Жүреді, ұшады, жүзеді тақырыбына балабақша сценарийі

Маңғыстау облысы , Ақтау қаласы «Заманауи білім «Болашақ» академия»

балабақшасы әдіскері Алиманова Зауреш

Жүреді,ұшады,жүзеді.

Білім беру саласы: Таным

Мақсаты:Балаларға жергілікті жағдайды есепке ала отырып, түрлі көлік құралдарын танып, атауды ( жүк көлігі, жеңіл көлік, ұшақ,кеме) үйрету. Автокөлік бөлшектерін (кабина, рөл,кузов,есіктер,дөңгелектер)ажырата білуін дамыту. Бағдаршамның қызыл және жасыл түсті белгілерінің мағыналарымен таныстыру. Жол бөліғін ( жүру бөлігі және тротуар) ажыратып атауды үйрету.

Дамытушылық: Балалардың ой-өрісін, логикалық ойлау қабілетін дамыту.

Тәрбиелік: Балаларды тапқырлыққа ,ұжымдық жұмыс жасауға, бастаған ісін аяғына дейін жеткізе білуге тәрбилеу.

Сөздік-жұмыс: Жер бетінде, әуеде, су бетінде.

Көрнекіліктер: Автобус, жүк көлігі, жеңіл көлік, ұшақ, кеме суреттері, ойыншықтар, жол ережесінің белгілерінің суреттері.

Оқу іс- әрекетінің барысы:

Шаттық шеңбер:

Армысың , алтын күн,

Армысың, ашық аспан.Атмысың, жер ана.

Армысың, жан досым.

Жылуыңа жылу қос, міне менің қолым.

Балалар бір-біріне жылу лебіздерін білдіреді.

Тәрбиеші: Балалар қараңдаршы бізге қонаққа апайлар келіпті. Қане әдептілік танытып амандасып алайық.

Балалар: Саламатсыздар ма!

Ғажайып сәт.

Тәрбиеші: (үнтаспадан ғажайып әуен естіледі) Балалар мына әуен қайдан шығып жатыр.

Балалар : Әуен шыққан жақты бағдарлайды.

Тәрбиеші: Иә дұрыс айтасыңдар балалар, әуен ғажайып қорапшадан шығып жатыр екен ғой. Ал, енді қорапшада не бар екенін көрейікші. ( тәрбиеші қорапты ашады) Міне керемет, қорапшада әр түрлі суреттер бар екен, мен оларды сендерге көрсетейін. Суреттерді тақтаға біртіндеп іліп , балалардан олардың аттарын атауды өтінеді.

Балалар: Камаз,автобус, ұшақ, кеме, жеңіл машиналар...

Тәрбиеші: балалар осы машиналардың бәрін бір сөзбен айтуға болады, оларды КӨЛІКТЕР деп айтамыз.

Балалар тәрбиешімен бірге қайталайды- КӨЛІКТЕР

Тәрбиешінің көліктер туралы әңгімесі:

Көліктер: жер, әуе, су көліктері болып үшке топқа бөлінеді.

Жер көліктеріне: жеңіл көліктер, жүк көліктер, поездар, автобус жатады.

Әуе көліктеріне: ұшақ, тік ұшақ, зымыран кіреді.

Су көліктеріне: кеме, қайық жатады.

Көліктердің бәрін адамдар басқарады. Олар адамдардың игілігі үшін қызмет етеді. Алыс жерге тез алып барады, ал ауыр жүктерді жүк көліктеріне жүктеп жеткізіп аламыз.

Көліктердің бөліктерін атау ( дөңгелектері, рул,есіктері)