Жұмбақтар жинағы балабақшаға арналған

1. Сөйлеуді ол білмейді,

Бірақ: «тоқта», «жүр»,- дейді. (бағдаршам) 2. Босағада жатыр ,

Тірі құлып ырылдап. (ит) 3. Сақалы жоқ-шашы бар,

Бет-аузы жоқ-басы бар. Белін бекем байлаған, Қоқсықты қоймай айдаған. (сыпырғыш) 4. Жүрсе –ізі жоқ,

Сойса-қаны жоқ. (қайық) 5. Апан-апан,ескі шапан,

Иір қобыз, жарық жұлдыз. (түйе) 6. Ұзын құлақ-өзі қорқақ. (қоян) 7 . Болмаймын деп жазда жем, Сұрғылт түсті көйлек киген. Қыста ағарған қай аң? Білемісің? Ол ұзын құлақ... (қоян) 8. Қыста ұйықтайды, Көктемде оянады. (аю) 9. Жазыңда қаңғиды; Қысыңда қалғиды. (аю) 10. Өмір бойы арқаңда Несіне тасисың ауыр қалқанды? «Төзімді көйлек жоқ басқа»- деп тіл қатты... (тасбақа) 11. Екі езуі құлағына жетеді, Тамақ жесе ызың-ызың етеді. (ара) 12. Қуанышқа мен тудым, Шашым ақ бұйра. Кім щи тағамын сүйеді, Ішінен мені іздейді. (орамжапырақ)

13. Көтерілді қақпалар, Бар әлемге сәнділік. Күн « Тоқта!» деп бұйрық берді, Жеті түрлі көпірге. (кемпірқосақ) 14. Орманда тұрады, өзі бір қу, жүрген жері айғаймен шу. (түлкі) 15. Бұтадан-бұтаға секірген, кішкентай ғана шапшаң аң. (тиін) 16. Кезікті бір жануар, Үстінде екі тауы бар. (түйе) 17. Таңмен көзін ашады, Әлемге нұрын шашады. (күн) 18. Бір ағашта он екі ұя, Әр ұяда отыз жұмыртқа. (жыл. 12 ай) 19. Жатып-жатып инелер, Жүгіріп жаныңа тез келер. (кірпі) 20. Ит сияқты пішіні. Ұнатпайды ол кісіні. (қасқыр) 21. Жерге қазық қақтым, Басына айдар тақтым. (сәбіз) 22. Аяғы бар, басы бар, Арқалаған тасы бар. (тасбақа) 23. Қыста ғана болады, Ұстасаң қолың тоңады. (қар) Пырылдар көкте инелік, Инелік емес, үй делік. (тікұшақ) 24. Сол аяқ пен оң аяқ Кезек оны тебеді, Ол тынымсыз домалап, Зыр жүгіре береді. Ол не? Ойлан, тап. (доп) 25. Ағайынды бәрі,

Шықса- жасыл, Түссе-сары. (жапырақ) 26. Ыстық құйсаң, суымайды, Суық құйсаң, ысымайды. (термос) 27. Қабат-қабат тоны бар, Кішкентай ғана бойы бар, Айналдырып киген тоны бар. (қой) 28. Үй ішін аралап, Түнде көп жортады. Қаптарды жарып, Мысықтан қорқады. (тышқан) 29. Қалың кмім ұнатады, Шешіндірсең жылатады. (пияз) 30.Шыр-шыр етеді, Құлағыңнан өтеді, Ұстай алсаң, Сөйлеп кетеді. (телефон) 31.Күндіз де жүреді, Түнде де жүреді, Аяғы жоқ, қолы жоқ, Не жүрген жүні жоқ. Ол не , кім біледі? (сағат) 32. Қолы жоқ ,сурет салады. Тісі жоқ, тістеп алады. (аяз) 33. Қанаты жоқ-ұшады, Аяғы жоқ-қашады. (жел) 34. Жылт-жылт еткен, Жырадан өткен. (су) 35. Мен- ақ қалам, ақ қалам. Жазған сайын жоқ болам. (бор) 36. Құлағын бұрап тартқаным не? (домбыра) 37. Жазда болмайды, Қыста болады. Терезеге қонады,