3-сынып математикасында тіктөртбұрыш пен шаршы ауданын табу

55-сабақ. Тіктөртбұрыш пен шаршының ауданын табу

Тақырып: Ертеде қазақ халқы ауданды қалай өлшеген?

Мектеп:

Күні:

Мұғалімнің аты-жөні:Дастанбаева Фарида Кушекбаевна

Сынып:

Қатысқандар саны:

Қатыспағандар саны:

Оқу мақсаттары

3.1.3.1 ауданы болатын нысандарды атау және ауданды өлшеуге арналған өлшемдер мен құралдарды таңдап алу, палеткамен өлшеу

3.3.1.3 тікбұрышты үшбұрыш, шаршы, тік төртбұрыш ауданы формуласын: S= (a·b):2, S=a2,S=a·b шығарып алу және қолдану, қоршаған орта обьектілері

3.1.3.2 мм, км/ г, т/см2, дм2, м2 /секунд өлшем бірліктерін қолданып өлшеу

Күтілетін нәтиже

Барлық оқушылар үшін:

ауданы болатын нысандарды атау және ауданды өлшеуге арналған өлшемдер мен құралдарды таңдап алу, палеткамен өлшеу.

Бірқатар оқушылар үшін:

Тіктөртбұрыштың S=a·b, шаршының S=a2ауданын табуға формулаларды құрастыру және қолдану.

Кейбір оқушылар үшін:

Тіктөртбұрыш пен шаршының ауданын табу формулаларын қалай құрастыруға және қолдануға болатынын түсіндіру.

Тілдік мақсаттар

Оқушылар:

Ауданды және оны қалай табу керек екенін түсіндіру.

Пәндік лексика және терминология:

Аудан, палетка.

Сабақта диалог/жазу үшін пайдаланылатын тіл.

Талқылау:

Қандай фигуралардың ауданы бар?

Палетканы қалай қолдану керек?

Жазу:

Есептердің шығару жолдарын жазу.

Тірек білім, білік, дағдылар

Аудан туралы тұрмыстық түсінік.

Жоспар

Жоспарланған уақыт

Жоспарланған іс-әрекет

Ресурстар

Ынталандыру.

Мейірімді жүрекпен,

Ақ пейілді тілекпен.

Амандасып алайық,

Бір жадырап қалайық.

Оқушыларды оқуға зейінін аударып,сабаққа дайындау.

3-слайд

Белсендіру.

Тақтада: дөңгелектер, үшбұрыштар, тіктөртбұрыш, шаршы, тікбұрыш сияқты геометриялық фигуралар бар. Мұғалім балаларға фигуралардың ең үлкенін және ең кішісін алғызады.

– Біз фигураның шамасы (үлкен, кіші) жайында айтсақ, олардың несін салыстырамыз?

Ауданын салыстырған дұрыс.

Мұғалім тақтадағы фигуралардың ауданын салыстыруды ұсынады.

– Бір фигураны екінші фигураның үстіне қойып салыстыруға бола ма? Егер бір фигураны екіншісінің үстіне қойып салыстыру болмаған жағдайда, фигуралардың ауданын қалай салыстырамыз?

Оқушылар өздері бөліктердің бірін бірнеше кіші бөліктерге бөліп, осы кіші бөліктерден екінші фигураның пішінін жасап салыстыруға болатынына көз жеткізгені дұрыс. Бұл кезеңде мұғалім фигуралардың бірінде бір торкөзді белгілеп, екі фигураны бірдей шаршыларға бөліп, әр фигурада шаршылар санын салыстыруға балалар дағдыланады.

Геометриялық фигуралар

Мақсат қою

Оқушылармен №1 тапсырма бойынша жұмыс жасайды.

Ол бұрынғы кезде көшпелі халықтарға қазақ үйдің

(жарты қазақ үйдің) ауданын, жырту керек жерді, жайылымдар мен шөп шабуға пайдаланылатын жерді және т.б. өлшеуге тура келетін. Төмендегідей жеңіл өлшемдерді пайдаланған: алақандай– бір алақан сияқты кішкентай жер, үй орнындай– қазақ үйдің орнындай жер. Өз алақанымен бір парақ қағаздың (партаның, орындықтың) ауданын өлшейді.

Қағаз беттері.

Жаңаны ашу.

Математиктер сияқты қабырғасы 1 см болатын шаршыны квадрат сантиметр деп атайтын боп келісеміз. Ауданы 1 см2 өлшемді сызады.

Геометриялық фигураның ауданын табу дегеніміз – бұл осы фигураның ішіне қабырғасы 1 см-ге тең неше шаршы сыятынын санау.