Жұлдызды сәт зияткерлік ойыны ашық сабақ 1 сынып

Сабақтың тақырыбы: «Жұлдызды сәт» атты интелектуалды ойын

Сабақтың мақсаты:

Оқушылардың тапқырлық, ізденімпаздық қасиеттерін қалыптастыру, ой-өрістерін арттыру, алған білімдерін жинақтап тереңдетуге ықпал жасау;

Сөздік қорын, сөйлеу тілін дамыту; ойлау қабілетін дамыту;

Жақсы мен жаман әдет- қылықтарды ажырата білуге, әдептілікке, адамгершілікке тәрбиелеу;

Сабақтың әдісі: сұрақ-жауап, ойын.

Сабақтың түрі: ойын-сайыс сабақ

Көрнекілігі: нақыл сөздер, мақал- мәтелдер;

Сабақтың барысы:

Мұғалім:

-Бүгін 1 а сынып оқушылары арасында «Жұлдызды сәт» атты интелектуалды ойын өтпекші. Сайысқа қатысатын оқушылар өз білімдерін және логикалық ойлау қабілеттерін көрсетеді.

Уа, халайық, халайық!Бәріне жар салайықБүгінгі кеш төрінде,Математика елінде.Есеп шешіп жарысып,Жұмбақ шешіп аңдысып.Шабыт тасып, шалқысын,Көңілді кеш жасайық!- дей келе, сіздердің қошеметтеріңізбен ортаға сайысқа қатысатын білімділерді шақырайық.

Жасампазбыз, қыранбыз,

Өнер мен білімге құштармыз.

Болашағы еліміздің,

Біз білімді ұланбыз, - деп ортаға «Ұлан» және «Қыран» тобын шақырайық.

Әр топ өзімен таныстырады.

Қалыспаған қашанда,

Білімділер бар сонда.

Үздік баға иелері

« Қыран» тобы бас алға,- деп «Қыран» тобы өзін таныстырады.

Білім алып бүгін алтын ұяда,

Ертең әлі шарықтаймыз қияда, - деп «Ұлан» тобы өзін таныстырады.

Әділқазы алқасымен таныстыру:

Әділдікпен баға берер сендерге,

Әділдікпен қара қылды қақ жарар.

Әділқазы алқаларын сайлайық,

Сарапқа сап әділдікпен шеше біл. Жоспармен таныстыру:

І кезең - «Бәйге» (Тосын сұрақтар)

ІІ кезең - «Қызықты жетілік» (Ұяшық ашу арқылы сұраққа жауап беру)

ІІІ кезең - « Кім көп сөз құрайды» (Бір сөзден сөздер құрау)

VI кезең – «Кім көп тіл біледі» (Жұмбақтың шешуін қазақ, орыс, ағылшын тілінде айтады)

V кезең – «Біліміңді мықта» (Логикалық есептер)

VI кезең – «Ойлы болсаң озып көр» (Кестелерді толтырады)

VII кезең – Қорытынды.

Ой мен білім жарысын бастаймыз.

Бәйгеге түсіп жарыспай,

Жүйріктің бағы жана ма?

Білім мен өнер жарысып,

Тәрбие,тәлім табар мән.

Бұл бәйге ойдың бәйгесі

Кім жүйрік ойға, сол алда, - дей келе, осы уақытқа дейін алған білімдеріңді көрсетіп, ортаға салыңдар.

І кезең «Бәйге» әр топқа 10 сұрақтан қойылады, әр дұрыс жауап 1 ұпай болып есептеледі.

1топ:

а+3 қандай өрнек? (әріпті)

10+15 қанша? (25)

Салмақтың өлшем бірлігі. (т, г, кг, ц, мг)

1сағатта неше минут бар? (60)

Ең үлкен бір таңбалы сан. (9)

Алғашқы адам қайда өмір сүрген? (үңгірде)

Сақтардың патшасы кім болған? (Томирис)

Жердің жасанды моделі (глобус)

Уақыт өлшем бірлігі (мин, сағ, тәул, апта, ай, жыл, ғасыр)

Дыбыстар нешеге бөлінеді? (дауысты және дауыссыз)

2 топ

Бір тәулікте неше сағат бар? (24)

100-20 нешеге тең? (80)

Дауысты дыбыстар нешеге бөлінеді? (жуан және жіңішке)

Ұзындық өлшем бірлігін ата. (км, см, м, мм, дм)

50+9 өрнектің қай түріне жатады? (санды өрнек)

Көне заманда адамдар жазуды қайда жазған? (тасқа)

Өзінен жарық пен жылу беретін аспан денені қалай атаймыз? (күн)

Ол парсы патшасы Кирді жеңген? (Томирис)

Өсімдіктің мүшелерін ата? (тамыр, жапырақ, бұта, гүл, жеміс)

Адамның дене мүшелерін ата? (бас, мойын, қол, аяқ, кеуде)

ІІ кезең. «Қызықты жетілік»

Бұл кезеңде жұмбақтар тор көзде берілген, екеуі арнайы сұрақ.

тор көзде сандар жазылған, осы сандар арқылы өздеріңе ұпай жинайсыңдар.

Сандардың өз орнымен оң жақ 20, сол жақ 20, ортадағы 20 деп ашасыңдар.Егер таңдаған сұрағыңа жауап болмаса, ұпай бізде қалады.

Олай болса ,ой ойласаң көп ойлан,

Алдын, артын кең ойлан.

Шат-шалағай болмасын,

Асықпастан кең ойлан-деп кезеңді бастайық.

Оң жақ 20- Ыстық, оттан да, Отан (Отан оттан да ыстық)

Сол жақ 20- Ер, болар, сүйген, елін (Елін сүйген ер болар)

Ортадағы 20- Қазғандай, құдық, оқу -, инемен. ( Оқу – инемен құдық қазғандай)