Жүректің жылуын сыйлайыншы анама балабақша сценарийі

ҚАРАҚИЯ АУДАНЫ ӘКІМДІГІНІҢ «ҒАРЫШКЕР» БАЛАБАҚШАСЫ

МЕМЛЕКЕТТІК КОММУНАЛДЫҚ ҚАЗЫНАЛЫҚ КӘСІПОРЫН

«Қызғалдақ» тобы

Жүректің жылуын сыйлайыншы анама!

(Ашық ұйымдастырылған мерекелік ертеңгілігі)

Тәрбиеші: Б.Т. Кдыршаева

Жетібай ауылы.

2018 жыл

Жүректің жылуын сыйлайыншы анама!

Мақсаты: Анаға деген сүйіспеншілік сезімдерін арттыру, Ананы құрметтеу, сыйлай білуге, балалар бойындағы жеке қабілеттерімен таланттарын дамыту, адамгершілікке, ізгілікке, достықты қастерлей білуге тәрбиелеу.

Жүргізуші: Аяулы біздің аналар мен әжелер, Сіздерді бүгінгі көктемнің алғашқы мерекесі – 8 Наурыз Халықаралық әйелдер күнімен құттықтаймыз. «Қызғалдақ тобы» балаларының дайындаған «Жүректің жылуын сыйлайыншы анама!» атты ертеңгілігіне қош келдіңіздер.

Армысыздар, аяулы аналар,

Армысыздар әжелер мен апалар!

Мерекемен құттықтайды сіздерді,

Шашу шашып, өнерімен балалар.

Біздің балаларымыз сіздерге, аналарға деген ыстық лебіздері мен шексіз махаббаттарын ән мен тақпақ арқылы жолдамақ. Қабыл алыңыздар! Ортаға Батыржан мен Қуантқанды шақырамын.

Батыржан: Ана десем алғыс алам халқымнан

Ана десем теңіз болам шалқыған

Ана десем ашылады қабағым

Ана десем әділдікті ұғамын

Біз ғана емес Қадір тұтқан бабалар

Аналардаң туған небір даналар

Ана деген тіршіліктің тірегі

Армысыздар,қасиетті аналар!

Қуантқан: Мерейлі сәт мерекеге ұласып,

Сегізінші наурыз келді қыр асып.

Қыз- келіншек, нәзік жандар мейрамы

Көктемнің шапағатын тұр шашып.

Құттықтаймыз аналарды, қыздарды,

Мерекеден шуақты бір із қалды.

Болсын әркез көтеріңкі көңілдер,

Нұрын шашсын мерекеге өңірлер!

Дүниеде ең кемеңгер дананы,

Ана табады, аялайды бағады.

Сол үшін де құдіретіңе бас иіп,

Құрметтейік қасиетті – ананы.

Санжар: Восьмое марта- день хороший!

Он- чтобы женщин поздравлять!

И взрослых, и девчонок – крошек,

Всего им лучшего желать.

Жүргізуші: Ендеше ортамызға тобымыздың ұлдарымен Ару қыздарымызды шақырайық. Балаларды қол соғып қошеметпен қарсы алайық. ( Балалар музыка әуенімен би билеп шығады).

Жүргізуші: Сүйікті аналар, сіздерге деген балаларымыздың жылы лебіздерін қабыл алыңыздар.Ортаға: Сезім, Таир, Інжу, Сұңғат.

Сезім: Той пердесін ашайық

Тойға шашу шашайық

Аналарды құрметтеп,

Ән маржанын ашайық.

Қандай қызық көктемде

Күн шуағын төккенде,

Гүл тереміз алуан

Шығып алып көк белге.

Таир: Түн ұйқыңды төрт бөліп,

Құшақ жайдың балаға.

Айым, күнім, ұлым деп,

Еркелетер анада.

Ана бақыт, ана нұр,

Әр сәбиге, балаға.

Інжу: Бүгін Наурыздың сегізі,

Сұлулықтың негізі.

Әдемі сөз анамның,

Анаға айтар лебізі.

Мәпелейсің мені анам

Қолыңдағы құсыңдай

Құлпыра өсіп дем алам

Құшағыңда қысылмай

Сұңғат: Бәрімізге анасың,

Біз үшін күн боп жанасың.

Құтты болсын мерекең,

Құттықтаймын анашым!

Жүргізуші: Жыршы құстар көп келді,

Гүлдер жапты бөктерді,

Кел балалар бәріміз,

Қарсы алайық көктемді. (Есік қағылып музыка әуеніменАру көктем кіріп келеді)

Ару көктем:

Мен көңілді көктеммін, Былтыр келіп кеткенмін. Көзін ашып бұлақтын, Түбіне тал екенмін. Гүл боп қырда егілем, Дән боп жерге себілем. Жаңбыр болып жауам да, Нұр боп көктен төгілем. Шуағын төгіп әлемге. Жылуын күннің әкелем. Табиғаттың төсіне тіршілігін сыйлаймын.

Жүргізуші: Амансың ба, Ару көктем? Ұлан - байтақ жерімізге қош келдіңіз. Шуағыңды шаттандырып, нұрыңды мол төге бер.Көктем: Аяулы аналар, әжелер, қыздар менің құшағым толы қыр гүліндей құлпыра беріңдер, мерекелеріңіз құтты болсын!Жүргізуші: Көктем келді, балалар,

Жердің беті жаңарар.

Ақ сүт беріп өсірген,

Аман болсын аналар!- деп көктемнің құрметіне балалардың орындауында «Көктем келді» әнін қабыл алыңыздар

Ән: «Көктем келді»

Жүргізуші: Ару көктем кезекті балалардың өзіңе арналған өлеңдерін қабыл ал. Ортаға: Аяжан, Данияр,Нұрдана, Нұрқасым, Бекмұрат.

Аяжан: Көктем күні керемет

Жаңбыр жауар себелеп.

Күн ашылса болғаны,

Көлбеңдейді көбелек.

Бар табиғат нәр алып,

Шыға келер жаңарып

Қызғалдақ боп құлпырып,

Көктем біздің балалық.

Данияр:Ана деген-жарық жұлдыз шырағың

Ана деген- қайнар ыстық бұлағың

Ана деген- өмірдегі қамқорың

Ана деген-сүйенерің,жан құрбым.

Нұрдана: Жарқын жүзді жан адам,

Сендей болсын бар адам.

Сендей болса бар адам,

Шаттық кетпес баладан.

Сенсің ана, жан күші,

Сендей болсын бар кісі

Сендей болса бар кісі

Шексіз перзент алғысы.

Нұрқасым: Сәуле шашқан әсем күндей

Көтерілсін көңіліңіз

Жарқыраған қызыл гүлдей

Болсын әсем өміріңіз

Бекмұрат: Гүл- гүл жайнап әніміз,

Кіреді біздің сәніміз.

Аналарды тойымен

Құттықтаймыз бәріміз.

Жүргізуші: Күнінде гүл көктемнің нұрын шашып,

Жасқанбай әр қадамын нық - нық басып,

Биімен көрерменді тәнті ететін

Арулар келді міне толқып, тасып –дей келе, ару қыздарымыздың орындауында «Қуыршақ Барби» биін тамашалаңыздар.

Би: «Қуыршақ Барби»

Жүргізуші: Әжем менің әлі де,

Ұқсамайды кәріге.

Шай қайнатып береді,

Біздің үйдің бәріне, - деп балаларымыздың әжелеріне арнаған тақпақтарына кезек береміз. Ортаға: Жасұлан, Нұрай, Берекет, Нұрайша, Ерназар.

Жасұлан: Әже дейміз, бәрімізде аңқылдап,

Әже дейді жас сәбиде жарқылдап.