Жыр және опера тақырыбына ашық сабақ 4 сынып

Сабақтың тақырыбы: Жыр және опера

Сабақтың мақсаты:

1.Білімділігі:Кәсіби музыка туралы түсінігін кеңейту,опера өнерімен таныстыру.

2.Тәрбиелік мәні: Классикалық музыканы тыңдап ,түсіне білуге тәрбиелеу.

3.Дамытушылық: Музыканы тыңдау есту,есте сақтау қабілетін дамыту.

Көрнекілік: Суреттер,техникалық құралдар, интербелсенді тақта, слайд,схемалар,кестелер.

Сабақтың жүрісі:

1.Ұйымдастыру:оқушыларды түгендеу,құрал-жабдықтарын тексеру.

ІІ.Дауысқа жаттығу: Квинта баспалдағы.Октава.

ІІІ.Өткен сабақты қайталау: «Жорға жарыс»

«Айгөлек» тобына сұрақтар:

1.Хор поэмасы деген не?

2. «Ақсақ құлан» хор поэмасының композиторы.

3. «Ақбай» күйінің композиторы.

4.Ән сұрақ. «Айгөлек» әнін орындау.

5. Музыкалық сұрақ. (Симфониялық оркестр орындауында музыка тыңдап, айыру)

«Елім-ай» тобына сұрақтар:

1.Хор музыкасы деген не?

2. «Ақсақ құлан» симфониялық поэмасының композиторы.

3. «Ақбай»күйін хорға лайықтап жазған композитор.

4.Суретті сұрақ.

5. «Балдырған жырын» орындау.

6.Музыкалық сұрақ. (Халық аспаптар оркестрінің орындауында музыка тыңдап,айыру)

ІҮ.Жаңа сабақ. (Жаңа сабақ тақырыбын ашу үшін сөзжұмбақ шешу).

Сөзжұмбақ «Жыр және опера»

1.Қапан Мусиннің симфониялық поэмасы? (Жайлауда)

2.Сыдық Мұхамеджановтың ораториясы (Ғасырлар үні)

3.Әйелдің жіңішке ,биік дауысы. (сопрано)

4.Дыбыс саздары әртүрлі аспаптардың қосылып музыкалық шығарма орындауы. (Оркестр)

5.Симфониялық оркестр құрамындағы төрт ішекті аспап. (скрипка)

6.Ерлердің биік дауысы. (тенор)

7. Әуенді хорға немесе басқа аспаптардың орындауына ыңғайлап өңдеу. (Аранжировка)

8. Ерлердің жуан ,төмен дауысы. (Бас)

Сұрақ: Балалар ,сендер қандай жырды білесіңдер? (Алпамыс батыр жыры)

1.Қазақ халқы ән мен жырға бай халық. Қазақта батырлар жырымен қатар сүйіспеншілік тақырыбына құрылған «Қыз-Жібек» , «Қозы Көрпеш-Баян сұлу»,сияқты лиро-эпотық жырлар көп кездеседі. Соның ішінде бүгін «Қыз –Жібек» жырына тоқталамыз.

Композитор Е.Г.Брусиловский «Қыз-Жібек» жырын негізге ала отырып,опера жазған. Оның либреттосын атақты жазушы,қазақтың белгілі драматургі Ғ.Мүсірепов жазған.

Е.Г.Брусиловскийдің өмірін қысқаша әңгімелеу. ( 1905-1981)

Дондағы Ростов қаласында дүниеге келген .Санкт –Петербург консерваториясын бітірген.1933 жылы алматыға келген. Қазақ халық әндерін фортепианоға өңдеп жазған. Опералары: «Қыз-Жібек» , «Айман-Шолпан», « Ер-Тарғын», «Жалбыр» , «Дудар-ай».

Ән-хорлары: « Қазақстан», «Шолпан», «Қос қарлығаш»

2.«Қыз-Жібек» операсының қысқаша мазмұнын айтып өту .

Музыкалық сауат- операға қатысты сөздерді түсіндіремін.

1.Опера -сахнада қойылу үшін жазылған көлемді музыкалық шығарма.

2.Либретто-опера,балет және ораторияның әдеби –поэтикалық мәтіні.