Жыл басы Наурыз ойындар мен сценарийлер

Жыл басы -Наурыз! Мақсаты: Балаларға ұлыстың ұлы күні туралы мағлұмат беру; Балаларды елін , Отанын сүюге, ұлттық салт-дәстүрін дәріптеуге тәрбиелеу; бала бойына имандылық, инабаттылық, ізеттілік қасиеттерін қалыптастыру.

Залда әсем әуен ойнап тұрады.

Залға кіру (наурыз музыка)

Әжеге қонаққа келген балалар отырады

Тәрбиеші : Армысыз әже. Наурыз тойы құтты болсын! Ұлыстың ұлы күні сізге қонаққа келдік әже.

Әже: Қош келдіңіздер құлыншақтарым! Төрлеңдер. Ұлыс оң болсын! Наурыз туралы не білесіздер?

Тәрбиеші: Наурыз қазақтың жаңа жылы. Наурыз келгенде күн жылынып, өар еріп, жер көктейді. Жан-жануарлар жайлауға шығып, мал төлдейді. Бұл күні күн мен түн теңеледі. Ағаштар бүршік жарып, күн нұры аспаннан төгіледі. Бұл күні ата-әжелеріміз киіз үйлерін жайлауға тігіп, дайындық бастаған. Дастарханды жыл бойы мол болсын деген ырыммен тағамға әсіресе, ақ пен ұннан жасалатын тағамға толтырған. Бұл күні адамдар әдемі киініп, бір-бірімен көріскен. Ұлттық ойындар ойналған. Далама құстар келіп ән салып, қыстың ызғарынан кейін күн жылынып, тіршілік жаңғырған. Сондықтан біз Наурызды жыл басына теңейміз.

Наурызға тоқталу ...(слайд)

Тақпақтар

Келе жатыр жылымыз, Мейрамдаймыз мұны біз. Халқы сүйген мейрамды Қарсы алайық Наурызды!

Наурыз тойы-береке, Наурыз тойы-жыр аңыз. Қызып дулы мереке Қызық думан құрамыз. Қош келіпсің Наурыз! Арман тойы халықтың. Қуанышы халықтың, Құтты болсын қадамың! Ән салайық бәріміз! Дастарханды толтырған Елдің көңілін шалқытқан. Бас иеміз- Наурыз!

Ұлыстың ұлы күні салт-дәстүріміз бойынша, жаңа туған бала бесікке салынып, жүрейін деп жүрген кезінде тұсауын кескен.

Әже: Халқымыздың салт-дәстүрі бойынша мен сіздерге бесікке салу рәсімін көрсетейін.

Әже рәсімді орындайды.

Сонымен қатар мен балаларға тұсау кесу рәсімі қалай жасалатынын көрсеткім келіп тұр

2) Тұсау кесу (видео)

Ән

Ойын: Арқан тартыс

Ойынға ұлдар 3-3тен екі топқа бөлініп арқан тартады. Ортада белгіленген жерден өай топ шығып кетсе, сол топ жеңіліске ұшырайды.

Тәрбиеші: Әже, біз топқа қайтуымыз керек. Тағы да мерекеңіз құтты болсын. Бізге бата беріңіз.

Әже: Батамды балам береді!