4 сыныпқа арналған Жомарт күз алтын күз тәрбие сағаты

Солтүстік Қазақстан облысы Шал ақын ауданыЫсқақ Ыбыраев ауылыМәркен Ахметбеков атындағы орта мектебініңбастауыш класс мұғалімі: Кажрахимова Роза КалеловнаЖомарт күз, алтын күз!Мақсаты:Мектебімізде өткізіліп жатқан «Жомарт күз, алтын күз» мерекесіне ұйымшылдықпен қатыса отырып, күз-байлық, күз-береке, күз-молшылық, күз-шаттық, күз-қуаныш екенінін оқушы санасына жеткізу. Өздеріне ерік бере отырып, ауызбіршілікке, ынтымақтастыққа баулу.

/музыка фарфары/С/Барысы: 1-Жүргізуші: - Армысыздар, ардақты қонақтар! Бүгінгі бастауыш сыныптар арасында өтетін «Жомарт күз, алтын күз » атты күзгі балына қош келдіңіздер. Берекелі, мерекелі алтын күз құтты болсын. Қасиетті күз мезгілі туралы бір сөзбен айтып жеткізу мүмкін емес. Күз дегеніміз-жазира даланың дархан дастарханы. Күз дегеніміз- байлық, молшылық.

2-жүргізуші: Өнер десе ішер асын жерге қоятын мектебіміздің басшысы, қолынан өнер тамған сегіз қырлы бір сырлы ұстазымыз- Есен Темирғалиұлы Баржаксинді ортаға шақырамыз..

Мағди: Бүгін мейрам, бүгін той, Қуанышты күн біліп қой! Күзгі бақтай сыңғырлап, Алақанды соғып қой!

Асылжан:Ал балалар тұрмайық, Қол соғайық тұрмайық. Күзгі бақта бүгінгі, Шырқап әнге салайық.

2-Жүргізуші:

Бұлттар төніп,

Жерге шөгіп,

Дымқыл тұман басады.

Өңі тайып,

Дала сұры қашады.

Ойнай алмай...

Денең мұздап тоңады.

Бөбектерім айтыңдаршы,

Бұл қай кезде болады?

Балалар: Күзде.

Алдияр:Жайдарлы күз, жарқын күз,Аяулы күз, алтын күз.Дәнге толы кең далам,Дариядай шалқып жүр.Мейірлі күз, мырза күз,Сыйлығыңа ырзамыз.Аппақ арай таңында,Шомыламыз нұрға біз.Мирас Е.:Жатыр дала жалтылдап, жаз шуағы мол құйды,Күн астында алтын дән, тербеледі толқиды.Көктемде егін егетін, күзде жиып беретін,Біздің дала бай дала, астық толы айнала.

1-Жүргізуші: дұрыс айтасыңдар балалар! Ендеше әр мезгілдің өз мінезі бар, күз мезгілінде болатын табиғат құбылыстары туралы аздаған аудиожазбаға назар аударайық!

Аудиожазба

2-Жүргізуші: Балалар, енді мерекеміз қызықты өту үшін бізге не жетпейді қалай ойлайсыңдар!

Балалар: күз ханшайымы.

1-Жүргізуші: әрине, ендеше барлығымыз қосылып, ортамызға «Күз ханшайымын» шақырайық.

Екі жүргізуші: (хормен дауыстап айтады)

Келші, келші алтын күз, Келші, келші жомарт күз. Мерекені жалғастырып, Ойнап күлші Алтын күз!

Осы кезде мерекелік көңіл күймен залға «күз ханшайымы» себетін көтеріп кіріп келеді. Себеттің ішінде күзгі базарлық жемістер, көкөністер салынған. Фарфары дауысы

Күз: Армысындар, балалар?! Күзгі бақтағы қонақтар. Өздеріңе әкелдім, Күздің сыйын көз тартар.

Балалар: Көп рахмет сізге!

Санжар: Қош келдің,Күз ханшайымы! Төрлет!Шоғы толған гүлдей жайнап,Жарқырады жарқын күз.Сайрандадық күліп-ойнап,Келді міне, алтын күз!Әлемжан:Жетті міне желмен алтын күз,Жеміс жинау салтымыз.Жиып-теріп болған соң,Той жасайды халқымыз.Мол өнімді жинаймыз,Елге бәрін сыйлаймыз.

Күз: Әрине күздің байлығын бәріңе сыйлаймын.

/күздің биі/1-Жүргізуші: Алтын күз, мына сыйды қонақтарға таратып берсек бола ма?

Күз: Жоқ, бұл сыйды қонақтар еңбек етіп, тер төгіп, жеңіп алулары қажет. Өйткені күздің сыйлары: жемістерде, көкөністерде тек адамның еңбегінің арқасында болады. Сондықтан қонақтар мен бір ойын ойнайын, егер ойын шартын ойнай білсе, ептілік көрсетсе осы сыйлықты алуларына болады.

Ән «Антошка пошли копать картошку»

Ойын: «Антошка, кел картоп жинайық» деп аталады.