Жылулық сыйла тақырыбындағы тренинг сценарийі, 7-сынып

Өтілетін уақыты: 25.01.2023 жыл

Тақырыбы: Жылулық сыйла

Қатысушылар: үйден оқитын оқушылар, көп балалы отбасынан шыққан оқушылар

Мақсаты:

- Адамдардың бір-біріне деген мейірім шапағатының мән-мағынасын түсіндіру;

- Жанында жүрген адамдарға деген сүйіспеншілікті дамыту;

- Жанында жүрген достарына, адамдарға мейірімді, адал болуға тәрбиелеу.

Көрнекілігі: бұлт, күн, тамшы, гуашь, моншақ, жіп, ақ қағаз

Барысы:

Мұғалім: Қайырлы күн , балалар,ұстаздар мен сендерді көргеніме қуаныштымын! Бүгінгі шарамызға қош келдіңіздер! Ең алдымен шеңбер құрып бәріміз ортаға шығайық. Ең алдымен тренинг ережесімен танысып алайық.

Тренинг ережесі:

1. Белсенділікті арттыру.

2. Бірлесіп жұмыс істеу.

3. Бір-біріне кедергі келтірмеу.

4. Өз ойын ашық айта білуге үйрену.

5. Өзіне пайдалы нәрсені алу.

6. Достармен жақсы қарым-қатынас орнату.

7. Өзін еркін ұстауға үйрету.

8. Ұялы телефонды өшіріп қою

І Танысу тренингі

Жылулық шеңбері: «Күн» ойыны.Мақсаты: оқушыларды өзін таныстыруға, дұрыс сәлемдесуге, басқаларды тыңдай білуге үйрету.Жүргізілу барысы: Менің қолымда күн тұр. Ол қазір айнала барлығымыздың қолымызға өтеді. Кімде - кімнің қолына, күн түссе, сол өз атын атап, бір сын есім айтады.

«Мейірімділік» туралы видеоролик көрсетіледі. Оқушылардың ойлары тыңдалды.

«Жан жылуы» ойынын ойнаймыз, қимыл қозғалыс арқылы көрсету Мен сенен жылу аламын

Жүрегіме саламын Досыма сыйлаймын

Сәттілік тілеймін.

«Нұрлы жүрек» жаттығуы:

«Сұхбаттасу жолы».

Олай болса назарларыңызды экранға аударайық. Мінекей, сіздерге бірнеше сұрақтар беріліп тұр.

1. Сіздің арманыңыз қандай?

2. Сіздің қызығушылығыңыз қандай?

3. Сіз қандай адамды ұнатпайсыз?

4. Ең сүйікті мейрамыңыз қандай?

5. Сүйікті тағамыңыз ?

6. Бос уақытыңызда немен айналысасыз?

7. Жақсы қасиеттерге не жатады?

8. Оқушы бойынан қандай қасиет көргіңіз келеді?

9. Сзге ұнамайтын пәндер барма?

10. Сіздің қолыңызда “Сиқырлы таяқша” болса не істер едіңіз?

«Моншақ» жаттығуы

Енді алған моншақтың санына қарай өз есіміңізді атай отырып, жақсы қасиеттеріңізді атаңыз.

Мына ине-жіпке жақсы қасиеттеріңізді тізіп көрейік. Әр топ өздеріне моншақ жасайды.

Сергіту сәті. «Фонтан» жаттығуы

«Өзім бақытты болсам» -1рет қол соғу

«Өзге бақытты болсын»-2рет қол соғу

«Әлем бақытты болсын»-3рет қол соғу