Жүзден жүйрік интеллектуалды сайыс сыныптан тыс жұмыс

«Жүзден жүйрік»

Интеллектуалды сайыс

Сайыстың мақсаты: Оқушылардың пәнге деген қызығушылығын арттыру, сөздік қорын дамыту, сөз мағынасын түсінуге тәрбиелеу.

Көрнектілігі: интерактивті тақта, слайд, сигналдық дөңгелекшелер, сыйлықтар, алғыс хаттар, тест тапсырмалары, үлестірме парақшалар.Сайыстың барысы:1.Оқушылар ұжымын ұйымдастыру.2. Жүргізушінің кіріспе сөзі, мақсатын түсіндіру, әділ – қазылар алқасын сайлау.3.Сайыскерлердің өзін – өзі таныстыруы.4. Ойын ережелерімен таныстыру.

Сайыс кезеңдері:

«Кім жылдам?»

«Дода»

«Бәйге»

«Жеті жұрттың тілін біл»

«Ойлан, тап!»

1-жүргізуші: Армысыздар,ертеңгі саясат сахнасында тұрлаулы толғам мен толымды ой айтатын мына тұрған жас жеткіншектердің тірегі бола білген ардақты ұстаздар мен ел ертеңіне бірге қадам басқан құрбы-құрдастар!

2-жүргізуші: Арыстандай айбатты,

Жолбарыстай қайратты.

Қырандай күшті қанатты,

Біз жастарға сенеміз! –

деген Мағжан ағамыздың сөзімен бүгінгі білім сайысына қатысушыларымызға сәттілік тілей отырып, сайысымызды бастауға рұқсат етіңіздер!

1-жүргізуші: Бар ғылымның сырлары, Қызықтырады біздерді. Ойынға бірге қатысуға, Шақырамыз сіздерді - дей келе отырып, сайыскерлеріміздің білімі мен біліктілігіне «қара қылды қақ жарып» әділ баға беретін Әділқазылар алқасына қошемет көрсетіп, таныстыра кетейік.

2-жүргізуші: Әділ қазы, ақ қазыға бір сәлем, Әділдікке бас иеді күллі әлем. Жүйрік озар сайыстарда неше бір, Сарапқа сап, әділдікпен шеше біл! - деп, бүгінгі сайысқа әділ баға беретін әділ қазылар алқасымен таныс болыңыздар.

1-жүргізуші: Болыңдар сайысқа келген аман бәрің, Келіп тұр егемендік замандарың. Қазақ болып туғанмын жер үстінде, Анық басып жүретін қадамдарын – деп бүгінгі сайыстың қатысушыларымен таныс болыңыздар.Қатысушыларды таныстыру.

1-ші қатысушы –

2-ші қатысушы –

3-ші қатысушы –

4-ші қатысушы –

5-ші қатысушы –

6-шы қатысушы –

2-жүргізуші:Ал, сайыскерлер, дайын болсақ, бастайық. Баршаңызға сәттілік тілеймін!

1-жүргізуші: Бәйгеге түспей жарыспай, Жүйріктің бағы жанар ма? Білім мен өнер жарысып, Тәрбие-тәлім табар мән. Бұл бәйге ойдың бәйгесі, Кім жүйрік ойға, сол алда.

2-жүргізуші: Астымда ілім ақ құнан

Суыт келем тепеңдеп,

Алыстаймын артқыдан.

Алдыңғыға жетем деп, – деп «Кім жүйрік?» атты сайысымызға кезек береміз.1-жүргізуші: Кезең шарты: Қазақ тілі мен әдебиеті пәндері бойынша сайыскерлер тест тапсырмасын орындайды. Әр дұрыс жауап он ұпаймен бағаланады.

Қазақстан Республикасының Мемлекеттік Туының авторын анықтаңыз.А) Мұзафар Әлімбаев.В) Шотаман Уәлиханов.С) Шәкен Ниязбеков.D) Қадыр Мырза - ӘліЕ) ЖандарбекМәлібекұлы

Берілген сөйлемді дұрыс аяқтаңыз. 25 қазан -...А) Ынтымақ күні.B) Конституция күні.С) Тәуелсіздік күні.D) Республика күні.Е) Жеңіс күні.

Қалау райлы етістіктің жұрнағын көрсетіңіз.А) - а, - е, - й.В) - са, - се.С) - мын, - мін.D) - ғы, - п.Е) - ның, - нің.

Жалғаулық шылау қатысқан сөйлемді анықтаңыздар.А) 22-наурыз күні біз демаламыз.В) Табиғатты аялайық.C) Біресе мәтін оқимын, біресе теледидар қараймын.D) Табиғат адамға бәрін береді.Е) Наурыз көжеге жеті түрлі дәм қосады.

Бастауыш қызметіндегі есімшені табыңыз. A) Ол – күлдіргі бала. B) Оқыған озады. C) Мақсат ән айтты. D) Армансыз адам болмайды. E) Арманға жету керек.

Анықтауыш қатысып тұрған сөйлемді табыңыз. A) Білімдіден шыққан сөз, талаптыға болсын кез. B) Іздеген жетер мұратқа. C) Тау жақтан баяу жел еседі. D) Әбіштен келген екен. E) Жауын сіркіреп тұр екен.

«Түркі сөздерінің жинағы» кітабының араб тіліндегі атауын дұрыс белгіле.

А) «Диуани хикмет»

В) «Қисса-сул-әнбия»

С) «Диуани лұғат-ат –түрік»

Д)«Мухаббатнаме»

Е) «Китаб ат-тухфаг уз-закийат фил-луғат-ит-туркийа»

Ж. Жабаев Ұлы Отан соғысы жылдарында жауынгерлерді жігерлендіретін қандай өлең жазды?а) «Ленинградтық өренім» ә) «Балаларға» б) «Алатау» в) «Өтеген батыр»

Е) «Сұраншы батыр»

С. Сейфуллиннің тұңғыш өлеңдер жинағы «Өткен күндер» қашан және қай жерде басылып шықты. а) 1917 жылы Бұғылыда ә) 1914 жылы Қазанда б) 1911 жылы Орынборда в) 1908 жылы Ақмолада

Е) 1909 жылы Семейде

Шоқан Уәлиханов қашан және қай жерде туылған?а) Семей облысында 1845 жылы ә) Қостанай облысында 1835 жылы б) Қостанай облысында 1841 жылы в) Алматы облысында 1894 жылы

Е) Павлодар облысында 1835 жылы

2-жүргізуші: Олай болса, «Кім жүйрік?» кезеңінің бағасын білу үшін сөз кезегін әділқзылар алқасына берейік.

1-жүргізуші:Тату боп жолдас пенен жораменен,

Көп оқыған балалар болады өрен.

Келесі айналымды бастайықшы,

Дүлдүлдер дебірлейтін «Дода» деген – деп, сайысымыздың келесі кезеңіне келдік.

1-жүргізуші: Әділқазылар алқасы, екі кезең бойынша жинаған ұпайы төмен сайыскерімізбен қоштасайық.