Журналистика мамандығын таңдауға арналған эссе

Неге мен журналистиканы таңдадым?

Журналист... Осы 8 әріпте батылдық пен қайсарлық, ақылдылық пен тапқырлық тұнып тұр. Қазіргі қоғамның жанашырлары да, бетке ұстар мамандық иелері де осы бір жандар. Ақпараттық төңкеріс заманында журналисттер аса маңызды рөл атқарады. Журналисттер қоғамда пікір қалыптастырушы қызмет атқарғандықтан, оларға қойылатын талаптар да жеткілікті. Бір ақпаратты жеткізбес бұрын оны жан-жақты зерттеуден өткізіп, тиісті дәлелдермен қоғамда дұрыс әрі шынайы пікір қалыптастыру міндеті жүктеледі. Журналистика саласы көп ізденісті, бір орында тұрмай, алдыға жылжуды, жаңалыққа деген ізденіс пен кейбір кезде өз басыңды қатерге тігуді, аса білімділікпен қатар, ең бастысы-шыншылдық, әділдікті талап етеді. Бұл саланың мамандары от пен суды кеше отырып, тек әділдік жолы үшін күреседі. Журналисттерден ең алдымен өз жұмысына деген адалдық талап етіледі.Негізінен олар бейтарап жолды ұстанады, тек шындық пен әділдікті жақтайды. Журналисттер-қоғамда аса маңызды орын алатын, қоғамның бір үлкен бөлшегі десек те қателеспейміз. Осы жерде Н.Михаловскийдің: «Журналиста қоғаммен бірге өмір сүріп, қоғаммен тыныстайды. Қоғам тірлігінің тамыры қиылса, журналистика да бітіп тынады» деген пікірін ұсынғым келеді. Өз басым

Бұл саланы, мамандықты таңдамас бұрын көп зерттеулер жүргіздім. Сонда көп жастардан байқағаным, барлығы демеймін, бірақ көбісі осы мамандықты атақ үшін таңдайды екен, Яғни, журналистиканы таңдасам, тез атақты болып кетемін деген теріс көзқарас қалыптасып қалған. Менің ойымша, ең алдымен өз халқыңа адал қызмет етіп,халықтың жүрегіне әділдігіңмен, шыншылдығыңмен, мейірімділігіңмен жол таба білу керек. Менің ойымша, халқы сыйлаған журналисттерге бұдан асқан бақыт жоқ!

Менің журналистика саласына қадам басу туралы шешімді кішкентай кезімде қабылдаған болатынмын. Бірақ, жыл өткен сайын қорқыныш пен үрей де арта берді. Соңғы сәтте, өзімді қолға алып: «Сен шынымен де бас тартасың ба? Бала кездегі арманың қайда қалды?» деген сұрақтарды жиі қоюмен болдым. Журналисттер туралы зерттеулер жүргізген кезде, олардың бойында болу керек құндылықтар мен қасиеттер туралы терең ойлай бастадым. Өзімнің бойымда бар құндылықтарға сыни көзқараспен қарай отырып, оларды тере бастадым. Әр нәрсенің түбіне дейін баратыным, бастаған істі аяқтамай, тыныштық таппайтыным, жан-жақты ізденіске…