1 сыныптағы Менің отбасым сабағы

Оқу ісінің меңгерушісі:

Күні:

Сынып: 1А

Қатысқандар саны:

Қатыспағандар саны:

Сабақтың тақырыбы

Менің отбасым. Қ дыбысы мен әрпі.

Осы сабақта қол жеткізілетін оқу мақсаттары (оқу бағдарламасына сілтеме)

1.1.1.1 тыңдау барысында тілдік бірліктерді (сөйлеу, сөз, сөйлем, мәтін) ажырату, тыңдалған мәтіннің мазмұнын түсіну

1.1.2.1 мұғалімнің көмегімен мәтінде кім (не) туралы айтылғанын анықтау

Сабақтың мақсаттары

Барлығы:Жаңа білімді меңгереді.

Көбі:Тақырыпты түсініп, тыңдап, жетекші сұрақтар арқылы талқылайды.

Кейбірі: Алған білімді өмірде қолдана алады.

Бағалау критерийлері

Айтылған сөздер мен сөйлемдердің көпшілігін дұрыс қайталай алады.

Нақты сөйлеу арқылы, мәселені түсінгенін көрсете алады.

Құндылықтарды дарыту

Оқушыларды бір-біріне деген құрмет көрсетуіне тәрбиелеу.

Пәнаралық байланыс

Өнер, ана тілі сабағы

АКТ қолдану дағдылары

Аудиожазба , таныстырылым.

Тілдік құзыреттілік

Қ дыбысы

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы-5минут

Ұйымдастыру кезеңі.

Аяқта екеу, қолда екеу

Көз жанары ол да екеу

Екеу қаста,құлақта

Жүрек жалғыз бірақта.

Өлең шумақтары не туралы? Адамның дене мүшелері.Біз жаратылыстану сабағынан қазір «Адамның дене мүшелерін» өтіп жатырмыз.

Аяқ 2 бас 1 осы сандарға өрнек құрастырыңдаршы?

Ал енді қосылғыштардың орындарын ауыстырайық?

Не байқадыңдар?

Қосылғыштардың орындарын ауыстырғанмен қосындының мәні өзгермейді. (математика сабағымен байланыстыру)

Шаттық шеңбері

Сабақтың ортасы

10 минут

10мин

7мин

5мин

Жаңа сабақтың тақырыбы мен мақсатын хабарлау.

Мұғалімнің іс-әрекеті:

-Балалар ертегі тыңдағыларың келе ме?

Кел,тыңдайық ертегі,

Ертегі сыр шертеді.

Талай ғажап оқиға

Естіген жан елтеді.

-Ерте,ерте ертеде ну орманда көптеген ағаштар өсіп,құстар сайрап,аңдар тіршілік етіпті.Түн болып,орман да,ормандағы аңдар да тіршілік біткеннің барлығы мүлгіп ұйқыға кетіпті.Тым-тырыс.Сәлден соң тау арасынан күн де сығалады.Қалың ағаш үстінен шыққан бір құстың үні орманды жап-жақсы жаңғыртып жібереді.

-Ол қандай құс? -Тоқылдақ

-Тоқылдақты,орман емшісі дейді. Себебі ол ағаштағы құрт-құмырсқаларды жеп емдейді екен. Сонымен,тоқылдақ «Ерте тұрып,еңбек етсін» деген оймен теректің басына қонып айғай салады.

Тоқылдақ: тоқ-тоқ-тоқ

Күн шықты енді ұйқы жоқ ,-деп теректің қабығын қаққылап жатады.Тоқылдақтың айғайына ызаланып,ұйқысы қанбаған аңдар ояна бастайды. Кейбір аңдар тоқылдақтың айғайын елемей,ұйықтап жата береді.

-Ол қандай аңдар екен? Ал енді мына жұмбағымды шешіп көріңдер?

Қалқиған екі құлағы,

Елеңдеп қорқып тұрады.

(Қоян)

Қыс бойына жатады,

Тәтті ұйқыға батады.

(Қонжық)

Аузы бейне шалғы,орақ,

Шөп емес,бірақ мал орады.

(Қасқыр)