7 сыныпқа арналған ұлттық ойындар сыныптан тыс жұмысы

Жасөспірімдерді қазақтың ұлттық ойындарына баулу

Қазақтың ұлттық ойындарының түрлері:

1.Асық ойыны

2.Аударыспақ

3.Жекпе-жек ( өгіз тартысы )

4.Теңге алу

5.Қыз қуу

6.Арқан тартысы

Сабақтын мақсаты 1. Оқушыларға «Қазақтың ұлттық ойындары » туралы мәлімет беру, насихаттау . 2 . Қазақтың ұлттық ойындарын жүргізу арқылы оқушылардың ойлау қабілеттерін дамыту Ойын арқылы сабаққа деген қызығушылықтарын ояту 3 . Қазақтың ұлттық ойындарын жүргізу арқылы оқушыларды қазақ халқының салт дәстүрін, әдет ғұрпын, туған елге , жерге , өз отанына деген сүйіспеншілік сезімінің қалыптасуына ықпал ету , ұлттық ойындар ерекшелігін ұқтыру

1.Асық ойыны

2.Аударыспақ

3.Жекпе-жек ( өгіз тартысы )

4.Теңге алу

5.Қыз қуу

6.Арқан тартысы

Асық иірімінің түрлеріне кішігірім шолу

Асық ойынының терминдері

Асық — төрт түлік малдың тілерсегінде болатын , қызметі аса күрделі , буынға біткен шымыр сүйек . Қой, ешкі , сиыр , түйе асығы үлкен-кішілігіне қарамастан бір пішіндес , мүсіндес келеді . Ал жылқы асығы басқа пішінде болады .

Алшы — асықтың иірілгенде тегіс табаны жерге тиіп , тұрық түсуі. Ойын кезінде оған бірінші дәрежелі мән беріледі .

Тәйке (тәуекел сөзінен шыққан ) — асықтың иірілгенде шұңқырлау табаны жерге тиіп , тұрық түсуі. Ол екінші дәрежелі мәнге ие .

Бүге (бүк түсіп жатуы ) — асықтың иірілгенде дөңес жоны үстіне қарап, етпетінен жатық түсуі. Ол үшінші дәрежелі мәнге ие .

Шіге ( шік ) — асықтың иірілгенде шұңқыр құрсақ жағы үстіне қарап, шалқасынан жатық түсуі. Ол төртінші дәрежелі мәнге ие .

Тұрық — асықтың алшы не тәйке түсуі .

Омпы — асықтың тұмсығымен жер тіреп , тік шаншылып түсуі .

Сомпы — асық тұмсығының көкке қарап , тік шаншылып шоңқая түсуі .

Табан — асықтың тәйке жағы .

Оңқай — асықтың бүгесі алақанға қарап, тәйкесі оң қол бас бармағына басылып ыңғайлы ұсталуы .

Оңқай асық малдың сол жақ аяғының тілерсегінде болады .