10 сынып Т2 , қазақ тіл/ әдебиеті, БЖБ

ЖАМБЫЛ ОБЛЫСЫ ӘКІМДІГІНІҢ БІЛІМ БАСҚАРМАСЫНЫҢ

ОҚУ-ӘДІСТЕМЕЛІК КАБИНЕТІ

10-сынып

Қазақ тілі мен әдебиеті

(оқыту қазақ тілінде емес)

Жиынтық бағалау тапсырмаларының жинағы

Тараз – 2020

Баспаға Жамбыл облысы әкімдігінің білім басқармасының оқу-әдістемелік кабинетінің Әдістемелік кеңесінің шешімімен ұсынылған (хаттама №5 «24» желтоқсан 2019 жыл).

Пікір жазғандар:

К.М.Қарымбаева – М.Х.Дулати атындағы Тараз мемлекеттік университетінің «Филология және журналистика» кафедрасының меңгерушісі, ф.ғ.к., доцент. Л.Т.Мақұлова – Тараз мемлекеттік педагогикалық университетінің «Қазақ тілі мен әдебиеті» кафедрасының доценті, ф.ғ.к., деңгейлік курстарды оқыту тренері.

Редакция алқасы:

Ш.А.Усерова – Жамбыл облысы білім басқармасы оқу-әдістемелік кабинетінің басшысы, төрайым; Б.Х.Тажибаев – облыстық оқу-әдістемелік кабинеті басшысының орынбасары; А.К.Абашова – Тараз қаласы №25 орта мектебінің қазақ тілі мен әдебиеті пәнінің мұғалімі, «Назарбаев Зияткерлік мектептері» ДББҰ Педагогикалық шеберлік орталығының штаттан тыс тренері, сарапшы; А.А.Нұрмолдаева – облыстық оқу-әдістемелік кабинетінің әдіскері, хатшы, редактор.

А.Ш.Аманбаева, Н.М.Бектыгулова «Жиынтық бағалау тапсырмаларының жинағы» 10-сынып, Қазақ тілі мен әдебиеті пәні – Тараз, 2020. – 139 б.

Ұсынылып отырған жинақ білім беру ұйымдарының 10-сыныптарында қазақ тілі мен әдебиеті пәнінен жиынтық бағалауды ұйымдастыруға арналып, үлгі ретінде беріліп отыр. Бөлім және тоқсан бойынша жиынтық бағалау үлгілерін өткізуде мұғалімге қажетті кеңес-ұсыныстар мен нұсқаулар берілген.

Жинақ жалпы орта білім беретін мектеп мұғалімдеріне, мектеп әкімшілігіне, білім беру бөлімінің әдіскерлеріне, критериалды бағалау бойынша мектеп, өңірлік үйлестірушілеріне арналған.

© Жамбыл облысы әкімдігі білім

басқармасының оқу-әдістемелік кабинеті

Тараз қ. 2020

МАЗМҰНЫ

Кіріспе ............................................................................................................................. 3

1-тоқсан бойынша жиынтық бағалауға арналған тапсырмалар .................................4

«Еңбек нарығы және сұраныс». Балғабек Қыдырбекұлы «Теміржолшы» бөлімдері бойынша жиынтық бағалау .......................................................................................... 5

«Отандық өнеркәсіп өнімі», «Қазақ киносы мен театрының қазіргі келбеті» .... 13

2-тоқсан бойынша жиынтық бағалауға арналған тапсырмалар......................................21

«Ұлттықэкологиялықмәдениет»,«Мұхиттіршілікмекені»бөлімдері бойынша жиынтық бағалау......................................................................................... 22

«Ұлттық таным және мерекелер» бөлімі бойынша жиынтық бағалау....................30

3-тоқсан бойынша жиынтық бағалауға арналған тапсырмалар............................... 38

«Сауда мен көмек: екі жақты келісімді сауда», «Бұқаралық ақпарат құралдарындағы гендерлік бейне» бөлімдері бойынша жиынтық бағалау............ 39

«Жер планетасындағы қауіпті қалдықтар», «Әлеуметтік теңсіздік: адам құқықтары және көмек»............................................................................................... 47

4-тоқсан бойынша жиынтық бағалауға арналған тапсырмалар............................... 55

«Жастардыңденсаулығы–қоғамбайлығы»,«Сандықтехнологияны пайдаланудағы теңсіздік» бөлімдері бойынша жиынтық бағалау.......................... 56

«Қоғам және заң» бөлімі бойынша жиынтық бағалау............................................. 67

Тоқсандық жиынтық бағалаудың мақсаты............................................................... 75

Ойлау дағдыларының деңгейі .................................................................................. 76

Жиынтық бағалауды өткізу ережесі......................................................................... 79

1-тоқсан бойынша жиынтық бағалауға арналған тапсырмалар .............................. 80

2-тоқсан бойынша жиынтық бағалауға арналған тапсырмалар .............................. 97

3-тоқсан бойынша жиынтық бағалауға арналған тапсырмалар ............................ 110

4-тоқсан бойынша жиынтық бағалауға арналған тапсырмалар............................. 123

Қорытынды ................................................................................................................. 138

Пайдаланылған әдебиеттер ....................................................................................... 139

КІРІСПЕ

Жиынтық бағалауға арналған әдістемелік жинақ мұғалімдерге, 10 - сынып оқушыларына «Қазақ тілі мен әдебиеті» пәні бойынша жиынтық бағалауды жүйелі жоспарлау, ұйымдастыру және өткізуге көмек ретінде «Қазақстан Республикасы Білім және ғылым министрінің 2018 жылғы 31 қазандағы № 604 бұйрығымен бекітілген «Жалпы орта білім берудің мемлекеттік жалпыға міндетті стандарты», «Қазақстан Республикасы Білім және ғылым министрінің 2013 жылғы 3 сәуірдегі № 115 бұйрығымен бекітілген «Жалпы орта білім берудің жалпы білім беретін пәндерінің үлгілік оқу бағдарламалары (2019 жылғы 7 наурыздағы № 105 бұйрықпен өзгерістер мен толықтырулар енгізілген)» және 2019-2020 оқу жылына арналған Қазақстан Республикасының орта білім беру ұйымдарында оқу-тәрбие процесін ұйымдастырудың ерекшеліктері туралы (2019 жылғы 15 маусымдағы №7 хаттамасы)» Ы. Алтынсарин атындағы Ұлттық білім академиясының Әдістемелік нұсқау хаты негізінде құрастырылды. Жиынтық бағалау тапсырмалары оқу бағдарламасындағы мақсаттармен және күтілетін нәтижелермен тікелей байланысты оқытудың ажырамас бөлігі болып табылады. Тапсырмалар түсінікті және ашық ақпаратты береді, білім беру процесінің барлық қатысушыларының қызығушылығы мен жауапкершіліг

Жиынтық бағалауға арналған тапсырмалар жинағы мұғалімге 10-сынып білім алушыларына «Қазақ тілі мен әдебиеті» пәні бойынша жиынтық бағалауды жоспарлау, ұйымдастыру және өткізуге көмек құралы ретінде дайындалған.

Бөлім/ортақ тақырып бойынша жиынтық бағалаудың тапсырмалары мұғалімге білім алушының тоқсан бойынша жоспарланған оқу мақсаттарына жету деңгейін анықтауға мүмкіндік береді.

Жиынтық бағалауға арналған тапсырмалар жинағында бөлім/ортақ тақырып бойынша жиынтық бағалауды өткізуге арналған бағалау критерийлері мен дескрипторлары бар тапсырмалар ұсынылған. Сондай-ақ жинақта білім алушылардың оқу жетістіктерінің мүмкін деңгейлері (рубрикалар) сипатталған. Дескрипторлары мен балдары бар тапсырмалар ұсыныстар түрінде берілген.

Жиынтық бағалауға арналған тапсырмалар жинағы негізгі мектеп мұғалімдеріне, әдіскерлерге, критериалды бағалау бойынша өңірлік және мектеп үйлестірушілеріне арналған.

Жиынтық бағалауға арналған тапсырмаларды дайындау барысында ресурстар (суреттер, мәтіндер, бейне және аудио материалдар, т.б.) қолжетімді ресми интернет-сайттардан алынды. Жинақ коммерциялық емес мақсатта құрастырылған.

1-ТОҚСАН БОЙЫНША ЖИЫНТЫҚ БАҒАЛАУҒА АРНАЛҒАН ТАПСЫРМАЛАР

«Еңбек нарығы және сұраныс». Балғабек Қыдырбекұлы «Теміржолшы» бөлімдері бойынша жиынтық бағалау

І нұсқа

Оқу мақсаты

10.1.3.1 оқу-кәсіби, қоғамдық-саяси, әлеуметтік-мәдени тақырыптараясында қолданылған сөздер мен термин сөздердің мағынасын түсіну;

10.2.2.1 ғылыми-көпшілік және публицистикалық мәтіндерге сүйеніп, монолог және диалог құрау, сөз әдебі мен сөйлеу этикеті формаларын орынды қолданып, тыңдаушыға әсер ету.

Бағалау критерийі

Білім алушы

Тақырыпқа сәйкес сөздер мен терминдердің мағынасын ажыратады;

Мәтін бойынша монолог, диалог құрауда сөз әдебі мен сөйлеу этикетін қолданады.

Ойлау дағдыларының Қолдану

деңгейі

Орындау уақыты 25 минут

Тапсырма

Аудиомәтінді екі рет тыңдап, төмендегі тапсырмаларды орындаңыз.

Жол бітіп поезд келерде, Әліш Үмбеталовты жол мастері Тарасов шақырып алды да:

Сен поезд өткенше көпірдің астына жатасың, - деді.

Менің де поезды көргім келеді, Дмитрий Степанович, - деді ол.

- Сен поезды көрмек түгіл, мәңгі сонымен бірге боласың, алғашқы поезд өткенше осында қаласың, - деді Тарасов. Сөйтіп, бірінші рет поезд өтетін көпірдің астында Әліш жалғыз қалды. Әдетте бұл кезде жұмыстағы ең озат адам поезд алғаш өткенде көпірдің астында қалу құрметіне ие болады екен. Ол кез келген адамға ұсыныла бермесе керек.

Поезд гүрсілдеп өте шыққан соң, Әліш орнынан тұра келіп жол үстіне қарап еді, түтіні будақтап паровоз жүйткіп барады екен. Бұрын поезд көрмеген түйелі, атты қазақтар паровоздың артынан таң қалысып қарап тұр, енді біразы жарысып шауып барады. Әліш ел қуанышының куәсі болды.

Түрксіб темір жолы Айнабұлақта түйісіп, жұмыс біткен күні Әліш Үмбеталов Айнабұлаққа шақырылды. Поездан түсе қалған жерде Әлішті бұрынғы өзінің жолдастары Тарасов пен Колесников қарсы алды. Олар Әлішті жол бастығына алып кірді.

- Үмбеталов деген озат жұмысшы осы, сіздің шақыруыңызбен келді, жол бастығы жолдас, - деді Тарасов.

Жол бастығы орта жастағы байсалды адам екен. Әлішпен көп әңгімелесті.

- Сізді Ауыр өндіріс Халық Комиссариатының грамотасымен құттықтаймын, - деді ол Әлішке. Бұған қоса көп заттай сыйлық тапсырды.

(198 сөз)

https://bilim-all.kz/article/7680

Сөйлемдерді қажетті сөздер мен сөз тіркестерімен толықтырыңыз.

А) Сен поезды көрмек түгіл, _______________сонымен бірге боласың, алғашқы поезд өткенше осында қаласың.

В) Поездан түсе қалған жерде Әлішті бұрынғы өзінің жолдастары _____________ қарсы алды.

С) Сізді Ауыр өндіріс ______________ грамотасымен құттықтаймын.

Ақпараттарды сәйкестендіріңіз.

Ақпарат

Сәйкестендіру

1. Сөйтіп, бірінші рет поезд өтетін көпірдің астында.

А) поезд алғаш өткенде көпірдің астында қалу құрметіне ие болады екен.

2. Әдетте бұл кезде жұмыстағы ең озат адам.

В) паровоздың артынан таңқалысып қарап тұр, енді біразы жарысып шауып барады.

3. Бұрын поезд көрмеген түйелі, атты қазақтар.

С) Әліш жалғыз қалды

Мәтінді оқып, ондағы ақпараттар мен мәселелер, автор көзқарасына қатысты жұбыңызға 3 сұрақ қойыңыз. Сұрақ құрастыруда және жұбыңыздың сұрағына жауап беруде сөз әдебі мен сөйлеу этикетінің формаларын қолданыңыз.

ТМД елдеріндегі сұранысқа ие мамандықтар

ТМД елдеріндегідей әлемдік нарықта да сұранысқа ие мамандықтардың біріншілігін IT мамандары алып тұр. Компьютерлі технологиялардың әлемі қарқынды дамып келеді. Ұсыныстар мен айлықтың көптігі IT мамандарды жұмысқа көптеп тартады. Зерттеуші мамандар IT технологияға бағытталған мамандық кем дегенде 10 жыл сұраныста ие болады. IT мамандықтарының арасынан бірінші орынды иемденген веб-өңдеу. Дәлірек айтқанда, сапалы интернет-сайттармен және қосымшалармен жұмыс.

ТМД-ның ірі қалаларында веб-өңдеушілер 500-600 мың доллар, тәжірибелері барлар 1000 доллардан жоғары жалақы алады. Ең көп алатын NET және Java бағдарламаушылар. Алғашқысы Ресей мен Украинада танымал болса, екіншісі ТМД-ның өзге елдерінде бегілі. Сонымен қатар алғашқы үштікте Mobile және C++ - программистері бар. Аталмыш мамандықта еңбекақы 500-3500 доллар көлемінде болады. IT мамандықтың артықшылығы әлемнің кез келген нүктесінде фриланста жұмыс істеуге болатыны.

IT мамандарымен қоса биотехнология, биомедицина, нанотехнология салаларында жұмыс істейтін қызметкерлер де сұранысқа ие.

Эколог мамандығы да аса танымал. Сонымен қоса дәрігерлер: анестезиологтар, психиатрлар, хирургтар сұранысқа ие. Энергетиктер мен химиктер де аталған мамандықтардан қалыспайды. Ал гуманитарлы бағыттағы мамандықтардан журналистер мен жарнама жасаушылар аса танымалдылыққа ие.

Айта кететін жайт бүгінде туризм саласындағы мамандар да жұмыссыз қалмайды. Себебі бүгінгі халық үшін шетелде демалу қалыпты жағдай.

(177 сөз)

https://7kun.kz/aza-standa-y-s-ranys-a-ie-mamandar/

Бағалау критерийі

Тапсырма

Дескриптор

Балл

Білім алушы

Тақырыпқа сәйкес сөздер мен терминдердің мағынасын ажыратады.

Мағынасына қарай қажетті сөздерді қояды.

Ақпараттарды өзара сәйкестендіреді.

Мәтін бойынша монолог, диалог құрауда сөз әдебі мен сөйлеу этикетін қолданады.

Сұрақ қоюда сөйлеу этикеті формаларын қолданады.

Жауап беруде сөйлеу этикетінің формаларын қолданады.

Барлық балл

«Еңбек нарығы және сұраныс» ортақ тақырыбы бойынша жиынтық бағалаудың нәтижесіне қатысты

ата-аналарға ақпарат ұсынуға арналған рубрика

Білім алушының аты-жөні _______________________________________________________________________________________________

Бағалау критерийі

Төмен

Орта

Жоғары

Тақырыпқа сәйкес сөздер мен терминдердің мағынасын ажыратады.

Мағынасына қарай қажетті сөздерді толықтыруда қиналады.

Мағынасына қарай қажетті сөздерді толықтыруда қателеседі.

Мағынасына қарай қажетті сөздерді толықтырады.

Мәтін бойынша монолог, диалог құрауда сөз әдебі мен сөйлеу этикетін қолданады.

Сұрақтар құрастыруда, жауап беруде мәтіндегі ақпараттарды өз пікірімен жүйелі байланыстыруда, сөйлеу этикеті формаларын қолдануда қиналады.

Сұрақтар құрастыруда, жауап беруде мәтіндегі ақпараттарды өз пікірімен жүйелі байланыстыруда, сөйлеу этикеті формаларын қолдануда қателеседі

Сұрақтар құрастыруда, жауап беруде мәтіндегі ақпараттарды өз пікірімен жүйелі байланыстыруда, сөйлеу этикеті формаларын қолданады.

«Еңбек нарығы және сұраныс». Балғабек Қыдырбекұлы «Теміржолшы» бөлімдері бойынша жиынтық бағалау

ІІ нұсқа

Оқу мақсаты

10.1.3.1 оқу-кәсіби, қоғамдық-саяси, әлеуметтік-мәдени тақырыптараясында қолданылған сөздер мен термин сөздердің мағынасын түсіну;

10.2.2.1 ғылыми-көпшілік және публицистикалық мәтіндерге сүйеніп, монолог және диалог құрау, сөз әдебі мен сөйлеу этикеті формаларын орынды қолданып, тыңдаушыға әсер ету.

Бағалау критерийі

Білім алушы

Тақырыпқа сәйкес сөздер мен терминдердің мағынасын ажыратады;

Мәтін бойынша монолог, диалог құрауда сөз әдебі мен сөйлеу этикетін қолданады.

Ойлау дағдыларының

деңгейі

Қолдану

Орындау уақыты

25 минут

Тапсырма

Аудиомәтінді екі рет тыңдап, төмендегі тапсырмаларды орындаңыз.

«Шойыннан жол салынғалы жатыр, ол жолдың көрінісі домбыраның екі ішегі сияқты болады екен, онымен поезд деген отпен жүретін арба келеді екен» деген қауесет Балқаштың бергі жағасына жуық…