Сандар тақырыбына арналған 2 сынып ашық сабақ жоспары

Тақырыбы: Мен лагерьде демалдым

0-ден 10-ға дейінгі сандар.11ден 20-ға дейінгі сандар. Толық ондықтар.

Мектеп: 9

Күні: 5.09.

Сынып: 2

Мұғалімнің аты-жөні:Сатмаганбетова Айман Сапаровна

Оқу мақсаттары

2.1.1.1. 100-ге дейінгі сандардың құрылу жолын түсіну; 100 көлеміндегі сандарды тура жəне кері санау, олардың натурал сандар қатарындағы орнын анықтау

Сабақтың мақсаттары

Барлық оқушылар үшін:

20-ға дейінгі сандарды ретімен жəне кері ретпен, толық ондықтармен санау, натурал сандар тізбегін анықтау

Бірқатар оқушылар үшін: толық ондықтармен санау

Кейбір оқушылар үшін:

20 дейінгі сандардың түрлі моделін білу

Тілдік мақсаттар

Пəндік лексика жəне терминология:20-ға дейінгі сандардың аталуы, толық ондықтар, бірліктер, артық, кем, ерте, кеш, алдыңғы, артқы аралықтағы сандар

Сабақта диалог/жазу үшін пайдаланылатын тіл.

Аралықтағы санды айта аласың ба? ...

10 жəне 20, 0 жəне 10 сандары арасындағыларды қалай анықтауға болады?

Сандарды ретімен жəне кері ретпен санай аласың ба?

Санның моделін қалай көрсетуге болады? 16 санының моделін көрсете аласың ба?

Тірек білімдер, білік, дағдылар

20-ға дейінгі сандар, толық ондықтар, сандарды салыстыру, жазу жəне оқу

Жоспар

Жоспарланған уақыт

Жоспарланған іс-əрекет

Қоры

Ынталандыру.

Каникул кезінде санаудың қандай жағдайда қажет болғанын, математикалық білім мен дағдыларын қалай пайдаланғандары туралы əңгімелеседі.

Санаудың, дұрыс санай білудің маңызды екендігі туралы қорытындылау

Серпілген сауал.

Сыныптағы ұлдар мен қыздар санын есептеуге болады. "Санды тап" ойыны ойналады. Алдын ала 0-ден 20-ға дейінгі сандардың қиықшалары дайындалады. Оқушылар командаға бөлінеді. Əрбір команда 20-ға дейінгі сандарды тауып, дұрыс айта білулері керек.

20-ға дейінгі сандардың, толық ондықтардың қиықшалары

Мақсатты бекіту (мəселелі жағдаяттар).

Сабақтың мақсатын бекіту:

– Осы сабақта алдымызда қандай мақсат тұр? (тура жəне кері санауды, сандардың «көршілерін» атауға жаттығу,1-сыныпта өтілгендерді еске түсіру)

Оқушылар №1 тапсырманың материалдары негізінде «Лагерьдегі жазғы демалыс» тақырыбын түсіндіріп талдау. Оқушылар жазда достарымен қандай ойындар ойнағанын, қандай спорттық үйірмелереге барғанын əңгімелейді. Оқулықтағы №1, а, ə, б тапсырмалармен жұмыс ұйымдастырылады.

Өздік жұмыс.

Оқушылар 15, 20, 11, 9 сандарының моделін құрайды, одан соң жұмыс дəптерінен 2,3-тапсырмаларды өз бетінше тексеру арқылы орындайды.