7-сынып қазақ тіліне арналған Наурыз мерекесі жоспары

Қысқа мерзімді сабақ жоспары

Бөлімі: Наурыз мейрамы. Ақ мол болсын! Ұлыс оң болсын!

Сынып: 7

Мектеп: №2 орта мектеп Щучинск қаласы

Мұғалімнің аты – жөні: Темирбулатова Жанна Баржаксыловна, қазақ тілі мен әдебиеті мұғалімі

Қатысқандар саны:

Қатыспағандар:

Сабақтың тақырыбы

Наурыз –ұлыстың ұлы күні .

Оқу мақсаттары:

7А2. өтініш, бұйрық берудің түрлі формалары мен жағдаяттарына сай ұлттық сөз әдебі мен сөйлеу этикеті формаларын қолдана білу.

7Ж5 Тақырып бойынша сөздердің маңызды бөліктерін дұрыс жазу.

Сабақ мақсаттары

Саралау №1

Барлық оқушылар:мәтінді мұқият оқып, сөйлеу этикеті формаларын анықтайды, суреттерді сипаттайды, сұрақтарға жауап бере алады.

Көптеген оқушылар: мәтіндегі негізгі ақпаратты ажыратады, сөйлеу этикеті формаларын дұрыс қолданып, иллюстрацияларды сипаттайды, сұрақтарға жауап беру арқылы сұхбаттасады.

Кейбір оқушылар: мәтіндегі нақты ойды анықтайды, өтініш, бұйрық берудің түрлі формалары мен сөйлеу этикеті формаларын қолданып, өз ойларын өмірмен байланыстырады, ортаға салады.

Бағалау критерийлері

Саралау №2

Мәтіндегі негізгі ақпаратты ажыратады.

Өтініш, бұйрық берудің түрлі формалары мен ұлттық сөз әдебі мен сөйлеу этикеті формаларын анықтайды, қолданады.

Мәтін бойынша сұрақтарға жауап береді.

Иллюстрацияларды сипаттай алады.

Өмірмен байланыстырып, өз ойларын білдіреді, ортаға салады.

Тілдік мақсаттар

Пәнге қатысты сөздік қор мен терминдер:

жаңа күн, күн мен түн теңеледі, ұлыстың ұлы күні, наурызкөже, бата, салт-дәстүрлер, табиғат мейрамы.

Сөздік жұмыс:ұлыс, халық – народ

көшет – саженцы

көзін ашады – очищают

теңеледі – равняется

дәм татады – пробовать

Талқылауға арналған сұрақтар:

1.Наурыз мерекесі жылдың қай мезгілінде, қай күні тойланады?

2. Қазақ халқында мейрамды тойлаудың қалыптасқан қандай дәстүрлері бар?

3. Өз жанұяларыңда Наурыз мейрамын қалай тойлайсыңдар?

Құндылықтарды дарыту

«Мәңгілік Ел» жалпы ұлттық идеясының құндылықтары

2.Қоғамымыздағы ұлттық бірлік, бейбітшілік пен келісім.

5. Жалпыға бірдей еңбек қоғамы.

6.Тарихтың, мәдениет пен тілдің біртұтастығы.

Оқушыларды ұлттық салт-дәстүрлерін сақтауға,Ұлыстың ұлы күнін зор мақтанышпен қарсы алып, құрметтей білуге тәрбиелеу.

Пәнаралық байланыс

Әдебиет, тарих.

АКТ ресурстары

Үлестірмелі материалдар

АКТ, интерактивтік тақта, суреттер, ребус.

Алдыңғы білім

Мұғалім жетекші сұрақтар қою арқылы оқушының бастапқы білімін анықтай алады

Сабақтың барысы:

Сабақтың жоспарланғанкезеңдері

Сабақтағы жоспарланған іс-әрекет

Ресурстар

Сабақтың басы

Мұғалім оқушылармен амандасып, сыныпты түгендейді. Кезекшімен сөйлесу.

Сабақтың басы

(Ұ) Оқушыларға психологиялық ахуал туғызу.

Егер сіздің досыңыз болса, көршінің басын сипаңыз;Егер сіздің үйіңізде мысық болса, өз басыңызды сипаңыз;Егер сіз, иттерді жақсы көрсеңіз көршіңізді құшақтаңыз;Егер сіз құстарды жақсы көрсеңіз, қолыңызды созып, құстарша қанат қағыңыз.Егер сіз өз мектебіңізді жақсы көрсеңіз, аяғыңызды топырлатыңыз;Егер сіздер Отанымызды, туған жерімізді жақсы көрсеңіздер, алақандарыңызды соғыңыздар!рахмет!

Ауызша. Кері байланыс. Жақсы! Жарайсыңдар! Тақырыпты болжау.

Белсенді әдіс «Миға шабуыл» әдісі.

Ребусты шешу.

Мақсаты: жаңа сабақтың тақырыбын ашады.

Тиімділігі: оқушылардың зейінін шоғырландырады, ойландырады, жылдам ойлау, тапқырлық және логикалық ойлау қабілеттерін дамытады.

Наурыз мерекесі

Ауызша.Кері байланыс. Жақсы! Жарайсыңдар! (қолдау арқылы)

Жаңа сабақтың тақырыбы мен мақсаты айтылады, оқушылар бағалау критерийлерімен таныстырылады.

Наурыз мерекесі. (Ұлыстың ұлы күні)

Сөздік жұмыс. Белсенді әдіс №2. «Қар кесегі» ойыны.

Оқушылардың жаңа сөздерді қаншалықты меңгергенін анықтау үшін «Қар кесегі» әдісін пайдаланамын.

Өзім бастап қар кесегін бір оқушыға лақтырамын, оны алған оқушы сөзді еске түсіріп, сол сөзді қатыстырып, сөз тіркесін, сөйлем құрастырып айтады.

Мәтіндегі жаңа сөздермен таныстыру.

ұлыс, халық – народ

көшет – саженцы

көзін ашады – очищают

теңеледі – равняется

дәм татады – пробовать

Ауызша. Кері байланыс. Жақсы! Жарайсыңдар! (қолдау арқылы)

Ребус

Сөздер

Сабақтың ортасы

25 минут

Айтылым. Мәтінмен жұмыс.

Наурыз — ертеден келе жатқан мейрам

Наурыз — парсы сөзі. Ол «нау» жаңа, «руз» күн, яғни, «жаңа күн» деген мағынаны білдіреді. Наурызда күн мен түн теңеледі, жаңа күн басталады. 22 Наурыз — бүкіл шығыс халықтарының мерекесі. Ол — ертеден келе жатқан мейрам. Оны қазақ халқы ертеден тойлап келе жатыр. Наурыз — ұлыстың ұлы күні. Ұлыс күні жыл басы саналған. Халықтың мифологиялық түсінігі бойынша 21 наурыз түні даланы Қыдыр аралайды. Ұлыс күні қазақ елі үшін әрқашан қасиетті, киелі саналған. Халық таза, жаңа киімдерін киген. Ауылдың ер адамдары бір-бірімен қос қолдасып, төс қағыстырады. Әйелдер құшақтасып, бір-біріне игі тілектер айтады. «Наурыз құтты болсын! Өмір жасың ұзақ болсын! Ұлыс оң болсын! Ақ мол болсын!». Бірін-бірі мерекеге арнап дайындалған наурыз көже ішуге шақырады. Қазақ халқында бұл мейрамды тойлаудың ертеден қалыптасқан дәстүрлері бар. Бұл күні әр үй дастарқанына түрлі тағам қояды. Солардың ең бастысы — наурызкөже. Наурызкөжені жеті түрлі тағамнан пісіреді. Одан бүкіл ауыл адамдары дәм татады. Дастарқанға үлкен адамдар бата береді. Қазақ халқы наурызтойын көңілді өткізеді. Өнерпаздар ән айтып, бишілер…