№ 2 БЖБ, қазақ тілі, 5 сынып 2 тоқсан

2-ТОҚСАН БОЙЫНША ЖИЫНТЫҚ БАҒАЛАУҒА АРНАЛҒАН ТАПСЫРМАЛАР 5-сынып № 2 БЖБ

«Менің бос уақытым және хобби» бөлімі бойынша жиынтық бағалау

Білім алушы__________________________________________________________________________________

Оқу мақсаты:

5.2.2.1 лексиканың ауызекі сөйлеу және жазба стильдік айырмашылықтарын мәтіндер арқылы тану;

5.4.4.1 жұрнақ арқылы жасалған туынды сөздерді және күрделі сөздерді ауызша және жазбаша тілдесім барысында

қолдану.

Бағалау критерийі Білім алушы

Мәтіндегі ауызекі сөйлеу және жазба стиліне тән белгілерді анықтайды;

Негізгі және туынды сөздерді анықтайды

Ойлау дағдыларының деңгейі. Білу және түсіну, қолдану

Орындау уақыты 15-20 минут

1-тапсырма. Берілген мәтіндерді мұқият оқыңыз. Төмендегі кестеге сәйкес салыстырыңыз.

1-мәтін

– Сәлеметсіз бе, әже?

– Аманбысыңдар , қарақтарым!

– Әже, Айман үйде мекен?

– Немерем ертеңгі көркемөнерпаздар концертіне дайындалып жатыр.

– Со концертке мен де қатысам, әжетай, би билеймін!

– Ал мен оркестрде домбыра тартам.

– Ой, айналайындар, талаптарыңа нұр жаусын!

– Әже, Айманға қобызды кім үйретті?

– Оны музыка мектебіне барып үйренді ғой.

– Айман қобызды жақсы тартат, күйлерін ұйып тыңдаймыз.

– «Өнерді үйрен де жирен» деп атамыз қазақ тауып айтқан. Өнерлерің өрге жүзсін!

– Рахмет, әжетай!

2-мәтін

Хабарландыру!!!

Құрметті қала тұрғындары!

13-14 желтоқсан күндері облыстық тарихи-өлкетану мұражайының көрме залында Тәуелсіздік күніне орай «Менің елім!» атты сурет көрмесі өтеді. Көрмеге отандас талантты жас суретші, өнер шеберлерінің тырнақалды туындылары қойылады. Республикалық деңгейдегі өтетін іс-шарада майлы бояулы суреттер, қолөнер туындылары, графикалар, фото туындыларды тамашалай аласыздар. Көрменің жұмыс уақыты: 9:00-18:00

Бағдарламада:

– Жас суретші, өнер шеберлерімен сұхбат;

– «Тәуелсіз Қазақстан» деректі фильмінің тұсаукесері;

– Көрмеде қойылған туындыларды тамашалау.

Облыстық тарихи-өлкетану мұражайының әкімшілігі

Мәтіндерді салыстыру

1 –мәтін

2- мәтін

Тақырыбы

Стилі

Тілдік ерекшелігі ( ауызекі сөйлеу стилі мен жазба стиліне тән сөз тіркестері)

2-тапсырма. Мәтіннен түбір және туынды сөздерді анықтаңдар.

Бiз қалада тұрамыз. Бiздiң қаламыз сәндi де сәулеттi. Қаланың үйлерi биiк, көшелерi кең. Көшелер жасыл желекке бөленген. Қаланың көп қабатты зәулім үйлері ерекше сән беріп тұр. Қаламыз өте таза. Қала тұрғындары тазалық сақтайды.

Мектептiң қасында қаладағы ең үлкен кiтапхана бар. Ол кітапханаға оқушылар үздіксіз келіп, білім алады.

Мен өз қаламды жақсы көремiн. Қаланың тұрғындары өте қонақжай.

Түбір сөздер

Туынды сөздер

Бағалау критерийі

Дескриптор

Балл

Сұрақтарға жауап беру арқылы көтерілген

мәселені анықтайды

әр мәтіннің тақырыбын анықтайды;

әр мәтіннің стилін салыстырады;

Мәтіндердің стиліне тән сөз тіркестерін теріп жазады.

Мәтіннен түбір сөздерді теріп жазады;

Мәтіннен туынды сөздерді теріп жазады;

Барлығы

Дұрыс жауаптар