Жылы және суық түстермен жұмыс істеуге арналған сурет материалы

Тақырыбы: Жылы және суық түстер қоспасы. Жылы және суық түсті бояумен жұмыс.

Сабақтың мақсаты: 1) оқушыларға түстер жайлы түсіндік беру; жазықтық бетінде жұмыс жасағанда түстерді бір-бірімен үйлесімділігін таба білуге үйрету; 2) балалардың ойын, қиялын және зейінін дамыту; 3) балаларды ұқыптылық пен еңбекке тәрбиелеу.

Сабақтың көрнекілігі: жылы және суық түстер кестесі, тақырыпққа қатысты суреттер

Сабақтың әдістері: қызығушылығын ояту, өлең, тірек-сызба, проблемалық сұрақ, суретпен жұмыс, ойын, тест.

Сабақтың түрі: дамыта оқыту

САБАҚТЫҢ БАРЫСЫ:

І. КІРІКТІРІЛГЕН БӨЛІМ

Бағдарлау – мотивациялық кезең

Қызығушылығын ояту.

Жеті түсті қарындаш

Тату-тәтті қарындас.

Күні бойы болдырып,

Ұзақ-ұзақ жол жүріп,

Көлге бірге барыпты,

Қол ұстасып алыпты.

Күн еді бір жауынды,

Артқа тастап ауылды,

Екеуінің жолымен

Мен де жүріп көріп ем,

Байқадым бір қызықты,

Кемпірқосақ сызыпты.

Б. Серікбаев

— Балалар, бүгін бізге қонаққа негізгі үш сиқырлы түстер келді. Олар: қызыл, сары,көк түстер. Олардың сиқыры мынада: осы түстерді қосу арқылы неше түрлі түстер пайда болады, бірақ өздері түстерді араластырғанда алынбайды.

Неліктен түстерді жылы және суық түстер деп ажыратады? Қалай ойлайсындар, қандай түстер жылы және суық деп аталады?

Кейбір түстер жылы және суық сезімді білдіретінін балаларға түсіндіру. Жылы түстер көңілді және мейрамды боп көрінеді, суық түстерге қарағанда. Олар қызыл, сары, сарғылт және т.б. түстер құрамында осы түстер болса.

Жасыл түс — өзгеше түс. Өйткені, екі түстен : жылы — сары, суық — көк түстен тұрады.

Сергіту сәті:

Балалар көздерін жұмып өздерін көбелектер ретінде елестетеді.

Мысалы: қызыл көбелек жасыл жапыраққа қонады, көк көбелек — сарғылт гүлге. Әнгімелеу.

Дидактикалық ойын: «Жылы-суық»

Педагог балаларға түстерді көрсетеді. Балалар жылы немесе суық тобына түстерді жататынын айту керек. Содан соң айналадағы түстерді ажыратуға болады.

Суретпен жұмыс:

Неше жылы және суық түстер бейнеленген?

ІІ . САРАЛАНҒАН БӨЛІМ

Операциялық – орындаушылық кезең.

3 — сынып

Қағаз бетіне негізгі түстерді үлкен дақтарымен толтырынады:қызыл, сары,көк.Содан кейін осы дақтарға тағыда басқа негізгі түсті дақ түсіру.Балалар суретінде барлық алты түс болуға тиісті.