Жүзден жүйрік, мыңнан тұлпар сыныптан тыс іс-шара

№3 КҮРШІМ ГИМНАЗИЯСЫ

СЫНЫПТАР: 6 «А» және 6 «Б»

Сабақтың тақырыбы: Жүзден жүйрік, мыңнан тұлпар. Сабақтың мақсаты: Білімділік: Оқушылардың математика пәні бойынша меңгерген білімін тексеріп білу, өткен материалды еске түсіру, математика пәніне қызығушылығын арттыру арқылы ой-қабілетін дамыту және өз ойларын жеткізе білу. Дамытушылық: Логикалық ойлау қабілеті мен есеп шығару дағдыларын арттыру, өз бетінше еңбектенуге баулу, пәнге деген қызығушылықтарын ояту. Теориялық білімдерін практикада қолдана алу. Тәрбиелік: Оқушылардың өз ойын толық және дұрыс жеткізе білуге, математикалық тілдле сөйлеуге, тапқырлыққа, шапшаңдыққа, ұжыммен жұмыла жұмыс жасай алуға тәрбиелеу. Сабақтың түрі: сайыс сабақ Сабақтың типі: білім-білік дағдыларын қалыптастыру. Сабақтың әдістері: Сөздік, сұрақ-жауап әдісі, тест жұмысы, топтық жұмыс. Көрнекіліктер: криптограммалар, кеспе қағаздар, интерактивті тақта.

І. Ұйымдастыру кезеңі: (5мин) 1-жүргізуші: Сәлеметсіздер ме, математикалық сайысқа қатысушы, аяулы ұстаздарымыз және мектеп оқушылары!

2-жүгізуші: Армысыздар, қадірлі қонақтар, құрметті көрермендер! 1-жүргізуші: Халқымызда жақсы бастама жалғасын тапса, сәтті болғаны деп жатады ғой. Ендеше бүгінгі көпшілік қатысып отырған, көңілді сайысымыз сіздердің көңіліңізден шығып, қуанышқа бөленсе, жарқын бастамаға ұйтқы болған біздер де қуанарымыз әбден анық.

2- жүргізуші: Құрметті көрермендер, сіздерге айтарымыз, көңіл- күйлеріңіз көтеріңкі, жүздеріңіз жарқын, мерейлеріңіз әрқашан үстем болсын!

1-жүргізуші: Көңілді тапқыштар, білгіштер. Бар өнерін алдарына салады. Кім білімді, көп оқыған болса егер. Бүгінгі жеңімпазы болады. 2-жүргізуші: Есептен сайысады қос команда. Алға озар ең мықтысы осы жолда. Көпшілік өнерлерін қызықтамақ. Сұрайық шығуларын жұрт алдында. Командалар ортаға біртіндеп шақырылады. Әділқазы алқалары таныстырылады. (мектеп әкімшілігі, математика пән мұғалімдері, жоғарғы сынып оқушылары).

1-жүргізуші: Тыңдаңыздар, тыңдаңыздар! Босқа қарап тұрмаңыздар! Тәрбиеден бастамақшы Тапқырлардың сайысы, -

деп бүгінгі сайысымызды ашық деп жариялаймыз!

Енді, сайысымыздың жоспарымен таныстырайық. Жоспары:

1. «Танысу» сайысы (командалардың бір-біріне сәлемі, әділ

қазылар алқасына сәлемі, ұраны, төс таңбасы). 2. «Сергіту» сайысы. 3. «Тапқырлар» сайысы. 4. «Жоқ сандарды тап» 5. «Интеллектуалды ойын».

Көрермендерге: «Арифметикалық жұмбақтар». 6. «Практикалық есеп» 7. «Криптограмма» 8. Капитандар сайысы. «Кім жылдам?»

1-жүргізуші: Талмай жырлап, сан ғасырлар дастанын, Кең даламнан естіледі асқақ үн. 2-жүргізуші: Талай талант, сенде шындалып, сенде өсті, Талай ғылым сенен алды бастауын.

Сол математика ғылымының жолын қуған, «--------------------», «-----------------» топтарынан, Жалынды Сәлем!

I-тур. «Танысу» сайысы». (5 мин) Әр команданың сәледемесі, ұраны. Ең жоғарғы ұпай – 5.

ІІ-тур. Сергіту сайысы. (10 мин) Әр команда дұрыс жауап берсе 1 ұпаймен бағаланады.

1. Отбасында 4 қыз және әр қыздың бір–бірден бауыры бар. Отбасында

барлығы неше бала? (5 бала). 2. Екі оқушы тоғызқұмалақ 4 сағат ойнайды. Әрқайсысы неше сағат

ойнайды?(4) 3. 5 жұмыртқа 4 минутта піседі, ал 10 жұмыртқа неше минутта піседі? 4. Қосарланып жегілген үш ат бір сағаттың ішінде 8 шақырым жол

жүрді. Осы уақыттың ішінде бір ат қанша жол жүрген? (8) 5. Үш түйеқұс ұшып келе жатты. Аңшы олардың бірін атып алды.

Олардың қаншасы қалды? (түйеқұс ұшпайды) 6. Ауылға бір кемпір келе жатты, оған қарсы екі кемпір шықты. Ауылға

барлығы қанша адам келе жатты? (1) 7. Егер торғайлар бұтаққа бір-бірден отырса, бір бұтақ жетпейді. Ал, екі-екіден отырса, бір бұтақ артылып қалады. Неше бұтақ, неше торғай бар? (3 бұтақ, 4 торғай).