3-сыныпта жаратылыстану арқылы сауаттылықты дамыту

«А.С.Макаренко атындағы орта мектебі»КММ

Баятова Шынар Нургайыповна

Бастауыш сынып мұғалімі.

Бастауыш сыныптарда жаратылыстану пәні арқылы оқушылардың функционалдық сауаттылығын дамыту бойынша тәжірибеге бағытталған тапсырмаларды қолдану

Мектептің жаны – мұғалім. Мұғалім қандай болса, мектеп сондай болмақшы. Яғни, мұғалім білімді болса, ол мектептен балалар көбірек білім алып шықпақшы. Солай болған соң, ең әуелі мектепке керегі – білімді, педагогика, методикадан хабардар, жақсы оқыта білетін мұғалім.

Ахмет Байтұрсынұлы

Қазіргі таңда, қарыштап дамыған қоғамда мамандықтың сан алуан түрі бар. Бір мамандық жаңадан пайда болса, дәл сол кезде тағы бір сала өз жұмысын тоқтатып, жер бетінен жойылып жатыр. Алайда, барлық мамандық атаулының анасы һәм темірқазығы – ұстаздық қызмет өз жұмысын тоқтатпақ емес. Заман көшімен қатар жаңғырып, қоғам дамуымен бірге жаңарып жатқан мұғалім мамандығының бүгінде мәртебесі биікте. Себебі педагогика саласы басқа мамандықтардың дамуына тікелей ықпал етеді. Оған дәлел – ұстаз шәкірт тәрбиелеп, білім беру арқылы әр салада қызмет істейтін сапалы маман даярлайды. Заманауи мұғалім оқушыға іздеу, талдау, сараптама жасау және оған өзіндік баға беруді үйрете отырып, табиғи дарынын ашып, шығармашылыққа жетелейді. Осылайша ұстаз салған сара жолмен өз ісінің нағыз шебері, білікті мамандар дүниеге келіп, өзі өмір сүріп отырған қоғамның дамуына үлес қосады.

Шындығында педагог – мұхит тұнығындай терең білімнің, биік парасаттың иесі. Жоғарыда шәкірттің болашақта білікті маман болуы, ұстазына тікелей байланысты екенін бекер сөз еткенім жоқ. Себебі мұғалімнің бағыт-бағдары менің де ұстаздық жолымда да анық көрініс алуда.

Оқушыға нақты білім беруді мақсат тұтқан мұғалімнен өз сабақтарын оқушының идеясы мен білім-біліктілігін дамытуға ықпал ететін міндеттерге сай ұйымдастыру талап етеді. Ол мұғалімнің кәсіптік құзыреттілігімен тікелей байланысты. Мұғалімнің кәсіби құзыреттілігі — оның жан-жақты білімінен, ұстаздық шеберлігімен, оқытудың жаңа әдістерін меңгеруімен және сол әдістерді тиімде пайдалануымен өлшенеді. Әрбір оқу пәні бойынша білім, білік, дағдыны ғана игеру оқушы құзыреттілігі үшін жеткіліксіз болып отыр.

Бүгінгі мұғалімнің жетістігін оқушыларға өзінің берген білімі мен біліктерін үйретумен бағалап қоймайды, сонымен бірге ол өсіп келе жатқан ұрпақты жаңа…