ЖҚТБ ғасыр дерті тақырыбына арналған әдістемелік материал

ЖҚТБ-ғасыр дерті

Ұлт денсаулығы-біздің табысты

болашағымыздың негізі»

Нұрсұлтан Назарбаев.

ЖҚТБ адамзат алдында тұрған күрделі және қиын мәселе. Ол тек медициналық ғана емес,әлеуметтік мәселе.Нұрсұлтан Әбішұлы Назарбаевтың «Қазақстан -2030» стратегиялық бағдарламасында барша жастарды салауатты өмір салтына шақырады Қазіргі таңда бүкіл әлемді толғандырып отырған мәселелердің бірі – адам денсаулығы. Осы мәселені көтере отырып ,теңізге құйған тамшыдай өз үлесімізді қосып отырмыз.

«Д.Снегин атындағы №30 мектеп-гимназия» комммуналдық мемлекттік мекемесінде мектеп директоры Г.Б. Ережепованың басшылығымен дүниежүзілік АҚТҚ/ЖҚТБ-ға қарсы күніне арналған «Қысқы көңілді старттар» сайыс өткізілді. Сайыс 7-сынып оқушыларының арасында болды.Жоғарыда аталып отырған індетке қарсылық білдіріп, салауатты өмір салтын насихаттау барысында жүргізілді.Сайыс дене шынықтыру мұғалімдері мен мектебімізде тәжірбие өткізіп жүрген болашақ жас ұстаздардың жауапкершілігімен атқарылды.

Бүгінде адам қорғаныш тапшылығының қоздырғышы (АҚТҚ– ВИЧ) мен жұқтырған қорғаныш тапшылығының белгісінің (ЖҚТБ-СПИД) қаншалықты қауіпті екенін білмейтін адам кемде -кем шығар. Қазіргі таңда атының өзі қорқыныш шақыратын қауіпті ауру жер шарында миллиондаған адамдардың өмірін қиып отыр. АҚТҚ/ЖҚТБ жағдайында иммундық жүйе зақымданып, адамның ағзасы басқа ауруларға қарсы тұра алмайтындықтан, оның ақыры өлімге әкеліп соғуда. Сондықтан да бүгінге дейінгі жасалған әрекеттердің төмен нәтиже беруі аурудың дамуын бақылауға алуды талап етеді.

БҰҰ 2002 жылы “Жаңа мыңжылдықтағы адамзаттың даму Декларациясын” жариялады, онда аталған сегіз мақсаттың 6-уы денсаулық сақтау саласына қатысты болып отыр. Үшінші міндет – АҚТҚ/ЖҚТБ жұқпасымен ауыру деңгейінің өсуін тоқтату. Қазіргі уақытта АҚТҚ-жұқпасына қатысты эпидемиялық үрдістің ерекшеліктерінің бірі – көптеген елдерде оның жалпы халықтың, оның ішінде балалардың арасында таралуы болып табылады. АҚТҚ жұқпасы Қазақстанды да айналып өтпеді. Елімізде жыл сайын АҚТҚ жұқпасымен тіркелген адамдардың саны өсуде.

«Әрбір жаманшылықтың жағасында тұрып, адамның адамдығын бұзатын жаманшылықтан бойын жинақтау, бұл адамға нұр болады» деп Абай атамыз айтқандай оқушыларға ЖИТС және ЖЖБА-дан сақтану әдістерін үйрету, төтенше жағдай кезінде дұрыс шешім қабылдай білу қабілеттерін дамытатын қажетті білім, білік, дағды қалыптастыруымыз керек.

Өзіміз өмір сүріп отырған ортада өмірімізге қауіпті наша,темекі сияқты зиянды улы нәрсеге әуес,құмар болмайық, қымбатты біздің болашақ,өміріміздің жалғасы.