Жастар және жаңа білім жүйесі туралы мақала

ЖАСТАР ЖӘНЕ ЖАҢА БІЛІМ ЖҮЙЕСІ

Темірғалиева Назерке Қуанышбекқызы

Атырау жоғары көпсалалы «Болашақ» колледжі, қазақ тілі мен әдебиеті пән оқытушысы

Бiлiм беру жүйесi дегеніміз – қоғамның әлеуметтiк – экономикалық дамуында жетекшi роль атқарады, сондай – ақ оны әрi қарай айқындай түседi.

Білім беру жүйесі - сабақтастығы бар білім беру бағдарламалары мен әр түрлі деңгей мен бағыттағы мемлекеттік білім беру стандарттары жүйесінің, оларды әртүрлі ұйымдастыру құқықтық формадағы, типтегі және түрдегі білім беру мекемелерінде іске асырушы тармақтардың, сонымен бірге білім беруді басқару органдары жүйесінің жиыны. Ал тұңғыш президентіміз – Нұрсұлтан Әбішұлы Назарбаев айтқандай: "Білімді ұрпақ – жарқын болашақ кепілі. Сондықтан келешек ұрпағымызды білімді, білікті, бәсекеге қабілетті етіп тәрбелеу – мемлекетіміздің басты ұстанымдарының бірі."

Ал отандық білім беру жүйесі, оқыту технологиясына келсек, жалпы ұлтымыздың дұрыс білім ала алуының жалпы өзегі – ана тілін жетік білу. "Ана тілің – асылың, оны білмеген – масылың" деп қазақтың біртуар ақыны – Қадыр Мырза Әли бабамыз айтқандай өз ана тілін жетік білу ұлтымыздың барша білімді санасына жетік сіңіре алуына жол ашпақ.

"Ана тілің – арың бұл, Ұятың боп тұр бетте.

Өзге тілдің бәрін біл, Өз тіліңді құрметте!.." дегендей, ең алдымен білім алуды өз ана тілімізді жетік білу арқылы ғана жүзеге асыра аламыз.

Білім беру, саналы ұрпақ пен шәкірт тәрбиелеу әрине, оңай шаруа емес екені анық та айқын мәселе. Дей тұрғанмен, қазіргі заманда неше түрлі технологиялар, техникалық ақпарат құралдары, көптеген салалар дамып, білім беру мен білім алу жолдарын кеңейтті. Тек білім алудың арқасында ғана алыс жолдарға адамзат – аз ғана уақыт ішінде жол жүру арқылы қол жеткізді. Қарыштап тұрған бейтаныс, кең ғарыш әлемін ғарыш кемесі арқылы оп-оңай зерттей алды. Халық бір-бірімен ақпарат алмасу үшін де көптеген технологиялық құралдарды, телефон, компьютер, ақпарат құралдарды, т.б. ойлап тапты. Демек, адамзат – суда балықша жүзіп, аспанда құстай ұша алатындай бұл заманда мықты дамыған нәрсе ғылым-білім еді.

Қазіргі заманда білім алу үшін көптеген мүмкіндіктер, жаңа есіктер ашылды. Әрине, адамзат білім беру деген секілді үлкен жетістік жолында тоқырап қалмауы қажет. Орыс педагогі К.Д.Ушинский айтқандай, қазіргі заман талабына сай, әр мұғалім, өз білімін жетілдіріп, ескі бірсарынды сабақтардан гөрі, жаңа талапқа сай инновациялық технологияларды өз сабақтарында күнделікті пайдаланса, сабақ тартымды да, мәнді, қонымды, тиімді болары сөзсіз.

Жалпы отандық білім беру технологиясының жолында көптеген ұлттық қадамдар жасалынды. Мысалы, 2016 - 2017 жылдары "Хабар" телеагенттігі ұйымдастырған "Менің арманым" атты жобасы, Назарбаев зияткерлік мектебінің ашылуы, университет студенттерінің…