Наурыз жыл басы тақырыбына ойындар мен сценарийлер

Сабақтың тақырыбы: Қош келдің, Наурыз!

Сабақтың мақсаты: а/Оқушыларға Наурыз-жыл басы, яғни дін мейрамы

емес, ұлт мейрамы екендігінің тарихи маңызын

түсіндіру. Ата-бабамыздан ұрпақтан-ұрпаққа беріліп

келе жатқан ұлттық тәрбие туралы түсінік беру. ә/ Өлең, мақал-мәтелдер, жаңылтпаштар, жұмбақтар

арқылы тілдік қорларын жетілдіру. Өз ұлтына деген

сүйіспеншілігін арттыру, ойлау қабілеттерін дамыту. б/ Ата-ана, оқушы, ұстаз, жұртшылық өкілдерін

ынтымақтандыру. Қазақ халқының салт-дәстүрін,

тілін, дінін, әдет-ғұрпын сақтауға, қастерлеуге

тәрбиелеу.

в/ Халқымыздың ұлттық мәдениетін дамыту, баланы

табиғатпен үндестікте, еңбек сүйгіштікке құрметтеуге

тәрбиелеу.

Сабақтың түрі: аралас сабақ

Сабақтың әдісі: сұрақ – жауап, түсіндіру, әңгімелеу,шығармашылық жұмыс

Сабақтың көрнекілігі: суреттер, слайдтар, интерактивті тақта т.б.

Сабақтың барысы:

І. Ұйымдастыру кезеңі: Оқушылардың зейінін психологиялық

жаттығулар орындау арқылы сабаққа аудару. Балалар, терезеге қараңдаршы! Далада күн сәулесі

жарқырап тұр. Бізге сәулесін шашып тұр. Сәуле

сендердің тұла бойларыңа тарап, жандарыңды

жадыратып тұр. Көңіл – күйлерің көтеріледі. Қане,

бір – бірлеріңе жымиыңдар. Рахмет! Ендеше

сабағымызды бастаймыз. ІІ. Үй тапсырмасын сұрау: Үйге қандай тапсырма берілді. (Сәкен

Сейфуллиннің «Наурыз» өлеңін жаттап келу). «Наурыз» өлеңін бірнеше оқушыдан сұрау.

ІІІ. Өткенді пысықтау. Бұл бастағанымыз қандай тарау?

(Туған жердің табиғатын аяла!) Бұның алдындай қандай тарауды аяқтадық?

( Ел іші – алтын бесік) Өткен тараудан қандай жақсы нәрселерді үйрендік?

(Оқушылар ойын айтады).

ІV. Қызығушылығын ояту. 1. Қазір қай мезгіл? (Көктемнің алғашқы айы) 2. Қыс мезгілінен кейін қандай мезгіл келеді? (Көктем) 3. Көктем мезгілі несімен ерекшеленеді? (Ауа райымен, табиғатымен, мерекелермен) 4. Көктем айларын ата? (Наурыз, сәуір, мамыр) 5. Науырыз айында қандай мерекелер бар? (8 наурыз, 22 наурыз)

V . Жаңа сабақты меңгерту: «Қош келдің, Наурыз!» Міржақып Дулатұлы.Мағынаны ашу: (Тақырыпты түсініп оқу,мазмұнын талдау, кітаппен жұмыс).

Сөздік жұмысын жасау: Құт – жақсылық.

Отарба – пойыз.Сергіту сәті: Күн жарығын алақанға саламын, Жүрегіме басып ұстай қаламын. Ізгі әрі нәзік, әрі жарық, мейірімді, Болып кетер сонда жан – жағым.