Спорт әлеміндегі математикалық сайыс 6 сынып

1-жүргізуші: Армысыздар ардақты ұстаздар, «жүзден жүйрік, мыңнан тұлпар сайыскерлер!» «Математика ғылымдар патшасы» дегендей, бұл ғылым адам өміріне, оның ой өрісінің дамуына аса қажет. Бүгінгі 1- желтоқсан Қазақстан Республикасының Тұңғыш Президент күніне арналған «Математикалық сайыс спорт әлемінде» атты жарысымызға қош келдіңіздер!

Кез келген елдің болашағы білім беру жүйесінің деңгейіне бағыт бағдарына байланысты. Ел басының жыл сайынғы дәстүрлі жолдауын жүзеге асыру барысында білім саласы маңызды реформалар арқылы айтулы өзгерістерге еніп келеді.

Еліміздің болашағына денсаулығы зор, білімді, тапқыр, еңбекқор жастар керек. Сол себепті бүгінгі математикалық сайысымызды спортпен байланыстыра отырып өткіземіз.

2- жүргізуші:

Сандардың біз сырына үңілеміз

Үйренбеген достардан түңілеміз.

Білгеніңді бұл пәннен жасырсаңдар

Бүгін достар әрине жеңілеміз- дей келе сайысымызды бастаймыз.

1-жүргізуші:

Ұстаздардан, жаттықтырушылардан, құралған бүгінгі сайысты бағалайтын әділ-қазылармен танысайық.

2- жүргізуші:

Жарысымыздың алғашқы бөлімі «Танысу»

Үлгілі тәртіп, жақсы оқу

Алға қойған мақсаты

Әрқашанда мектепте

Шығып жүрген жақсы аты

Мектепте ылғи дарындар

Жүректе от, көздерінде жалын бар.

«Жеті қазына» тобын халайық

Құрметпен қарсы алайық

Ұраны:

«Білекті бірді жығар, білімді мыңды жығар»

Сәлемдесу:

Жеті жұрттыі тілін біл

Жеті түрлі білім біл

Жеті қазына биіктерде қалықтасын

Жеңіс туы желбіреп алауласын

Бәйгені біздің топтан ала алмасын.

Әділ –қазыға:

Армысыздар құрметті

Әділ – қазы алқасы

Сіздерден әділ шешімді

Күтеді бүгін баршасы

Алдарыңда тұрғандар,

Білім жолын қуғандар.

Әділ болса қазылар

Жеңеміз деген арман бар.

Әділ қазыларға термометр сыйлайды.

Термометр бергенім

Жалындаған біз үшін

Намыс отын қайраған

Оттай ысып жайнаған

Жанкүйерлер қызуын

Өлшей берсін дегенім.

1-жүргізуші:

Біріміз-күн, біріміз – ай болайық

Жарыстың атына тек сай болайық.

Іске сәт деп көпшілік бата берсе «Шаршы» тобын

Қошаметпен қарсы алайық.

Ұраны:

«Білгенің бір тоғыз, білмегенің тоқсан тоғыз»

Сәлемдесу:

Шаршы алаңға жарысқа,

Шықты біздің тобымыз

Жеңілсек те, жеңсек те.

Ашық болсын жолымыз!

Әділ-қазыға:

Әділ-қазы, ақ қазға бір сәлем.

Әділдікке бас иеді күллі әлем

Жүйрік озар жарыстарда неше бір.

Сарапқа сап әділдік пен шеше біл!

Әділ-қазыларға таразы сыйлайды.

Өлшегішті бергенім