Жүрегімізбен бар мейірім сыйлаймыз, балабақшаға ашық сабақ

Білім беру саласы: Әлеуметтік орта

Ашық ұйымдастырылған оқу қызметі түрі: Өзін-өзі тану.

Тақырыбы: «Жүрегімізбен бар мейірім сыйлаймыз»

Мақсаты: Адам бойындағы құнды қасиеттер туралы түсініктерін қалыптастыру. Жақсы істер жасай білу іскерліктерін дамыту. Өз ойы мен ісін мейірімділікке бағыттай алуына ықпал ету. Өз ортасын мейірімді болуға тәрбиелеу.

Көрнекілігі: жүрекше, жұмыс дәптері, атрибуттар, суреттер.

Әрекет кезеңдері

Тәрбиешінің іс-әрекеті

Балалардың іс-әрекеті

Мән-мағынасын қозғаушы

Іздену ұйымдастыру

Рефлексивті

Шаттық шеңбері

Балалар, мен бүгін сендердің бал-бұл жайнаған, мейірімді жүздеріңді көргеніме өте қуаныштымын. Қанеки, бір-бірімізге күннің шуағындай күлімдеп, көңіл-күйіміздің кішкентай ғана бір бөлігін сыйлайықшы.

Балалар «өзін-өзі тану» әлемінде адамдар бір-біріне жақсы, жағымды сөздер, мейірімді тілектерді шеңберде тұрып айтады. Менде сендерді шын көңіліммен шаттық шеңберіне шақырамын. Мен тілегімді бірінші айтайын.

- Мен бәрімізге денсаулық тілеймін.

Қуаныш. Бақыт. Достық. Жақсы күн. Сұлулық. Тыныштық. Аманшылық. Жақсы көңіл-күй. Бірлік. Сәттілік. Әділдік. Жомарттық. Жақсылық. Мейірімділік. Еңбекқорлық.

(барлығы бірге)

Жақсы сөздер айтамыз,

Шаршамаймыз қайта біз.

Жарайсыңдар балалар біз сондай жақсы сөздер, жылы-жылы лебіздер естідік. Олардың бәрі орындалады, өйткені сендер оны шын жүректеріңмен айттыңдар. Енді орнымызға жайлап жайғасып отырайық.

- Балалар, біз кімбіз?

Ия, біз ең ұлы жаратылыс иесі

- Адамның басқа жаратылыс иелерінен қандай айырмашылығы бар?

(жануарлардан, құстардан, жәндіктерден )

- Ия, адамдар сөйлей алады.

Адам тек жақсы сөздер мен жақсылық жасау үшін жаратылған. Адамдар қандай болу керек?

«Мейірімділік» бұл сөзді қалай түсінуге болады?

Мейірімділік адам бойындағы ең асыл қасиет.

Енді балалар мен сендерген игілікті істердің бірі мейыірімділік дегеннің не екенін түсіну үшін «Мазасыз балапан» әңгімесі бойынша дайындалған қойылымды тамашалауға шақырамын.

Әңгіме.

Бір мазасыз балапан өмір сүріпті. Бір күні ол анасынан «Мейірімділік деген не?»- деп сұрайды. Сен әлі кішкентайсын, өскеннен кейін түсінесің – дейді анасы.

Бірақ балапан мазасыз еді. Ол мейірімділіктің не екенін тезірек білгісі келіп, жолға шығады. Жолда келе жатып жылап жүрген ешкіні кездестіреді, ол балапаннан жоғалып кеткен лағын тауып беруге көмектесуін сұрайды.

«Жоқ , менде уақыт жоқ, мейірімділік дегеннің не екенін білуім керек» - дейді де ұшып кетеді.

Алдынан тал кездеседі: балапан, маған су құйып кетші, шөлдеп, қурап бара жатырмын. «Жоқ , менде уақыт жоқ, мейірімділік дегеннің не екенін білуім керек» - дейді.

Алдынан бір қыз кездеседі, ол ағашқа ілініп қалған шарын аламай жүр екен.

- Балапан, балапан маған шарды алуға көмектесші – дейді.

«Менде уақыт жоқ, мейірімділік дегеннің не екенін білуім керек» - дейді.

- Бірінші сен шарды алып бер,- дейді қыз. Балапан ұшып барып, шарды алып береді. Мінекей, сен қайырымды іс істедің, мейірімділік деген осы- дейді.

«Қандай оп-оңай» - деп таң қалады балапан.