11 сыныпта графикалық сызуда деңгейлеп оқыту

Деңгейлеп саралау оқыту технологиясын графикалық сызуда қолдану

Сеитова Куралай Толеубаевна

Астана қаласы әкімдігінің «Жоғары көлік және коммуникация колледжі»

Сызу пәні оқытушысы

Деңгейлеп оқыту – оқылатын ақпараттың азаюы арқылы емес, оқушыларға қойылатын талаптардың әртүрлілігі арқылы жүзеге асырылады. Деңгейлеп оқыту технологиясының мақсаты – әрбір оқушы өзінің даму деңгейінің оқу материалын меңгеруін қамтамасыз ету.

Деңгейлеп саралап оқыту технологиясы 1998 оқу жылынан бастап мектептің барлық сатысына, барлық пәндерге еніп, оқу үрдісін жандандыруға үлкен үлес қосып келеді.

Профессор Ж.Қараевтың деңгейлеп-саралап оқыту технологиясы жаңаша өзгерген мақсатпен оқушылардың өздігінен танып, іздену іс-әрекеттерін меңгертуді талап етеді.

Бұл технологияда бірінші орында студент тұрады және өз бетімен білім алудағы белсенділігіне аса назар аударылды.

Деңгейлеп-саралап оқыту технологиясы:

студентің өз қабілетіне, болашағына сенуіне;

студентті ынталандыруға;

студент мен оқытушының ынтымақтастық қарым-қатынас достығына;

студенттің өз білімін өзі бағалай білуіне;

баға әділдігіне;

білім көрсетудің әділ сайысына мүмкіндік береді.

Деңгейлік практикалық тапсырмаларды енгізілудегі басты мақсат: заман талабына сай, білікті, дүниетанымы кең, шығармашылық және ойлау қабілеті дамыған жеке тұлғаны қалыптастыру.

Міндет:

болашақ кәсіби маман иесінің қабілеті мен талантын ашу;

шығармашылық, кеңістіктік ойлау қабілетін жетілдіру;

өз алдына мақсат қою арқылы, оны әдіс-амалдарды қолдана отырып, жүзеге асыра білу:

студенттердің өз практикалық жұмыстарының, және топтастарының жұмыстарының нәтижесін бағалай білуі.

Деңгейлеп оқытудың ерекшеліктері:

Деңгейлеп оқыту әр оқытушыға өз мүмкіндіктерін барынша пайдалана отырып білім алуына жағдай жасап, мүмкіндік береді.

Деңгейлеп оқыту әртүрлі категориядағы балаларға бірдей зейін аударып, олармен жұмыс істеуге мүмкіндік береді.

Деңгейлеп-саралап оқыту құрылымында білімді игерудің үш деңгейі қарастырылады, ең төменгі деңгей (минималды базалық), бағдарламалық, күрделенген деңгей. Базалық деңгей -мемлекеттік стандарт бойынша анықталған ең төмен шек. Сондықтан оны әрбір оқушы меңгеруі тиіс. Бұл деңгей оқушыға өзінің қызығушылығы мен қабілетін ескере отырып, уақыты мен күшін дұрыс пайдалануына мүмкіндік береді.

Студенттің жеке тәжірибесіне негізделген деңгейлеп саралап оқыту технологиясы тиімді де нәтижелі болуы үшін:

Жеке тұлға ерекшеліктеріне;

Психологиялық даму ерекшеліктеріне;

Пән бойынша білімді игеру деңгейіне көңіл бөлу өте маңызды.

Деңгейлеп оқыту игерілетін ақпараттың азаюы арқылы емес, студенттерге қойылатын талаптардың әр түрлілігімен жүзеге асырылады.

Әр тарау бойынша деңгейлік тапсырмалар дамыта оқыту идеясын жүзеге асыруға мүмкіндік береді, өйткені ол студенттің ойлауын, елестету мен есте сақтауын, белсенділігін, дағдысын, білім сапасын қамтамасыз етеді.

«Графика және жобалау» пән оқытушысы ретіндегі алдыға қойылған негізгі мақсат- сабақ барысында студенттердің рационалды кеңістіктік ойлауға, жауапкершілік сезімін қалыптастыру, шығармашылықты дамытуға құштарлығын арттыру, топпен және жекелей жұмыс істеу дағдысын баулу.

Сабақ өткізу барысында деңгейлеп саралап оқыту технологиясының әдістерін жиі қолданып, жаңа тақырыпты студенттерге шығармашылық ізденіс пен эмоциональдық даму үстінде меңгеру қажет. Сол себепті, практикалық сабақтарда студенттердің ынтасы мен белсенділігін арттыру үшін проблемалық сұрақтар қойылып, тақырып бойынша деңгейлік тапсырмаларды беріп, нәтижесінде студенттердің табиғи жеке қабілеттеріне сәйкес жоғары потенциялын ашылуына, шығармашылығын жақсы бір деңгейде көрсете білуіне ықпал жасалады.

Студенттердің даму деңгейін өзгелермен емес, студенттердың өзімен -өзін салыстыру арқылы анықталады, осы арқылы ізгілік қатынасты көруге болады. Сабақтан тыс уақытта үлгерімі төмен және қосымша ақпарат ала отырып, күрделі жобаны орындағысы келген студенттермен жеке жұмыс жасауға мүмкіндік туады.

Бұл технологияның тағы бір ерекшелігі дарынды балалармен тұрақты және жүйелі жұмыс істеуге мүмкіндігң болып табылады.

Төменде «Графика және жобалау» пәнінің «Пішінді түрлендіру» 5 бөлімінің 14 тарауы «Нәрсенің пішінін түрлендіру» тақырыбына қолданатын деңгейлеп саралап оқыту технология әдістерін 2 практикалық тапсырмада қолданылу нұсқасы мысал ретінде ұсынылады. Бірінші тапсырмада, студенттерге 4 қосымша тапсырма, ал екінші тапсырмада 3 қосымшаны топтағы студенттердің орындауына арналған.

Тақырып: Заттын пішінін түрлендіру

Сабақ мақсаты: 1. Кеңістіктегі бұйымның проекциялау жазықтығына қатынасын білу және түсінгенін көрсету.