі күз келді.

Кел жемісті алтын күз,

Кемелденсін халқымыз.

Нұрсәт: Жүзім, алма жинаймыз,

Алтын мақта тереміз.

Үлкендерді сыйлаймыз,

Көмектесе береміз

Жұлдызай: Жайдары күз, жарқын күз

Аяулы күз, алтын күз.

Дәнге толы кең далам,

Дариядай шалқар күз.

Айбике: Ұшты талдан жапырақ

Сары көбелек секілді

Аспанда жай шатырлап

Тамшы жерге секірді

Ернұр: Бұлттанып заңғар аспаным

Толтырды жасқа жанарын

Құстар да қайта бастады

Суықтың сезіп хабарын

Ақсезім: Қамба толды астыққа

Алғыс саған Алтын күз!

Бір уыс дән шаштық та

Қап-қап бидай алдық біз.

Ән: «Күзгі вальс»

Алқаптан бидайды

Қоймаға жинайды

Тырнасы тізілген

Ұнатам күзді мен!-дегендей бәріміз де күз мезгілін жақсы көреміз. Ендеше қошеметпен қол соғып «Алтын күзді» ортаға шақырайық. (Музыка әуенімен залға Күз кіреді)

Жүргізуші: Қош келдіңіз, Алтын күз! Төрлетіңіз.

Алтын күз:Сәлеметсіңдер ме, балалар!

Балалар: Сәлеметсіз бе, Алтын күз!

Алтын күз: Береке бақ дарыған,

Жомарт көңіл жарқын жаз.

Сары алтынға малынған,

Алтын күз деген мен болам.

Армысыздар, құрметті қонақтар, кішкентай бүлдіршіндер! Мен сендерді көргеніме қуаныштымын. Күзде табиғат көрінісі жиі өзгереді, аспанды бұлт торлап, ағаш жапырақтары жерге түседі, жаңбыр жауады. Құстар жылы жаққа қайтады, астық жинаймыз, жемістер мен көкөністер піседі. Ал маған кім жемістер мен көкөністер туралы тақпақтар айтып береді.

Г.Іңкәр: Көкөністі көп ектік,

Өссін, піссін деп ектік.

Көктемде еккен көкөніс,

Күзде берді көп жеміс.

Аянат: Іші толған шәрбәт,

Дәмі сондай әйбат.

Үзесің бірден жүзін,

Оның атты – ЖҮЗІМ.

Дархан: Сырты қандай қатты,

Дәні сондай тәтті.

Шағып қара таңдап,

Оның аты – ЖАҢҒАҚ.

Нарғыз: Дөп – дөңгелек сары,

Ішін же бар дәні.

Қызығасың көріп,

Оның аты – ӨРІК.

Нұрсұлтан: Пісетін кезі дәл күзде,

Мезгілсіз оны үзбе.

Аузыңнан кетпес бал дәмі

Оның аты - ШАБДАЛЫ

Т.Сымбат: Бір сабақта көп түйме,

Жей алмайсың көк күйде.

Санап қара қанша,

Оның аты – ШИЕ.

Абылай: Жапырақты тасалап,

Өсетін жері бақша – бақ.

Күрең қызыл шіркін – ай,

Оның аты – ҚҰЛПЫНАЙ.

Құралай: Пісіп тұрған алмамын,

Тамсандырар бал дәмім.

Жерге сілкіп түсірме –

Ісіп кетер маңдайым.

Нурислам: Тіл үйірген алмұртпын,

Таңсығымын бар жұрттың.

Жақсы өсіре алмайды,

Қараса егер салғырт кім?

Гүлзат: ПИЯЗ: Асханадан шықпаймын,

Атым – пияз бұқпаймын.

Көзден жасты шығарам,

Тұмаудан бірақ сақтаймын!