2-сынып математикасы ондық құрамға арналған сабақ жоспары

Математика 2-сынып

Сабақтың тақырыбы: 11-ден 20-ға дейінгі сандардың ондық құрамы.

Мақсаты:

1. Білімділік: екі таңбалы сандар, олардың ондық құрамы туралы түсінік қалыптастыру.

2. Дамытушылық: Оқушылардың логикалық ойлау қабілетін арттыру.

3. Тәрбиелік: Оқушыларды байқампаздыққа тәрбиелеу.

Сабақтың түрі: аралас сабақ.

Әдіс-тәсілдері: сұрақ-жауап, әңгімелеу, түсіндіру, ойын, көрнекілік.

Көрнекіліктер: суреттер, ойыншықтар және әртүрлі заттар.

Сабақтың барысы:

1. Ұйымдастыру кезеңі: Сәлемдесу, сабақтан қалған оқушыларды түгелдеу. Оқушылардың зейінін сабаққа аудару. Сабақтың тақырыбын хабарлау. Мақсатымен таныстыру. Бүгінгі сабағымыздың мақсаты екі таңбалы сандар, олардың ондық құрамы туралы түсінік қалыптастыру.Ал,балалар, алғашқы сабағымызды көңілді тілектерден бастайық. Бір-бірімізге қарап хормен бүгінгі күнге тілек тілейміз.

Қуанамын мен де ,

Қуанасың сен де.

Қуанайық ,достарым,

Арайлап атқан күнге.

2. Тақырыпқа көшу кезеңі.

Тақтаға түрлі заттардың суреттерін іліп, Қанша?» Неше? Нешеу? сұақтарын қою арқылы заттарды санау, заттардың қасиеттері туралы әңгімелеу. 10-ға және 20-ға дейін тура және кері бағытта санату.

«Есептеу мшинасы» ойыны.

3. Тақырыпты түсіндіру.

Сандардың алдымен өсу, содан кейін кему ретімен атау.

Сергіту сәті:

Оң қолымда бес саусақ,

Сол қолымда бес саусақ

Бесті беске қосқанда

Болып шықты он саусақ.

4. Сабақты бекіту.

«Есептеу мшинасы» ойыны.

Оқулықпен жұмыс:

Оқулықтың 11-бет. №3 (Бос орындарды толықтыр)

№4. Салыстыр.

№5. Сұрақты толықтырып, есептерді шығар.

Дәптермен жұмыс.

5. Сабақты қорыту.

Не үйрендік?

6. Үйге тапсырма.

7. Оқушыларды бағалау.