12 жылдық білім жүйесі туралы тәжірибе мақаласы

БАЯНДАМА

12 жылдық білім жүйесіндегі жүргізіліп жатқан жұмыстар.

Елбасы Н.Ә. Назарбаев «Еліміздің ертеңі- бүгінгі жас ұрпақтың қолында, ал жас ұрпақтың тағдыры ұстаздардың қолында»,- деген болатын.

Қазір 50 елмен бәсекелестікке жарайтын , қабілетті, білімі терең, іскер, шығармашылық белсенділігі жоғары, жан –жақты дамыған болашағы зор ұрпақ дайындап беретін де сол ұстаздар қауымы.

12 жылдық білім беру жүйесіне көшу –қоғамдағы елеулі өзгерістер мен адамдар арасындағы қарым –қатынас құралының қарыштап дамуына байланысты жаңа адамды қалыптастыруды көздеген заман талабы. Осы заман талабынан қалыспай біздің мектепте 2004 жылдан бері эксперимент сыныптар ашып, жұмыс жасауда.

12 жылдық білім берудің басты мақсаты – Өзінің және қоғамның мүддесінде өзін – өзі белсенді етуге дайын,өзгермелі даму үстіндегі ортада өмір сүруге бейім, бәсекеге қабілетті және құзыретті, шығармашыл ,өзін – өзі таныған, қоғам мүддесін қорғай алатын, жауапкершілігі мол білімді тұлғаны қалыптастыру.

12 жылдық жалпы орта білім беру үш сатыдан тұрады.

1 – саты – жалпы бастауыш білім беру /1-4 – сыныптар- бастауыш мектеп/

2- саты—негізгі орта білім беру / 5 -10 – сыныптар- негізгі мектеп/

3 – саты – жалпы орта білім беру / 11 – 12 – сыныптар—жоғарғы мектеп/

2- сатының негізгі бағдары – негізгі жалпы білім алуға жағдай жасау, адамдар арасындағы және этносаралық қатынастар мәдениетін, тұлғаның біртұтас көзқарасын, өзін өзі анықтауын қалыптастыру, тұлғаның өзін – өзі ұйымдастыру тетіктерін , кәсіби және танымдық ой – пікірінің туындауына, теориялық ойлау тәсілдері мен ғылыми таным әдістерін игеруіне ықпал ететін оқу әрекетін ұйымдастыру.

Негізгі мектеп оқытуды бейіндік мектепте немесе кәсіптік бастауыш және орта білім беру ұйымдарында жалғастырудың базасы болып табылады.

Бұл сатының ерекшелігі оқушының мектептегі үшінші сатыдағы бейіндік оқытуға саналы таңдау жасауға бағдар көрсететін бейіналды дайындықтың жүргізілуі болып есептеледі.

Үшінші сатының бағдары – жалпы орта білім берудің соңғы кезеңі болып табылатын, оқытудың саралануы мен даралануына, оқушылардың білімін жалғастыруға қатысты жеке және өмірлік өзін – өзі танытуына ықпал ететін талабымен, қызығушылық ниетімен сәйкесәлеуметтендіруге бағдарланған бейіндік оқытуды іске асыруға жағдай жасау. Бейіндік оқыту жаратылыстану - математикалық, әлеуметтік – гуманитарлық және технологиялық бағыттар бойынша жүзеге асырылады.

12 жылдық білім беру міндеттерінің бірі – оқушыны шынайы әлем жағдайындағы өмірге дайындау болғандықтан алғашқы жылдардан бастап № 21 жалпы орта мектептің сынақ сыныптарында ағылшын, информатика, орыс…